Te fundit
VIDEO: “10 vite pa legjendën e kuqe”, Partizani përkujton Panajot Panon
19 Janar 2020, 10:08Sport
TEMA
Panajot Pano nuk jeton më, fizikisht. Kujtimet që ai ka lënë janë të shumta, ndërkohë që për tifozët e Partizanit ai është një legjendë. Në fakt jo vetëm për “demat e kuq”, pasi ai konsiderohet si një nga më të mëdhenjtë e futbollit shqiptar. 10 vite më parë ai u nda nga jeta dhe në klubin e kuq nuk harrojnë ta kujtojnë me nostalgji dhe shumë dashuri figurën e Panos.
“Sot mbushet një dekadë që Panajot Pano, një nga figurat më të njohura të futbollit shqiptar dhe Partizanit, ndërroi jetë në moshën 71-vjeçare në Jacksonville,Florida, SHBA. Pano, i cilësuar si “Legjenda e Futbollit” shqiptar, përgjatë karrierës së tij 18- vjeçare si futbollist me performancën e shkëlqyer dhe golat e shënuar ka dhuruar emocione të paharrueshme për publikun shqiptar.
Me fanellën e Partizanit Pano në 210 ndeshje të luajtura do të realizonte plot 136 gola duke fituar me të kuqtë 4 tituj kampion dhe 5 kupa, ndërsa me përfaqësuesen e Shqipërisë regjistron 24 ndeshje duke shënuar edhe 4 gola. Një karrierë e shoqëruar me shumë lavdi dhe mjaft tituj individual përfshirë:
“Mjeshtër i Merituar i Sportit”, “Lojtari më i mirë i të gjitha kohërave”, akorduar nga FSHF në vitin 2003, “Lojtari i Shekullit”, akorduar nga UEFA/FIFA, “Nderi i Kombit”, akorduar nga ish-presidenti republikës, Bamir Topi, në vitin 2009, “Simboli Qytetit të Tiranës”, titull i akorduar nga kryetari Bashkisë, Erion Veliaj, në vitin 2017.
Figura e Panajot Panos dhe emri i tij mbetet gjithmonë i paharruar në mendjet dhe zemrat, sidomos të tifozerisë së Partizanit, skuadër me të cilën fitoi gjithçka duke shënuar një dominim absolut të asaj periudhe në futbollin shqiptar”- shkruan klubi i Partizanit.
2 komente në “VIDEO: “10 vite pa legjendën e kuqe”, Partizani përkujton Panajot Panon”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
panajotin duhet ta kujtoj tirona, kurse partizoni duhet ta kujtoje se si ja vodhi tirones, hajde shnet palaco gazetar.
Pani ishte dhe mbetet deri me sot talant mbi te gjithe talentet qe nxori shqiperia ne lojen e futbollit.Bile dhe ma i madh se vete loro Borici.
Nese ky do luante ne perendim di krijonte publicitet dhe tifozeri te mrekullushme si talen e rrezultativ ne lojen e futbolit.