Te fundit
FSHF kërkon shpëtim te qeveria, kërkesa: Fusni edhe klubet në ligjin e kompensimeve
30 Mars 2020, 13:18Sport
TEMA
Futbolli në vendin tonë është ndalur dhe kjo ka bërë që të gjitha klubet të jenë në vështirësi për të përmbushur detyrat e tyre financiare ndaj punonjësve dhe lojtarëve.
Të gjithë klubet kanë dërguar një kërkesë në FSHF për të gjetur një zgjidhje, ndërkohë që ditën e sotme kjo e fundit, përmes një kërkese i bën thirrje qeverisë që të përfshijë edhe klubet në paketën e kompensimeve për aq kohë sa nuk do nisin aktivitetin.
KËRKESA E FSHF:
Federata Shqiptare e Futbollit i ka dërguar një letër Këshillit të Ministrave dhe i ka kërkuar garantimin e anës financiare për të gjithë komunitetin e futbollit në Shqipëri, përmes një pakete kompensimi. FSHF iu përgjigj në mënyrë të menjëhershme urdhërit nr. 132 të Ministrisë së Shëndetësisë dhe Mbrojtjes Sociale më datë 08.03.2020 duke pezulluar të gjitha aktivitetet futbollistike në vend, si dhe u kërkoi klubeve të marrin masa për mbrojtjen e shëndetit të futbollistëve dhe stafeve teknike. Njëherazi Vendimi nr.243 i Këshillit të Ministrave i datës 24.03.2020 për Shpalljen e Gjendjes së Fatkeqësisë Natyrore, ka ndaluar tërësisht punën e Federatës së Futbollit dhe të gjitha hallkave të këtij sektori në rang vendi.
Kjo situatë, ka paralizuar punën e klubeve, shkollave dhe akademive të futbollit duke i çuar ato drejt falimentit, duke lënë pa asnjë të ardhur mijëra të punësuar duke nisur nga futbollistët, trainerët dhe deri të stafet teknike. Klubet janë në pamundësi për të bërë pagesa, për shkak të ndërprerjes së të gjitha të ardhurave nga biletat, transmetimet televizive si dhe për shkak të tërheqjes së sponsorave.
Nisur nga kjo situatë, Federata e Futbollit kërkon që të gjithë punonjësit e përfshirë në sektorin e futbollit në vend, të përfshihen patjetër në paketën e kompensimit, si një e drejtë themelore për të garantuar mbijetesën e familjeve të tyre në këtë kohë të vështirë.
Federata e Futbollit i është bashkuar mesazhit të qeverisë në thirrjen ndaj qytetarëve për të qëndruar në shtëpi dhe duke ruajtur shëndetin e gjithësecilit. Këto mesazhe janë pjesë e një projekti kombëtar të FSHF për të kthyer vëmendjen ndaj fëmijëve tanë dhe për ta parë futbollin si një mjet argëtimi dhe përkujdesjeje për ta. Njëherazi, FSHF i është bashkuar fushatës së FIFA-s dhe Organizatës Botërore të Shëndetësisë në luftë kundër virusit COVID-19, duke e përcjellë këtë fushatë në të gjitha hallkat e botës futbollistike shqiptare.
5 komente në “FSHF kërkon shpëtim te qeveria, kërkesa: Fusni edhe klubet në ligjin e kompensimeve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Asnje lek ketij robqirit, kryehajdutit te pulave!
Te zhduket mafiozi duka nga FSHF mandej te shikohet se sa ndihme kane nevoje!
Po qe se qeveria ndihmon edhe llojin e ketyre mafjozeve, KURRE s’kam per ta votuar me PS; ne te s’emes le te shkoje dhe PS bashke me duken.
Keta qe xhirojne miljona, le te hane karin tani.
fshf kjo prostitute profesioniste
Vetem buke dhe vaj se vezet i kand.asnje lek per hajdutet
Asnje shtet europian nuk ka dhene para per footbollin,perkundrazi vete klubet kane marre masa per uljen e rrogave te sportisteve.Ky sport ka xhiruar miliona ne favor te drejtuesve dhe sportisteve.Le te nxierrin nga xhepi i tyre dicka.