Te fundit
Jari përgënjeshtron Topin: Nuk isha pompist kur u angazhova në politikë, isha banakier
17 Maj 2019, 19:25Antena
TEMA
Jari ka vendosur më në fund t’iu përgjigjet gjithë sulmeve që i bëjnë kundërshtarët e tij, përfshi dhe ata që tregojnë kujtimet e tyre, dhe duan ta trajtojnë Jarin si budalla.
Sot vendosi të tregojë të vërtetën mbi spekulimet e Bamir Topit, se ai e ka futur Jarin në politikë dhe e ka gjetur pompist në një pikë nafte në plazh:
“Të nderuar demokratë,
Jari ju sqaron!
Edhe pse jam njeri i matur dhe me etikë, nuk mund të rri pa reaguar ndaj spekulimeve që lidhen me jetën time private.
Pashë disa kujtime të Bamir Topit, që tregon një skenë se si ai më ka takuar mua në një karburant në plazh dhe më ka ftuar të bëhesha pjesë e ekipit të tij elektoral më 2001.
Dhe pastaj këtë e paraqet si hyrjen time në politikë.
Kjo nuk është e vërtetë.
E vërteta është se unë kam qenë i persekutuar nga komunistët që erdhën në pushtet në vitin 1997 dhe kam punuar për një kohë të gjatë banakier tek lokali “Flutura”, afër “Komunës së Parisit”, dhe pastaj u rrita në detyrë kamarier, për sjellje të mira.
Për herë të parë në një fushatë elektorale nuk kam marrë pjesë me zotin Topi, por me zotin Mustafaj.
Në tetor të vitit 2000, kur Edi Rama kandidoi për Bashkinë e Tiranës, mua më thirri gjaku i të parëve dhe vendosa të kontribuoj.
Nuk dija se si të lidhesha me PD dhe një shoku im officer, që kishte një biznes të vogë në Bllok, më tha se Besniku ka kërkuar disa njerëz ta ndihmojnë ditën e votimeve.
Kështe vendosëm të organizoheshim.
Ai bënte hamburgera, unë i paketoja në qese dhe i ndaja sipas qendrave të votimit.
Për fat të mirë, atëhere në ato zgjedhje kishim vetëm një komisioner dhe nuk duheshin shumë hamburgera, por nga një për çdo qendër.
Kështu u organizuam si grup dhe i shpërndamë qendër për qendër.
Sjellja ime ra për mirë në sy dhe një nga këta shokët e grupit që u organizuam, punonte guzhiner në një anije në Durrës, dhe më propozoi pastaj të punoja pompist në Durrës, se kishte një mikun e vet.
Emri im u bë legjendë për shpejtësinë dhe aftësitë për të paketuar ushqimin.
Ishte pikërisht kjo jehonë që i kishte shkuar në vesh zotit Topi, që ai u interesua dhe erdhi më mori mua për zgjedhjet e 2001.
Ndaj ai gënjen që thotë se është i pari që më ka angazhuar për punë të tilla në fushatë elektorale.
Nuk është i pari, është i dyti. Ndaj duhet demaskuar si gënjeshtar.
I juaji, Jari!”
7 komente në “Jari përgënjeshtron Topin: Nuk isha pompist kur u angazhova në politikë, isha banakier”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si gjithnje,bukur ky personazh legjende i Antenes por do te thoja qe me mire do te ishte ta botonit repliken e plote te kapterr Jarit tek kjo rubrike se do ta lexonin(packa se nuk dine te lexojne), teper te kenaqur te gjithe fatlumet qe me mjeshterine e tyre na bejne te jemi te qeshur si Ver Llapa etj,etj
Na e thotë shoku Enver
shkurt e qartë te “Titistët”
po s’e dinte derëziu
se sa shumë ishin -istët.
.
Ndaj nga vetja po e nis
nga Gomist dola Gopist
Jar damllaja enverist
nga Kapterr u bë Pompist.
.
Vonë Kolaqi Gjirokastrës
na u shit dhe si levend
kur Haleja e Viçidolit
e kuklloi president.
…
Mero.Jari me Beqirin janë.si bëjë me ZEKËN.Jar majdanozi që ka mbaruar West Pontin shqiptar por që përveç anglishtes dhe uturakun që u çonte në çadra këshilltarëve petendimor,nuk di asgjë tjeter dhe që ka nxjerë gjyshin shok të ngushtë me Ali Pashën. BAMIRI.dol.prof kompetent blegtori që nga.10 fjalë që shqiptoi 7 i ka GJITHMONËitalisht. E NGATËRON KJO SHQIPJA E FLAMOSUR.Ci duhet politika këtyre dy mavrovë.Të gëzojnë pasuritë që kanë vënë me djersën e ballit.
Pd I ka mashtrus dhe kriminel nishani ka qene komunist dhe kamarier e pompist po ju bamiri ka qene cope veteriner Ramizi e coi ne Itali ne 87. Po ky bamiri te tregoi per Zgjedhjet e 97 ne zonen 40 Ne Petrle nuk mori as 10 perqind. Bamiri nuk ka qene ne Parlament nga 97 2001. Bame Mens sana corpore Sana. Genjeshtar dhe Frikacak. Te fala Nga USA ?? ku po hapet nje liber per ty sa ke Vjedh dhe ti o Medioker.
Vazhdon Skalitja ne antene e ish- presidentit!
Ende me sa duket ka pune! Eshte i veshtire! B.Topi 1 faqe beri dhe ja arriti …
Meto ke ende shume, pasi Jari antenes dhe po na kenaq!
Mero therrit edhe Bamirin per ndihme!
Nuk me ben pershtypje qe BUJAR NISHANI paska qene pompist por te tjeret:
1) SALI BERISHA, mjek nga shpellat e Viçidolit, Tropoje.
2) FATOS NANO, bixhozçi.
3) LULEZIM BASHA, kamarier.
4) REXHEP MEJDANI, profesor, pedagog.
5) ALFRED MOISIU, ushtarak i larte, gjeneral.
6) EDI RAMA, leckaman, rrugaç, zhgarravinist, pisanjos i rrugeve te Parisit.
Ishte , LAVAZHIER , mos genjeni !