Te fundit
Nisma kurajoze: Në Kosovë hapet fushata e donacionit për ndërtimin e Observatorit të parë planetar
2 Shkurt 2020, 20:45Rajoni
TEMA
Bordi drejtues i organizatës jo-qeveritare “Përfaqësimi i Astronomisë së Kosovës” ka vendosur të krijojë një fushatë donacionesh në rrjet nëpërmjet faqes “GoFundMe”, ku kërkon mbështetjen e njerëzve, si e vetmja mundësi, për të ndërtuar Observatorin e parë planetar në Kosovë.
Sipas tyre kjo nismë vjen si pasojë e mungesës së fondeve nga qeveria kosovare:
“Edhe pse morëm autorizimin e Parlamentit të Kosovës vitin e kaluar për Observatorin, fondet nuk u liruan kurrë, pavarësisht protestave dhe kërkesave tona të shumta.” – shprehen ata në postimin zyrtar.
Sipas kësaj organizate, ndërtimi i këtij Observatori do t’i japë Kosovës dhe të rinjve të vendit një mundësi për të nxjerrë breza më të edukuar në fushën e kësaj shkence, por edhe në të tjera disiplina të shkencës së aplikuar.
“E ardhmja e Kosovës mbështetet me gjeneratën e ardhshme që rritet dhe po konkurron teknologjikisht midis vendeve tona fqinje. Shkenca, Teknologjia, Inxhinieria dhe Matematika (STEM) do të luajnë një rol kryesor në aftësinë e Kosovës për të garuar përpara duke ecur përpara.” – shprehen ata.
Observatori sipas tyre do të jetë i ngjashëm me atë të vendeve më të zhvilluara dhe do të jetë një investim që në periudhën afatgjatë do t’i japë Kosovës oportunitete në rritjen ekonomike:
“Ky objekt do të jetë i ngjashëm me ato në Shtetet e Bashkuara, Kanada, Australi dhe Evropë që kanë frymëzuar rininë e tyre, dhe në mënyrë të ngjashme do të frymëzojë kosovarët që të ndjekin grada të përparuara në shkenca. AOK beson se një strukturë e tillë është thelbësore për një afat të gjatë për rritjen ekonomike dhe të ardhmen e Kosovës. AOK është e angazhuar për krijimin dhe funksionimin e një strukture të tillë për të mirën e të gjithë njerëzve në Kosovë.”
Organizata shprehet se nevojiten edhe 230 mijë dollarë të tjera për të mbuluar shpenzimet e ndërtimit, ndërsa toka e ndërtimit dhe infrastruktura të tjera teknologjike janë gjetur tashmë.
4 komente në “Nisma kurajoze: Në Kosovë hapet fushata e donacionit për ndërtimin e Observatorit të parë planetar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ide origjinale dhe interesante. Qendrojne ato qe thuhen per efektet e observatorit ne te ardhmen. Kjo tregon nje raport pozitiv me studimet shkencore. Urime!
Shyqir se deri tani vetem Xhami ndertonin.
Nisma karagjoze!!!
ky eshte ndryshimi.Ne kemi akademik Fugen,kosova ka R.Qosen.Ne kemi drejtuei katedres gazetaris sharlatanin M.Marku ata kan V.Surroj apo SH.Maliqi.TE dukshem ndryshimet e krejtesisht te ndryshem ne cilesi intelektuale .