Grupi “Balfin” tregon se si na ndryshoi virusi: Edhe konservatorët i’u dorëzuan shitblerjeve on-line

Përhapja e epidemisë së Covid-19 që detyroi gati të gjitha qeveritë e botës të paralizonin një pjesë të mirë të jetës aktive, bëri që shumë biznese, për të mos vdekur, të ndryshonin qasjen ndaj klientit.

Shitblerjet on line kanë vite që funksionjnë në botë me zhvillimin e teknologjisë, por rajoni ynë është sjellë më tepër konservator ndaj kësaj mënyrë psonisjeje.

Por me izolimin pas datës 11 mars, shumë supermarkete dhe dyqane të ndryshme kanë nisur t’u shërbejnë klientëve përmes internetit duke ua shpënë porositë në shtëpi kundrejt një pagese të caktuar.

Zëvendës Presidenti i shitjeve me pakicë në Grupin BALFIN, Julian Mane, thotë për gazetën “Si” në një intervistë se epidemia bëri që edhe konservatorët e blerjeve në internetit, të ndryshonin sjelljen duke iu qasur kësaj mënyre shërbimi me sukses.

Ai tregon se kërkesat dhe blerjet janë disa-fishuar krahasuar me periudhën para epidemisë.

1 – Pasi keni pasur eksperiencë në shitjet online me Neptun, ishit të sigurt që në këtë periudhë emergjence do të funksiononte blerja në internet për ushqime kryesisht, mandej për lodra dhe veshje? Bëtë ndonjë anketim paraprakisht?

Përsa i përket shitblerjes online, ne kemi disa vite tashmë që po studiojmë sjelljen e blerësve nëpërmjet fokus-grupeve por edhe nëpërmjet platformës së shitjeve online të Neptun, që është ndër dyqanet online të parat në Shqipëri.

Eksperienca e grumbulluar gjatë këtyre viteve na ka ndihmuar që ta shtrijmë shit-blerjen online edhe te shoqëritë e tjera të grupit, si Spar, Jumbo dhe Fashion Group. Dua të shtoj që kur flasim për hapjen e dyqaneve online nuk i referohemi vetëm Shqipërisë por të gjitha vendeve ku Grupi Balfin është i pranishëm me shoqëritë e shitjeve me pakicë.

2-Si ka funksionuar deri më tani?

Nuk është nevoja ta kujtoj që përhapja e COVID-19 u shoqërua me një sfidë dhe krizë të vërtetë humanitare dhe shëndetësore. As ekonomia nuk kishte imunitetin e nevojshëm që të mos prekej nga kjo krizë. Për shkak të krizës shit-blerjet online kaluan në një nivel tjetër zhvillimi. Sidomos në shoqëri si e rajonit tonë ku blerësit janë akoma pak më konservativë karshi blerjes online u duk si një transformim i madh në sjellje. Izolimi, kufizimi i orareve, shmangia e kontakteve, distanca sociale, etj. kanë bërë që blerjet online të funksionojnë shumë mirë, sidomos për shoqëritë e Grupit BALFIN ku online nuk është një fushë e pashkelur më parë. Unë besoj se ky është një moment i volitshëm për të rritur praninë e shit-blerjeve online dhe përmirësimin e atyre që ne i quajmë dyqane online, jo fizike. Moshat më të reja duket që e kanë përqafuar shumë shpejt këtë mundësi që u jepet.

Aktualisht ne e kemi zhvilluar shitjen online në dy forma. Për Neptun dhe Spar jemi fokusuar kryesisht te faqet e internetit respektive, www.shop.spar.al dhe www.neptun.al. Ndërsa për Jumbo dhe Fashion Group po përdorim platformat e rrjeteve sociale (Facebook dhe Instagram). Të dyja këto forma i përshtaten pak edhe tipologjisë së blerësve të secilës shoqëri. Për Fashion Group që përmabn shumë marka veshjes si Women’secret, Prenatal, Okaidi, Mango, Parfois , Geox, Springfield, Cortefiel, Carpisa, GoldenPoint kontaktimi i blerësve nga Instagram  ka rezultuar shumë i suksesshëm. Normalisht që ofrohen edhe mundësitë e tjera të porosisë online dhe këtu dua të përmend kontaktimin nëpërmjet telefonit apo WhatsApp. I gjithë operacioni i shitjeve online përforcohet nga linja e shërbimit të klientëve që ndihmon blerësit gjatë zgjedhjes së produktit që dëshiron dhe për çdo nevojë tjetër.

3-Pasi bëhet kërkesa për sa kohë i shkojnë klientit produktet në shtëpi?

Pavarësisht se në këto momente intensiteti i blerjeve online është rritur shumë, ne vijomë si edhe më parë të sigurojmë transportin e  produkteve brenda 24 orëve nga bërja e porosisë. Kjo vlen si për blerjet e ushqimeve në Spar, pajisjeve elektro-shtëpiake apo teknologjike në Neptun, të veshjeve në Fashion Group apo të mijëra produkteve që ka Jumbo.

4-Sa kushton transporti nëse klienti nuk shprnzon 5000 lekë? Pse e vendosët këtë kufi?

Transporti i porosisë që bëhet online varion sipas shoqërive. Për Spar dhe Neptun nëse porosit nën 5’000 Lekë transporti kushton vetëm 300 lek. Deri më tani shumica e blerësve e tejkalojnë vlerën 5’000 Lekë për blerjet e tyre.

Ndërkohë për Jumbo vlera e transportit është 200 Lekë për në Tiranë dhe 300 Lekë në qytetet e tjera. Kurse Fashion Group e ofron transportin falas në çdo rast.

Këto janë tarifa të cilat shërbejnë vetëm për të mbuluar një pjesë të kostove të shërbimit të transportit që realizohet nëpërmjet palëve të treta.

5-Sa kërkesa ka në ditë dhe sa kërkesa ka patur deri tani sipas kategorive : ushqime, veshje, lodra, elektroshtëpiake? Sa kanë shpenzuar njerëzit? Çfarë blihet më shumë?

Shitjet online janë disa-herë-fishuar në krahasim me ecurinë para muajit mars. Janë me qindra porosi që bëhen çdo ditë në dyqanet online të shoqërive të Grupit Balfin.

Nëse do të bëja një përmbledhje të të gjitha shitjeve online, nga të katërta shoqëritë, do thoja që shitjet online janë më të shumta në kategorinë e ushqimeve dhe më tej vijohet me elektro-shtëpiaket dhe teknologjinë dhe pastaj janë lodrat, pajisjet e sportit dhe veshjet. Kjo është e njëjta paraqitje edhe me ecurinë globale të shitjeve online në këtë moment krize dhe frike.

Gjithësesi, është akoma herët për të mbledhur të dhëna që do të mund të na ndihmonin të bënim një analizë të saktë të ecurisë dhe preferencave të blerësve shqiptar në këtë periudhë. Nuk duhet të harrojmë që prioritetet e blerësve në këtë moment ndryshojnë shumë nga situata para krizës. Nuk e lidh vetëm me dyqanet online por edhe me dyqanet fizike që aktualisht janë mbyllur të gjithë, përveç Spar.

6-Ka pasur problematika, ankesa nga klientët në lidhje me ushqimet?

Ne kemi një linjë shërbimi për klientët që funksionon gjatë gjithë kohës. Ky shërbim ndihmon klientët për të marrë informacion apo për të raportuar pakënaqësi por na ndihmon edhe ne për të gjetur pikat e dobëta dhe për të parë çfarë mund të përmirësojmë më tej. Gjithashtu edhe rrjetet sociale i kemi të lidhura me shërbimin e klientit pasi kemi vënë re që një pjesë e mirë e klientëve tanë e kanë më për mbarë të përdorin rrjetet sociale si një mjet komunikimi me ne. Duke ju përshtatur përherë klientëve, shërbimi i  klientit i kthen përgjigje edhe në rrjetet sociale. 

Po t’i referohemi totalit të kontakteve në shërbimin e klientit të Neptun, Spar, Fashion Group dhe Jumbo më shumë sesa ankesa kemi marrë kërkesa për informacion apo pyetje mbi produkte të ndryshme. Blerja online, pavarësisht se ka qenë aty prej kohësh, është një fenomen që po merr hov pikërisht në këtë periudhë. Ka akoma shumë pyetje që lidhen me logjistikën: si funksionon blerja, sa e sigurt është dhe kur mbërrin porosia.

FMN, 190.5 milion dollarë mbështetje emergjente për Shqipërinë, për të përballuar pandeminë e Covid-19

22:41 Ekonomia

Qeveria shtyn pagesën e kësteve të tatimit të biznesit të vogël

20:39 Ekonomia

Anullohen Milot-Balldren dhe Orikum-Dukat

18:47 Ekonomia

Koronavirusi: BE, 500 miliardë euro fond emergjence për vendet anëtare

08:47 Ekonomia

FMN paralajmëron depresion ekonomik më të thellë se ai i vitit 1930

08:38 Ekonomia

Banka Botërore parashikon se çfarë mund t’i ndodhë ekonomisë dhe shqiptarëve në 2020-ën

20:42 Ekonomia

Arben Malaj: Rimëkëmbja pas koronavirusit mund të kërkojë 10 vite

20:17 Ekonomia

STUDIMI: Parashikohet një rritje e varfërisë globale deri në gjysmë miliardë banorë për shkak të koronavirusit

13:17 Ekonomia

REPORTAZHI: Kriza e COVID-19 godet për së dyti shpresat për ringjalljen e Durrësit nga turizmi

13:02 Ekonomia

Shqipëria do të eksportojë sot 300 tonë perime drejt Kosovës. Gati dërgesat dhe në Maqedoni

09:04 Ekonomia