Te fundit
Politikanët vendas të korruptuar? Qyteti rumun zgjedh një gjerman për kryetar bashkie
29 Shtator 2020, 10:27Bota
TEMA
Nga Enver Robelli
Jeni dëshpëruar me politikanët lokalë? Me sulltanët provincialë që nuk punojnë gjë? Me bajraktarët që qeverisjen e shohin si mundësi për të ndukur nga ndonjë tender publik?
Jeni lodhur nga korrupsioni? Papastërtia? Mosfunksionimi i shërbimeve elementare komunale?
Qe ilaçi: zgjidhe një gjerman!
Kështu kanë vepruar zgjedhësit në Temishvar të Rumanisë. Në këtë vend të BE-së në fundjavë janë mbajtur zgjedhjet komunale.
Në katër vitet e ardhshme kryetar i Temishvarit do të jetë gjermani Dominic Fritz. Ai nuk është gjerman nga pakica gjermane e Rumanisë.
Fritz është lindur në trevën e Schwarzwaldit në Gjermaninë jugore. Në Rumani ai erdhi pasi kreu maturën në Gjermani.
Erdhi për të ndihmuar në një qendër për kujdesin ndaj fëmijëve në Temishvar. Pastaj Fritz u kthye në Gjermani, ku ishte anëtar i Partisë së Gjelbër dhe shef i kabinetit të presidentit gjerman Horst Köhler.
Por Fritz vazhdoi ta ruajë lidhjen me qytetin e Temishvarit dhe më 2019 u shpërngul përfundimisht në këtë qytet të Rumanisë veriore, në trevën historike të Banatit.
Temishvari është qyteti i tretë për nga madhësia në Rumani. Që nga viti 2016 Rumania ka edhe një president me origjinë gjermane: Klaus Iohannis.
Por Iohannis është gjerman i Rumanisë, më parë ka qenë kryetar i qytetit Sibiu (Hermannstadt). Në këtë qytet një pjesëtare e pakicës gjermane mbetet kryetare.
Në një komunë të Bukureshtit ka fituar francezja Clothilde Armand. Rumania duket se po shndërrohet në një laborator interesant demokratik.
Kur s’je i kënaqur me politikanët vendorë, gjej ndonjë tjetër në Perëndim. Kjo duket të jetë maksima e re.
Diaspora e fuqishme rumune ka qenë mjaft aktive edhe në organizimin e protestave kundër kastës së korruptuar politike në Rumani.
Beteja ka qenë pjesërisht e suksesshme. Por beteja vazhdon. Edhe nga diaspora, me votat e të cilës më 2016 qe zgjedhur president Klaus Iohannis.
10 komente në “Politikanët vendas të korruptuar? Qyteti rumun zgjedh një gjerman për kryetar bashkie”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sipas parimit demokratik,”shumica fito pakica humbet” edhe ky ,pakèsirè,do mbytet nga shumica atje dhe do romanizohet shpejt e shpejt nga virusi i ballkanizmit..
Jame apsulitisht dakort me ty kjo po shihet edhe be Kosove dhe tek shkrimi qe Ka bere baton haxhiu per gjykatate evropjane ne kosove
Jo gjerman apo taliban, nuk ka burre nane ta baj Albanistanin si Evropa.
Eshte reagim ndaj korrupsionit paskomunist. Por dhe shartim i kultures lindore me ate perendimore. Imagjinoni nje gjerman kryetar bashkie ne shkoder. Ai do ishte teresisht jashte politikes, pa lidhje fisnore, nje punetor shembullor. Kjo dukuri mund te behet e zakonshme ne lindje.
Jo kryetar bashkije por edhe kryeminister euroatllantik t sjellin n shqipni ,s bohet aj ven.
E ka provu historija me princ Vidin.
Iku pa ardh ala.
Po kur erdh xhorxh bushi ?
A i pe majmunat pellazg sesi ju ngjiten?
Si zhapinjt n trung ullini.
Dhe si gumzhinin..si gjinkallat n vap.
Ore.
Ajo teorija Darvinit thon se osht e gabume.
Dhe ka gjasa t jet e vertet teorija e krijuesit.
Pra njeriu s osht prej majmuni por osht krijunprej perndije dhe perndija mund t jet aliene..
Shqiptart si krijesa e hudhin posht teorin evolucioniste darviniane
Pse nuk kan avolu nga majmun n njers ?
Apo mos ndoshta jan prodhim skarco i Krijuesit ata ?
te pakten lajmet jepini sic duhet. qyteti nuk quhet Temishvar por Timisoara (dhe shqiptohet Timishoara).
Temeshvar eshte emri ne hungarisht. Ne boten gjermanishtfolese qyteti quhet Temeschwar, sipas hungarishtes. Ka qene nen Mbreterine e Hungarise, e me pas nen Perandorine Austrohungareze deri me 1918, prandaj ne gjermanisht eshte ngulitur kjo forme. Kam marre njehere avionin nga Viena per ne Timishoare, dhe ne tabelen e nisjeve emri ishte Temeschwar. Emri zyrtar ne perdorimin e sotem nderkombetar eshte Timisoara, sipas rumanishtes (meqenese qyteti ndodhet ne Rumani). Ne perdorimin shqip eshte Timishoare. U be i njohur per shqiptaret ne dhjetor 1989, kur atje filloi revolucioni kunder Causheskut. Kush eshte arsimuar ne boten gjermanishtfolese dhe nuk ka e ka perdorur shqipen ne menyre te qendrueshme, nuk mund t’i dije keto hollesi.
Tek ne edhe rrojet e pallateve do i kishim dasht Gjerman, se politikanet po e po(!)
S’është gjë edhe ajo zgjidhje. Ja gjysëm Serb e kemi patur ne dhe na bëri hatanë! Futi këmbët dhe 30 e ca vjet e nuk shporrim dot.
Nuk behet suniti kurre evropian. sa me shpejt per turko-siri te shpetoje.