Humbi 7 anëtarë të familjes në Thumanë, Albert Cara niset për trajtim të specializuar drejt Italisë

Albert Cara, një nga të mbijetuarit e familjeve Cara, që humbën 7 anëtarë nën rrënojat e pallatit të shembur në Thumanë të Fushë-Krujës u nis sot për mjekim të specializuar në Itali.

Nga tërmeti i 26 nëntorit, Alberti humbi komplet familjen e tij, bashkëshorten, 3 fëmijët (dy djem dhe një vajzë) dhe nusen e djalit, ndërkohë që humbën jetën edhe familjarë të tjerë të tij.

Kryeministri Edi Rama dhe ministrja e Shëndetësisë dhe Mbrojtjes Sociale, Ogerta Manastirliu përcollën sot drejt Italisë Albert Carën, i cili ka pësuar një tragjedi të rëndë në familje në tërmetin e 26 nëntorit.

Ministrja Manastirliu u shpreh se “kjo është një tragjedi e madhe”. “Takova pak më parë vëllain e tij, që po shkonte në ceremoninë mortore. Një fatkeqësi e madhe”, informoi Manastirliu kryeministrin Rama.

Nga tërmeti i 26 nëntorit, Albertit i ka rënë një pjesë e madhe betoni komplet mbi trup, duke e dëmtuar në shtyllën kurrizore dhe në një pjesë të gjymtyrëve.

“Për fat të mirë nuk është problem i parikuperueshëm, por kërkon një trajtim më të specializuar, ndaj duhet t’ia sigurojmë atë. Është rast shumë i vështirë”, tha Manastirliu.

Kryeministri Rama tha se po ndiqte gjithë operacionin e transportimit të Albertit drejt aeroportit, dhe po imagjinonte se çfarë katastrofe do të ishte me ambulancat e vjetra.

Ministrja Manastirliu tha se “për herë të parë jemi në gjendje që gjithë pjesën e transportit, gjithë elementët t’i sigurojmë vetë”.

“Kemi shumë për të përmirësuar, por kemi përmirësuar standardin qoftë edhe të ekipit të urgjencës mjekësore që me trajnimet në vazhdim nuk kanë ndonjë diferencë të madhe edhe me ekipin italian. Por kemi shumë për të mësuar. Ky është një moment që na vlen për të mësuar se si do të ecim përpara edhe në riorganizimin e Urgjencës Kombëtare”, tha ministrja Manastirliu.

DOKUMENTI: Nga krevatet portativë, gjeneratorët te mjetet e ndihmës së shpejtë, ja kërkesa që Shqipëria ka bërë në NATO

12:50 Kronika

Tmerrit po i vjen fundi? Në 12 orë 14 tërmete me magnitudë mbi 2

12:47 Kronika

VIDEO: Toka “përpin” pallatin 5 katësh në Durrës, mbetet sipër vetëm papafingoja

12:29 Kronika

E mbijetuara e tërmetit që ra nga kati i shtatë: Fluturuam me gjithë krevat, mbulova kokën me jastëk të mos shihja vdekjen me sy

12:17 Kronika

"Janë të pabanueshme", IKMT prish 4 pallate në Thumanë: Në proces vlerësimi Durrësi

11:05 Kronika

Dëmet e tërmetit, Xhaçka: 4 mijë banorë nuk mund të kthehen në shtëpitë e tyre, intensiteti i pasgoditjeve është në rënie

10:54 Kronika

Tjetër tërmet në Tiranë, lëkundjet e forta trembin banorët

21:43 Kronika

Ministria e Mbrojtjes: Ja emrat e 46 viktimave të tërmetit të 26 nëntorit

19:07 Kronika

FOTOT: Ishte ndërtuar vetëm 5 vite më parë, pëson dëmtime të shumta pallati në zonën e Freskut

17:28 Kronika

Lëkundet sërish Tirana dhe Durrësi, regjistrohet një tjetër tërmet i fortë

11:57 Kronika