Te fundit
Zbulohet arsyeja e vërtetë pse Harry dhe Meghan lanë Pallatin mbretëror
16 Janar 2020, 09:33Lifestyle
TEMA
Situata është zhvilluar me shpejtësi që kur Meghan Markle dhe Princ Harry shokuan botën me lajmin se do të tërhiqen nga pozicionet e tyre si anëtarë të familjes mbretërore.
Është aluduar shumë në lidhje me të ardhmen e çiftit, punën që do të bëjnë për të qenë “të pavarur financiarisht dhe sigurisht, mbi arsyen e këtij largimi.
Në një artikull të botuar të People, një mikeshë e çiftit thotë: “Nëse marrëdhëniet do të kishin qenë më të mira, gjërat do të kishin qenë ndryshe.”
“Ata nuk donin ta menaxhonin kështu situatën, por Meghan dhe Harry u detyruan,” vijon mikesha. “Ka shumë hatërmbetje në atë familje – është toksike.” (Personi nuk përmendi ndonjë anëtarë të familjes mbretërore). Një tjetër burim tha për People se mbulimi negativ në shtyp e “lëndoi tmerrësisht shumë” Meghan.
“Meghan dhe Harry nuk u mbështetën dhe nuk u përkrahën mjaftueshëm nga familja,” tha burimi.
Çfarë po ndodh realisht brenda familjes mbetet mister. Por dimë se Princ Charles, Princ Wiliam dhe Princ Harry u takuan me Mbretëreshën për të diskutuar zgjidhje dhe plane të mundshme për të ardhmen e çiftit Sussex.
Para mbledhjes, dy vëllezërit publikuan një deklaratë për shtyp në të cilën hodhën poshtë thashethemin se William “bullizoi” Harry-n dhe Meghan deri sa i detyroi të largoheshin.
“Pavarësisht mohimeve të qarta, në një gazetë britanike u botua një artikull që aludonte mbi marrëdhënien e Dukës së Sussex dhe Dukës së Cambridge. Për vëllezërit që angazhohen kaq shumë në çështjet e shëndetit mendor, gjuha nxitëse e përdorur është ofenduese dhe me shumë mundësi e dëmshme,” shkruhej në deklaratë.
Mbretëresha Elizabeth u fokusua te familja në deklaratën që dha pas mbledhjes. “Sot, unë dhe familja ime bëmë diskutime shumë konstruktive që lidhen me të ardhmen e nipit tim dhe familjes së tij.
Familja ime dhe unë e mbështesim plotësisht dëshirën e Harry-it dhe Meghan-it për të krijuar një jetë të re si familje.
Edhe pse do të donim që ata të qëndronin për të punuar me kohë të plotë si pjestarë të familjes mbretërore, e respektojmë dhe kuptojmë dëshirën për të jetuar një jetë të pavarur,” tha ajo.
Pritet që vendimet e Princ Harry-t dhe Meghan të merren me shpejtësi, sipas kërkesave të Mbretëreshës. Për sa i përket marrëdhënieve të komplikuara mes anëtarëve të familjes, ato duan pak më shumë kohë të zgjidhen.
Meghan Markle para se te martohej me princ Harry
Meghan Markle para se te martohej me princ Harry
Meghan Markle dhe rinc Harry
7 komente në “Zbulohet arsyeja e vërtetë pse Harry dhe Meghan lanë Pallatin mbretëror”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me neverisin keto lajme…Ne se nje familje me femije qe ka mbetur pa strehim nga termeti ,do te kishte gjetur nje vendbanim normal.. ky per mua eshte nje lajm i rendesishem..E habiteshme,si manipulohet njeriu me idiotizmat mesjetare mbreterore nga mediat ne sherbim te ,,klasvave te larta,,
këto të dhëna të pasigurta qënkan me të vërtetë E VËRTETA!?
Ky si bublesh ngeli me keto floket sikur e ke nxjerre nga strofulla e ariut.
ore kjo fotoja e dyte duket si ne dhermi
E para, nuk duket kurkund arsyeja!
E dyta, na plasi trapi!
Ç’punë kemi ne me mbretërit e UK?!
Nuk eshte e lehte te martohesh me nje modele amerikane!
Esht’arapi zi ketu?
Po, po, po!