Te fundit
Dëbimet më të shumta nga Gjermania kryhen me Shqipërinë
23 Gusht 2020, 12:39Sociale
TEMA
Para një viti hyri në fuqi në Gjermani ligji për kthimin e rregulluar të azilkërkuesve pa të drejtë qëndrimi. Sipas të dhënave të autoriteteve gjermane, dëbimet më të shumta kryhen me Shqipërinë dhe Italinë.
Ministria e Punëve të Brendshme të Gjermanisë e pranon, se hyrja në fuqi e ligjit për kthimin e rregulluar të refugjatëve e azilkërkuesve pa të drejtë qëndrimi nuk ka çuar patjetër në më shumë dëbime nga Gjermania. Këtë njoftim kjo ministri e ka dhënë me kërkesë të agjencisë së lajmeve dpa. Sipas saj nga shtatori 2019 deri në shkurt 2020 janë dëbuar nga Gjermania 10.276 persona pa të drejtë qëndrimi. 1000 persona më pak se në të njëjtën periudhë të një viti më parë.
Shumica e dëbimeve në vitin që ka hyrë në fuqi ligji i posaçëm kanë pasur destinacion Shqipërinë dhe Italinë.
Corona uli numrin e dëbimeve
Megjithatë sipas ministrisë është ende herët të flitet për efektshmërinë e „ligjit të dytë për zbatimin më të mirë të detyrimit për largimin nga Gjermania”. Me shpërthimin e pandemisë së Coronës në mars ra edhe shifra e dëbimeve nga Gjermania në mënyrë të ndjeshme. Në prill ajo shënoi vetëm 28 vetë. Në korrik 787 vetë. Për shkak të Coronës krahasimi mund të bëhet në rastin më të mirë me gjashtë muajt e parë që nga hyrja në fuqi e ligjitm shkruan dpa.
Edhe shifra e dështimit të dëbimeve ka mbetur e njëjtë me periudhën e mëparshme shtator 2019-shkurt 2020, 13.759 vetë. Këtu bëhet fjalë për persona që nuk janë dorëzuar tek policia federale për dëbimin. Këta persona ose mbrohen juridikisht ose nuk gjenden. Po ashtu edhe mungesa e bashkëpunimit të vendit pritës mund të jetë një pengesë për planfikimin e dëbimeve. Për Sirinë psh. prej vitesh është në fuqi ndalimi i dëbimit.
Rregulloret e reja që hynë në fuqi duhet ta lehtësonin dëbimin nga Gjermania. Ato parashikojnë ndër të tjera më shumë mundësi për mbajtjen në paraburgim para një dëbimi. Personat që kanë gënjyer për identitetin apo ata që nuk tregojnë interes për plotësimin e dokumenteve të identifikimit, kërcënohen nga sanksione të ndryshme.
6 komente në “Dëbimet më të shumta nga Gjermania kryhen me Shqipërinë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
S’është Gjermania e dikurshme që shokoj botën me idet e tyre pushtuese, sot ajo han një copë buk dhe perpiqet te rrjepi ekonomit e huaja pa u ndjerë.
Epo ma do shume gjermania, prandaj. Arabet zezaket se nuk i do i keqtrajton duke ju dhene asistenze dhe shtepi..
Le te mbajne mjekercjeperit.
Po dihet ajo pune ne nuk na duhan edhe pik tallen me ne ..mbajne lloj lloj .kurse neve perjashta. ..poshte europa
ne europe me shume perparsi kane njerezit nga azia afrika si afgan pakistan bangladesh lindja e mesme etj se sa shqiptar apo ballkanas, me keto ritme per nje 20-30 vjet ka shume mundesi te ndryshoje origjina demografike e popullit gjerman, kush jeton ne europe e kupton cfare dua te them shume qytete njerezit me origjine europiane jane pakice, gjithsesi ngelet per te pare se perse preferojne dhe u japin perparsi njerzve nga azia apo kontinente afrikan se sa ballkansve qe i kane te pragu deres
Ohhh …. dhe une kujtoja qe vetem ne Greqi ndodhnin te tilla fenomene me Shqipot.