Financial Times: Brukseli “merr me të mirë” Francën, zbutet rruga e zgjerimit të BE

Brukseli ka parashtruar planet e tij që synojnë ta zbusin rrugën e zgjerimit të BE-së, duke i shtuar njëkohësisht vendeve anëtare fuqinë për të ndaluar ose kthyer mbrapsht bisedimet e pranimit, në përgjigje të shqetësimeve të paraqitura nga Parisi dhe disa kryeqyteteve të tjera të Europës.

Drafti, të cilin ka mundur ta shohë “Financial Times”, e merr shtysën nga diskutimet që ngjalli vetoja e Francës për çeljen e bisedimeve të anëtarësimit të Shqipërisë dhe Maqedonisë së Veriut.

Dokumenti i Komisionit Evropian, i cili do të botohet këtë javë bën gati skenën e një beteje të mundshme mes vendeve anëtarë për t’ia dhënë më në fund dy vendeve dritën jeshile të nisjes së negocjatave.

Drafti i komisionit për zgjerimin pranon “thirrje të forta” të disa anëtarëve por edhe ato të aspirantëve të Ballkanit Perëndimor për anëtarësim në BE, duke u fokusuar tek nevoja për një qartësi më të madhe se çfarë pret Brukseli prej aspirantëve dhe cilat janë pasojat e përmbushjes ose dështimit të këtyre testeve.

Aty thuhet se hapat prapa ose vonesat në reformat e kërkuara prej vendeve aspirante mund të cojnë drejt bllokimit të bisedimeve, ose ne rihapjen e kapitujve të mbyllur për diskutim.

Drafti gjithashtu bën thirrje për stimuj të përmirësuar për vendet aspirante që kanë performancë të kënaqshme, duke përfshirë këtu shtimin e fondeve dhe investimeve dhe integrim më të ngushtë me politikën e BE-së, tregjet dhe programet në fushat ku është bërë përparim.

Artikulli i plotë i prestigjozes ”Financial Times” mbi planin për të bërë efektiv procesin e zgjerimit të BE-së:

Brukseli ka parashtruar planin për të bërë efektiv procesin e zgjerimit të BE-së dhe për t’u dhënë vendeve anëtare fuqi më të mëdha për të ndaluar ose për të marrë një vendim ndryshe për negociatat e pranimit, si përgjigje kjo ndaj shqetësimeve të Parisit dhe të kryeqyteteve të tjera. Ky projektplan u hartua si rezultat i një vendimi të diskutueshëm, nën drejtimin e Francës, për të ndaluar hapjen e negociatave të pranimit me Maqedoninë e Veriut dhe Shqipërinë, sipas “Financial Times”, që arriti të siguronte këtë dokument.

Dokumenti i Komisionit Europian, që do të publikohet këtë javë, hap rrugën për një betejë të mundshme midis vendeve anëtare të BE-së nëse do t’i hapë Shkupit dhe Tiranës dritën jeshile për fillimin e bisedimeve të anëtarësimit.

Qeveria e Maqedonisë së Veriut do të përballet me një sfidë të madhe në zgjedhjet e prillit me euroskeptikët, të cilët thonë se vendi është tradhtuar nga BE, pavarësisht plotësimit të kërkesave të unionit, përfshirë ndryshimin e emrit të saj për t’i dhënë fund një mosmarrëveshje të gjatë me Greqinë.

Projektplani i Komisionit për zgjerimin fokusohet te “thirrjet e fuqishme” nga vendet anëtare, si edhe nga vendet aspirante të Ballkanit Perëndimor për anëtarësim në BE, për të qenë më të qartë lidhur me pritshmëritë e bllokut nga vendet kandidate dhe se cilat do të jenë pasojat nëse këto kushte përmbushen ose jo.

Sipas këtij projektplani heqja dorë ose vonesat në reformat e nevojshme që duhen të zbatohen nga vendet kandidate mund të çojnë në pezullim ose shtyrje të datës së negociatave ose në mbyllje të kapitujve që priteshin të ridiskutoheshin ose të shqyrtoheshin.

Projektplani gjithashtu bën thirrje për rritjen e lehtësirave për vendet kandidate me performancë të mirë, përfshirë rritjen e fondeve dhe investimeve si dhe integrimin më të ngushtë me politikat e BE-së, tregjet dhe programet në fushat ku ka patur progres.

Zyrtarët dhe diplomatët e BE theksuan se ky projektplan mbetet fokusi i debatit, përfshirë edhe numrin e votave të vendeve anëtare për të ndërprerë bisedimet e zgjerimit në një moment kur ato kanë filluar.

Pas miratimit të projektplanit rregullat për hapjen e negociatave do të nisin të zbatohen, duke lënë mënjanë një çështje ende në diskutim, siç është alternativa ku disa vende pranojnë negociata të ngadalta si Serbia që nga viti 2014 dhe Mali i Zi që nga 2012.

Premtimi për të paraqitur një projektplan sa më të qartë u drejtohet gjashtë vendeve të Ballkanit Perëndimor që kanë dashur prej kohësh të anëtarësohen në BE, por gjithashtu ato duhet do të shqetësohen pasi ky projektplan mund të rrisë mundësinë që anëtarësimi i tyre të bllokohet.

Tetorin e kaluar, Franca provokoi zemërim në shtetet e tjera të BE-së dhe në komision kur bllokoi fillimin e bisedimeve të pranimit me Maqedoninë e Veriut dhe – së bashku me Holandën dhe Danimarkën – me Shqipërinë.

Parisi argumentoi se vendet nuk kishin bërë progres të mjaftueshëm me reformat për të reduktuar korrupsionin dhe forcuar shtetin e së drejtës. Përkrahësit e Shkupit shpresojnë për një ndryshim të qëndrimit të Emmanuel Macronit në minutën e fundit, në një takim të liderëve të BE muajin e ardhshëm, pas zgjedhjeve lokale në Francë dhe para zgjedhjeve të përgjithshme në Maqedoninë e Veriut. Por, diplomatët paralajmërojnë se zgjedhjet në vendet e tjera skeptike për zgjerimin – siç është Holanda, që zhvillon zgjedhjet vitin e ardhshëm – mund ta komplikojnë më tej debatin.

Nikola Dimitrov, ministri i Jashtëm i Maqedonisë së Veriut, tha se një vendim për hapjen e negociatave përpara zgjedhjeve të prillit në vendin e tij, “përbënte thelbin e përgjigjes se çfarë Europa dëshironte nga Ballkani. Nëse Europa kërkon një rajon demokratik dhe në paqe, ajo duhet të mbajë premtimet kur vendet i kanë zbatuar reformat e vështira të kërkuara dhe kanë zgjidhur mosmarrëveshjet afatgjata”.

Ai shtoi se çdo strategji e re zgjerimi duhet të përqëndrohet mbi kapitalizimin e frymës politike pro europiane që nuk duhet të fitohet lehtë.

Edi Rama, kryeministri i Shqipërisë, tha se shtytja e Macron për të reformuar procesin e pranimit ishte “një frymë e ajrit të pastër në një proces që duket se po pengohet dhe duket se bëhet gjithnjë e më skizofrenik midis teknikave dhe vendimmarrjes politike”.

Ai tha se “shpresonte se ky proces i ri të sillte më shumë qartësi, më shumë ndershmëri, edhe pse mund të ketë lindur nga një proces i gjatë dhe i thellë padrejtësish”.

“Të bësh dallim mes vendeve ballkanike që kanë nisur procesin e fillimit të negociatave dhe atyre që pasojnë është parimisht shumë e padrejtë dhe gjeopolitikisht e gabuar”, thotë Rama.

Por, kjo nuk do të ndryshonte orientimin pro BE të Shqipërisë ose mendimin e saj në favor të metodologjisë së re për zgjerimin.

Dolën kundër KÇK-së, PS mesazh opozitës: Korrupsioni duhet të luftohet nga të gjithë, lëvizja anti-shtet e ka zanafillën me bojkotimin e institucioneve

11:40 Politika

4 shkurti, Braçe: Vrasësit kanë patur qëllim pushtetin, nga Rexhep Mitrovica, Xhaferr Deva e Kadri Cakrani tek Sali Berisha, Lulzim Basha e Ndrea Prendi!

10:22 Politika

“Anti-KÇK”, Rama: Jo vetëm PD, plot analistë e moderatorë përçartje kolektive brenda kutisë së TV. Krimi, ushqim i politikës dhe audiencave të tyre

10:06 Politika

Dëshmia e rrallë e Dritëro Agollit: Në ‘65-ën më thirrën në Komitetin Qëndror, pasi me mjekun Alfred Serreqi, kishim fjetur në një shtëpi me diversantë

09:24 Politika

Rama “sherr” me dy ministret? Etilda Gjonaj tregon ç’ndodhi në Kuvend

22:35 Politika

Hetimet për pengmarrjen, gruaja e Altin Hajrit: Në dhjetor u kthye në Shqipëri, bëri 2 vite burg në Holandë

20:43 Politika

“Çfarë bëra me trupin e pajetë të Jan Prengës”: Zbërthehet njëri prej të arrestuarëve

19:59 Politika

FOTO LAJM: Lulzim Basha në avion me Edmond Begon

19:18 Politika

Zhdukja e Jan Prengës, trafikanti Dritan Rexhepi telefon vëllezërit e viktimës: Më kanë prerë në besë

18:11 Politika

Fatos Lubonja sërish i pakënaqur, kritikon ndërkombëtarët: Kanë interesa ndaj e mbështesin regjimin, janë miopë fare

18:03 Politika