Te fundit
Presidentja e Komisionit Evropian, vlerësime ministres Xhaçka: Shqipëria një aleat i denjë
16 Gusht 2019, 10:22Politika
TEMA
Presidentja e sapozgjedhur e Komisionit Evropian, Ursula von der Leyen vlerëson rolin e Shqipërisë në aleancën më të madhe ushtarake në botë, NATO.
Gjatë ceremonisë së organizuar në Berlin, për nder të saj, ish Ministrja e Mbrojtjes e Gjermanisë, tanimë presidente e KE, i shprehu nominalisht ministres së Mbrojtjes së Shqipërisë, Olta Xhaçka vlerësimet për rolin e saj në marrëdheniet mes Shqipërisë dhe NATO, duke e cilësuar vendin tonë si një aleat të denjë.
“Gjithmonë kam admiruar rrugëtimin tënd pasi u bëre pjesë e tryezës së NATO. Jam e lumtur që sot Shqipëria është një anëtar i denjë i Aleancës”, iu drejtua zonja von der Leyen, ministres Xhaçka.
Në krah të kancelares gjermane Angela Merkel, zëvendëssekretares së Përgjithshme të NATO, Rose Gottemoeller, ministres së re të mbrojtjes së Gjermanisë, Annegret Kramp-Karrenbauer dhe dhjetra personaliteteve gjermane e europiane, ministrja Xhaçka mori pjesë në një prej ceremonive më të veçanta ushtarake, me traditë 200-vjeçare, që u rezervohet personaliteteve më të spikatura të politikës, ku ishin të ftuar bashkëpunëtorët më të afërt të ish – ministres Ursula von der Leyen.
Kancelarja Merkel përshëndeti përzëmërsisht ministren Xhacka, me të cilën, bashkë me 200 të ftuar të tjerën ndoqën ceremoninë zyrtare të largimit nga detyra të znj. Von der Leyen dhe vijimin, në postin e ministrit të mbrojtjes së Gjermanisë të Annegret Kramp-Karrenbauer.
Znj. Ursula von der Leyen është e para grua që zgjidhet presidente e Komisionit Evropian dhe pritet ta marrë zyrtarisht detyrën më datë 1 nëntor 2019.
1 komente në “Presidentja e Komisionit Evropian, vlerësime ministres Xhaçka: Shqipëria një aleat i denjë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ja si mund te jesh ALEAT i denje pa ushtria!
Se nuk mund te quhet ushtria kur nuk ruan dot kufijte e vendit tend,kur nuk ke reparte ne te gjithe vendin,kur nuk ke asnje tank,avion luftarak,anije luftarake,kur detin dhe ajrin ta ruajne te tjeret se toka ruhet nga ujqit?!
Fqinjet blejne nendetese,tanke,raketa etj ndersa ne vetem helikoptere per shendetesine,mskina te vjetra te falura ne prag te groposjes etj!
Turp per kete ushtria!