Te fundit
Jeton mes telave dhe kabllove të rrymës elektrike, 77-vjeçarja ish mësuese: E humba shtëpinë në firmat piramidale
1 Tetor 2020, 14:51Sociale
TEMA
Ditën e sotme ishte në një lidhje të drejtpërdrejtë në emisionin “Shqipëria Live” një grua 77-vjeçare, e cila tregoi se ka humbur shtëpinë në firmat piramidale dhe se sot jeta e saj strehohet në një kabinë elektrike, midis telave dhe kabllove të rrymës elektrike.
“Ai viti i mbrapshtë, faji është i yni, ne gabuam. Ishte vërtetë një shqetësim, traumë. Ngelëm me plaçka nëpër duar sa te prindërit, sa diku, derisa gjetëm një kabinë elektrike dhe e transformuan në shtëpi”, rrëfen Violeta Mita Bejleri.
Ajo tregon se jeton në një hapësirë prej 23 metrash katrorë dhe aty ka ndërtuar oazin e saj. 77-vjeçarja jeton çdo ditë me të njëjtin pasion, duke gjetur kënaqësinë aty ku të tjerët nuk e perceptojnë dhe nuk e ndjen aspak peshën e viteve.
Ish-mësuesja e gjuhë-letërsisë shprehet se kur humbi shtëpinë e saj, kishte një shqetësim të madh se ku do të çonte librat e shumtë, pasi ajo shton se e gjithë jeta e saj është në to.
“Ishim mirë ekonomikisht, por jo për të blerë një shtëpi. Kemi bërë shumë përpjekje për të marrë një shtëpi, por ishte e vështirë dhe e pamundur. E gjej të bukurën te e shëmtuara. I vendosa të gjitha kujtimet këtu dhe më japin muzikë që vetëm unë e dëgjoj”, tha ajo.
Ndërkohë Violeta shfaqet gjithmonë me kapele në kokë, për të cilën tregon se e ka trashëgimi nga mami i saj, e cila nuk e hiqte asnjëherë.
1 komente në “Jeton mes telave dhe kabllove të rrymës elektrike, 77-vjeçarja ish mësuese: E humba shtëpinë në firmat piramidale”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kerkoja sales shtepine, ai i mori parate e piramidave, se bashku me ate debilin meksi. Atje drejtohu moj mesuese, qytetaeet nuk te kane faj. Ufute ne bixhoz, deshe te fitojr shume por humbe. Tani cfare kerkon?