Te fundit
Dita Ndërkombëtare e Romëve, RCC: Virusi nuk bën dallime mes racave, shumicës apo pakicave. Ky virus na sulmon të gjithëve
8 Prill 2020, 14:40Rajoni
TEMA
“Të gjithë bashkëqytetarëve të mi Romë, dëshiroj t’ju uroj 8 Prillin, Ditën Ndërkombëtare të Romëve, e cila nënvizon historinë, kulturën, gjuhën dhe trashëgiminë e Romëve. Fatkeqësisht, këtë vit festimi do të zhvillohet në rrethana të jashtëzakonshme, për shkak të shpërthimit të COVID-19 dhe zbatimit të masave parandaluese. Romët, ashtu si të tjerët, janë prekur nga ky kërcënim i përbashkët – virusi nuk bën dallime mes racave, shumicës apo pakicave. Ky virus na sulmon të gjithëve”, tha Orhan Usein, Drejtori i Projektit të Integrimit Rom në Këshillin e Bashkëpunimit Rajonal (RCC), duke u kujtuar të tjerëve sesa të cenueshëm janë Romët, si dhe fuqinë që ka bashkimi dhe solidariteti në këto kohë sfiduese.
Pandemia globale e shkaktuar nga virusi COVID-19 po përhapet gjerësisht në të gjithë botën. Shumë komunitete Rome janë veçanërisht të cenueshme, pasi kushtet e jetesës dhe infrastruktura themelore sanitare nuk janë të përshtatshme për të siguruar, që masat parandaluese të respektohen plotësisht. Kjo i vë romët në një rrezik edhe më të madh nga pandemia aktuale.
Përveç problemeve që ekzistonin më parë, si mungesa e ujit të pijshëm dhe e energjisë elektrike, kushtet për të kryer punë për të fituar të ardhura janë të limituara ose edhe të pamundura. Një numër i madh i romëve janë të angazhuar në punë të zeza (mbledhja e lëndëve të para sekondare, punë sezonale, shitja e mallrave në tregjet e hapura), të gjitha këto janë ndaluar për shkak të masave të sigurisë të vendosura nga qeveritë. Kjo rrit më tej vështirësitë për Romët për të siguruar ushqim, ujë dhe produkte higjienike për familjet e tyre, si dhe për të paguar faturat ose ndonjë kredi që mund të kenë. Arsimi është ndërprerë dhe të gjitha mësimet po zhvillohen në internet dhe përmes televizioneve kombëtare. Kjo është gjithashtu një barrë për të rinjtë Romë, të cilët kanë mjete të kufizuara (qasje në internet, TV dhe kompjuter) për të ndjekur leksionet. Me një qasje të kufizuar në internet, vjen gjithashtu një qasje e kufizuar në informacionin publik dhe mungesa e informimit për vendimet më të reja të autoriteteve, që ndikojnë drejtpërdrejt tek to.
“Megjithatë, Romët, si të gjithë qytetarët e tjerë, po respektojnë masat e imponuara, duke kuptuar që kur dikush është në rrezik, i gjithë rajoni është në rrezik. Për të mbrojtur rajonin tonë duhet të jemi të bashkuar.
8 Prilli është dita që na e kujton këtë. Ne, të gjithë qeniet njerëzore, jemi të lidhur dhe të varur reciprokisht në mënyra të ndryshme. Prandaj, për të gjithë shokët e mi tejmbanë, do të doja t’u thosha që të qëndrojnë në shtëpi dhe të qëndrojnë të shëndetshëm. Jemi në këtë bashkë dhe do ta fitojmë këtë së bashku”, përfundoi Usein.
Projekti i Integrimit Rom, i zbatuar nga Këshilli i Bashkëpunimit Rajonal me mbështetjen financiare të Bashkimit Evropian dhe Fondacioneve të Shoqërisë së Hapur, synon të kontribuojë në zvogëlimin e hendekut socio-ekonomik midis Romëve dhe jo-Romëve në Ballkanin Perëndimor dhe Turqi, si dhe për të forcuar detyrimet institucionale të qeverive për të përfshirë dhe për të shpërndarë qëllimet specifike të integrimit Rom në zhvillimet kryesore të politikës.
1 komente në “Dita Ndërkombëtare e Romëve, RCC: Virusi nuk bën dallime mes racave, shumicës apo pakicave. Ky virus na sulmon të gjithëve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e lexova aretikullin, e vertete koronovirusi nuk ben dallim nga lngjyra e lekures, por ben dallim nga xhepi. Nuk kam degjuar qe kotonovirusi te marre me vete nje milioner apo miliarder. Do te doja qe ne castet e fundit ata te falnin pasurine per organizatat qe merren me te vobgtit dhe te varferit. Deri tani s’ka ndonje lajm.