Rama: Edhe spitalet private në shërbim të shtetërorit, kush s'zbaton urdhrin 5 milionë lekë gjobë. Nëse nuk bindet vendoset forcërisht në dispozicion të publikut

Kryeministri Edi Rama ka dhënë detaje nga ajo se çfarë përmban akti normativ që hyn sot në fuqi në kuadër të masave kufizuese për parandalimin e COVID-19.

Në një shënim në bacebook Rama bën me dije se në varësi të dinamikës së spitalizimit të të prekurve nga COVID-19, me urdhër të ministrit përgjegjës për Shëndetësinë, vendosen në dispozicion edhe strukturat private spitalore, ambulatore, hoteliere, autoambulancat dhe personeli përkatës, shëndetësor e mbështetës.

Kush nuk zbaton këtë urdhër gjobitet me 5 milionë lekë si dhe në rast mosbindjeje pas vendosjes së gjobës, struktura përkatëse vendoset forcërisht në dispozicion të shërbimit publik shëndetësor.

Gjithashtu Rama bëri me dije se kush abuzon me çmimet duke shfrytëzuar situatën e emergjencës nga COVID-19 do të gjobitet, e në rast përsëritje do t’i pezullohet veprimtaria me 6 muaj. 

“Akti normativ hyri në fuqi dhe nga sot ka forcën e ligjit deri në përfundimin e luftës ndër të tjera:

në varësi të dinamikës së spitalizimit të të prekurve nga COVID-19, me urdhër të ministrit përgjegjës për Shëndetësinë, vendosen në dispozicion edhe strukturat private spitalore, ambulatore, hoteliere, autoambulancat dhe personeli përkatës, shëndetësor e mbështetës.

Moszbatimi i këtij urdhri dënohet me gjobë në masën 5 000 000 (5 milionë) lekë.

Në rast mosbindjeje pas vendosjes së gjobës, struktura përkatëse vendoset forcërisht në dispozicion të shërbimit publik shëndetësor dhe personeli përkatës është i detyruar të shërbejë nën drejtimin shtetëror të strukturës gjatë gjithë kohëzgjatjes së infeksionit.

Rritja abuzive e çmimit të shitjes të të gjitha mallrave dhe produkteve ushqimore, barnave, pajisjeve mjekësore dhe shërbimeve, në krahasim me çmimin e tyre në shitje të rregullt të tregtuar në muajt paraardhës nga data e hyrjes në fuqi të këtij akti normativ dhe për produktet sezonale, sipas çmimit të tregtuar në të njëjtën periudhë kohore të vitit paraardhës nga data e hyrjes në fuqi të këtij akti normativ, kur nuk vjen si pasojë e çmimit nga importi i tyre, dënohet me gjobën 5 000 000 (5 milionë) lekë për shitjen me shumicë dhe 100 000 (njëqind mijë) për shitjen me pakicë. Në rast përsëritjeje subjektit i mbyllet veprimtaria për 6 muaj”, shkruan Rama.(TemA)

VIDEO/ Rama publikon hartën e Europës: Shihni sa shpejt ka vepruar Shqipëria

10:00 Politika

“Kemi dokumenta rrëmbimi”: Blendi Fevziu, i përfshirë në skandal pronash?

08:44 Politika

Video e Ramës nga Surreli për koronavirusin, Ristani: Ai vendos ndalimin e qarkullimit, masën e gjobave e mbylljen e lokaleve. Jo qeveria

22:08 Politika

VIDEO/ "Edi jam", Rama ironizon kritikat: Jam matur disa herë t’i ndaj këtu ca perla humori me telefonatat ku dilte zëri im, ja materiali më i bukur që përzgjodha

19:29 Politika

Lulzim Basha akuza Ramës: Ja çfarë duhet të bësh që ta përballosh situatën

19:13 Politika

Shqipëria në karantinë, mbyllen të gjitha pikat kufitare

17:40 Politika

ANALIZA: Nga erdhi Covid-19? Të gjitha faktet, teoritë dhe qëndrimet rreth virusit që alarmoi botën

17:35 Politika

Skenari i PD për të frikësuar mjekët: Janë pa pajisje mbrojtëse, po preken të gjithë nga koronavirusi. Qeveri e papërgjegjshme. Ja 3 masat tona

17:23 Politika

LSI sulmon Ramën: Lëri videot, shko urgjent në zyrë e bëj kryeministrin ose ik. Boll u trembe për veten tënde, dil nga vrima e Surrelit

16:55 Politika

VIDEO/ Edi Rama: Meqë po rrimë në shtëpi, bëni ushtrime frymëmarrje dhe joga si unë dhe hani brenda 8 orëve. Është super për trupin

15:06 Politika