Te fundit
Operoi me sukses 18-vjeçaren e prekur me Covid-19, flet mjeku Vata: Kirurgët janë në gatishmëri, kishim bërë përgatitjet me kohë
30 Mars 2020, 11:00Shëndeti
TEMA
“Realizohet me sukses ndërhyrja kirurgjikale urgjente te një vajzë e re e konfirmuar me COVID-19, në spitalin universitar “Shefqet Ndroqi”, nga ekipi i kirurgjisë drejtuar nga dr. Ylber Vata, së bashku me dr. Dorian Bozaxhi, dr. Arjan Vyshka, dr. Luna Hasipi, kryeinfermiere Manushaqe Hoxha dhe instrumentare e ndërhyrjes Valbona Bulku”.
Ky ishte postimi i një dite më parë i ministres së Shëndetësisë, Manastirliu, e cila vlerësoi punën e mjekëve në operacionin e parë te një pacient, i cili ishte i prekur edhe me koronavirus.
Doktori Ylber Vata, i cili drejtoi ekipin që kreu këtë operacion te 18-vjeçarja, foli në A2 për këtë rast, duke dhënë lajmin se pacientja është në gjendje të mirë shëndetësore.
“Problemi vështirësohej pasi e sëmura ishte me Covid-19, por ne kishim bërë përgatitjet me kohë, kishim mjetet e duhura. Brigada që do të priste të sëmurin e parë dhe gjithçka ishte në kohën e duhur dhe është zgjidhur në kohën e duhur. Ne dëshirojmë të mos ketë shumë pacientë, të mos ketë asnjë, në kushtet e një pandemie. Por nëse do të ketë raste të tilla, do të kryhet ndërhyrja këtu. Ekipi i kirurgëve është i gatshëm për t’i pritur në kushtet më të mira të mundshme, që nuk do të ketë asnjë ndryshim nga e përditshmja.
Gjendja shëndetësore është shumë e mirë e pacientes. Pa temperaturë, ka humor të mirë dhe gjithçka është në rregull”, u shpreh Vata.
Në fund, një apel për të gjithë qytetarët: “Distancimi social të jetë prioritet absolut. Koronavirusi mund të zhvillohet brenda nesh dhe ne nuk mund t’ia japim këtë shans”.
Lini një Përgjigje
Më të lexuarat
24 oret e fundit
Javen e fundit
Blog Tema
