Te fundit
Parlamenti Europian: Emetimet e CO2 të bien deri në 60%
7 Tetor 2020, 16:06Bota
TEMA
Parlamenti Europian votoi një objektiv për reduktimin me të paktën 60% të emetimeve të gazit me efekt serrë të BE-së deri në vitin 2030, më ambicioz se 55% propozuar nga Komisioni, ndërkohë që shtetet anëtare do të duhet të marrin qëndrim vetëm në dhjetor.
Amendamenti, duke përfshirë këtë objektiv brenda kornizës së një “ligji të gjerë klimatik”, u miratua dje nga eurodeputetët që u takuan në seancën plenare në Bruksel, me 352 vota pro, 326 vota kundër dhe 18 abstenime, sipas burimeve parlamentare.
Ky miratim, i cili do të duhet të konfirmohet sot nga votimi i tekstit të plotë të ligjit, do të hapë rrugën për bisedime me shtetet.
Presidentja e Komisionit Europian, Ursula von der Leyen, kishte propozuar në mes të shtatorit të synonte një ulje prej 55% të emetimeve të gazit me efekt serrë nga BE deri në vitin 2030 krahasuar me nivelin e vitit 1990, kundrejt një objektivi të vendosur aktualisht në -40%, në mënyrë që të arrihet objektivi i miratuar tashmë i “neutralitetit të karbonit” në 2050.
Tashmë, shtetet anëtare do të shprehen për këtë propozim të ekzekutivit europian para se të angazhohen në negociata me Parlamentin për afatin 2030.
1 komente në “Parlamenti Europian: Emetimet e CO2 të bien deri në 60%”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Planeti duhet shpetuar.
E ardhmja e femijve tane duhet siguruar.
Pershendes me entuziasem vendimin.