"Merrni hak", ISIS kërcënon me hakmarrje pas masakrës në Zelandën e Re

Sulmi i përgjakshëm terrorist ndaj dy xhamive në Zelandën e Re mund të shkaktojë një spirale të re dhune. Milicët xhihadistë të të ashtuquajturit “Shteti Islamik” kanë bërë thirrje për hakmarrje.

Një zëdhënës i organizatës terroriste “Shteti Islamik” në një publikim në kanalet e zakonshme të mediave sociale të IS-it është shprehur, se “liderët e të pafeve” kanë derdhur lotë krokodili për viktimat e masakrës në qytetin e Zelandës së Re, Christchurch.

Skenat e vrasjes në dy xhamitë i nxisin përkrahësit e IS-it që të hakmerren për fenë dhe vëllezërit e tyre të besimit, ka thënë ky person, i paraqitur si zëdhënës i IS-it. Vërtetësia e mesazit në audio nuk mund të provohet përfundimisht, po ajo u shpërnda në kanalet e njohura të IS-it.

Në sulmin me motive raciste të premten, australiani, Brenton Tarrant vrau 50 vetë në dy xhami, më shumë se 30 të tjerë trajtohen në spitale. 28 vjeçari ekstremist i djathtë, që e filmoi vetë atentatin është akuzuar për vrasje të shumëfishtë dhe duhet të llogarisë me burgim të përjetshëm.

“Merrni hak”

Zëdhënësi i IS-it kërcënoi SHBA dhe aleatët me një rezistencë të re në Siri. “Merrni hak për gjakun e vëllezërve dhe motrave tuaja”, u kërkoi ai përkrahësve. Prej disa javësh trupat kurde me mbështetjen e koalicionit kundër IS-it përpiqen të marrin nën kontroll rajonin Baghus. Në bastionin e fundit të IS-it janë të mbledhur disa qindra milicë xhihadistë.

Në fund të shkurtit, presidenti Trump deklaroi, se janë rimarrë “100%” e territoreve të okupuara përkohësisht nga IS-i. Zëdhënësi i IS-it tha se kjo “fitore e sajuar” nuk ka të bëjë me realitetin.(DW)

ANALIZA: Ja si Donald Trumpi, u vu në lojë nga Kim Jong-un

12:44 Bota

ANALIZA: Evropa, a është krisur sistemi?

11:27 Bota

Pesë rrahjet e poetëve ruse: Historia e Eseninit, Pasternakut, Mandelshtamit, Majakovskit dhe Brodskit

11:18 Bota

Thesari i humbur i Kalorësve Templarë mund të ndodhet diku në Ishullin Oak në Kanada

10:51 Bota

ANALIZA: A po shkojmë drejt fundit të qytetërimit tonë?

10:20 Bota

"G20-a vëmendje të veçantë ekstremizmit në internet"

10:13 Bota

Mesazhi i Francës për kapitalizmin është i thjeshtë: Përshtatu, ose vdis

09:59 Bota

George Bush thumbon Donald Trump: Migrimi është bekim dhe forcë

09:46 Bota

Makthi bërthamor: India dhe Pakistani, në prag të konfliktit

09:15 Bota

Franca shpall ndalimin e protestave pas trazirave

19:54 Bota