Kufijtë e BE mbeten të mbyllura për vendet e Ballkanit, përveç Malit të Zi dhe Serbisë

Bashkimi Evropian nuk do të hapë kufijtë e jashtëm për shtetasit e shumicës së vendeve të Ballkanit Perëndimor, pas 1 korrikut, pos për Malin e Zi dhe Serbinë.

Kjo supozohet në bazë të një liste, që si aneks i është bashkangjitur një rekomandimi të Këshillit të BE-së, për të cilin ambasadorët e vendeve anëtare, kanë diskutuar në Bruksel, të premten në mbrëmje, për më shumë së gjashtë orë.

Ata në fillim ka miratuar kriteret që duhet të merren parasysh për të hequr kufizimet për hyrjen e shtetasve të huaj në territorin e BE-së, pastaj në bazë të këtyre kritereve, është përpiluar edhe lista në të cilën janë vëtëm 15 shtete.

Kjo do të thotë se për Kosovën, Shqipërinë, Maqedoninë e Veriut dhe Bosnje e Hercegovinën kufizimet do të mbeten, edhe pas ditës së parë të korrikut.

Para më shumë se dy javësh Komisioni Evropian kishte propozuar që për të gjitha vendet e rajonit të Ballkanit Perëndimor të hapen kufijtë e BE-së nga 1 korriku, duke marrë parasysh, se atëherë, situata epidemiologjike e koronavirusit ishte e ngjashme, apo edhe më e mirë sesa në vendet e Bashkimit Evropian.

Por, prej atëherë situata është përkeqësuar dukshëm dhe janë shënuar raste të shumta të personave me koronavirus në këto shtete. Kjo ka bërë që ato të bien nga lista e vendeve për të cilat rekomandohet heqja e kufizimeve nga data 1 korrik.

Poashtu, me kusht të reciprocitetit, kufizimet nuk do të hiqen për Shtetet e Bashkuara të Amerikës, por do të hiqen për Kinën. Kjo mund të zemëroj administratën amerikane, por në BE thonë se i kanë marrë parasysh vetëm kriteret reale që kanë të bëjnë me rrezikun nga pandemia, dhe jo ato politike. Kriteri kryesor për heqjen e kufizimeve për hyrje në BE, ka qenë ai që të ketë pasur më pak se 16 raste për 100.000 banorë në dy javët e fundit.

Burimet e BE-së pohojnë se për një kategori të konsiderueshëm të qytetarëve nuk do të duhej të vlejnë kufizimet, Si shembull, përmenden udhëtimet në BE për punë sezonale në bujqësi, udhëtimet për studime, pastaj për diplomatët, punëtorët shëndetësorë dhe disa kategori tjera.

Po ashtu kufizimet nuk do të vlejnë për personat të cilët do të kalojnë tranzit. Për personat që kanë vendbanim në shtetet e Bashkimit Evropian nga 1 korriku nuk do të duhej të vlejnë më kufizimet për hyrje në territorin e BE-së.

Lista nuk është përfundimtare dhe ajo mund të ndryshohet në bazë të zhvillimit të situatës epidemiologjike. Për këto rekomandime, deri të shtunën në mbrëmje, duhet të pajtohen qeveritë e vendeve anëtare, ose të mos dërgojnë vërejtje në mënyrë që rekomandimi të konsiderohet si i aprovuar nga Këshilli i Bashkimit Evropian.

Por edhe kur ky rekomandim të bëhet zyrtar në emër të BE-së, u takon shteteve anëtare që të vendosin a do ti hapin, apo jo, kufijtë e tyre për këta shtetas të huaj.

Aktakuzat për Thaçin e Veselin, Limaj: Asnjë drejtues i UÇK-së s’i është shmangur drejtësisë, koha të tregojmë lidership!

23:54 Rajoni

Qetësi pas furtune: Telefonata e rrallë mes udhëheqësve të Turqisë e Greqisë

20:55 Rajoni

Presidenti serb Vuçiç e dinte për aktakuzën ndaj Hashim Thaçit. Ja çfarë paralajmëroi një ditë para në takimin me Putin: Do ndodhin gjëra të rëndësishme

20:16 Rajoni

Vuçiç: Serbia, anëtare e BE-së në vitin 2026

19:32 Rajoni

Rritja e tensioneve mes Greqisë e Turqisë, Mitsotakis i telefonon Erdogan

18:40 Rajoni

Serbia gati të blejë IPKO-n, kompaninë e dytë më të madhe celulare në Kosovë

16:30 Rajoni

Përballja me aktakuzat, The Economist: Një surprizë qershori për Hashim Thaçin. Samiti në Uashington, u jepte prestigj atij dhe Trump

15:52 Rajoni

Në mes të goditjes "poshtë brezit", Hashim Thaçi gjen ‘strehë’ në zemër të Shqipërisë: Motra dhe vëllezër, sapo zbrita te ‘Nënë Tereza’

14:12 Rajoni

Akuzat ndaj Thaçit e Veselit, reagon për herë të parë Vuçiç: E dimë që kanë ndodhur krime të tmerrshme, të tregohemi të përmbajtur

14:08 Rajoni

Familjarët e viktimave serbe të luftës në Kosovë: Gjyqi për Thaçin duhet të kishte ndodhur më parë

12:17 Rajoni