Dje u shpallën ofertat e tetë firmave që synojnë të realizojnë identifikimin biometrik të votuesve të 25 prillit. Mesatarja e të tetë ofertave ishte rreth 20 milionë euro, që nuk do të lejojnë më votimin familjar për bijtë, bijat, nuset, dhëndurët, nipërit e mbesat në emigracion, si dhe votimin 2-3 herë nga i njëjti person.

Por çfarë efekti mund të kenë këto 20 milionë euro në rezultatin përfundimtar të zgjedhjeve të 25 prillit?

Në një analizë që kam botuar para disa muajsh, llogarita me përafërsi se rreth 80 mijë vota në zgjedhjet e 2017-ës, me shumë gjasa, kanë qenë të bijve, bijave nuseve, dhëndurve, nipërve e mbesave në emigracion, të hedhura në kuti përmes votimit familjar në fshtatërat e vegjël anekënd Shqipërisë (kuptohet, disa pro PS-së e disa kundër saj). Sidoqoftë, vota popullore nuk përcakton sa mandate fiton një parti apo një tjetër në sistemin elektoral shqiptar. Përqindjet e partive në secilin nga 12 qarqet janë vendimtaret në përcaktimin e mandateve (PS-ja regjistroi vetëm 48.2% të votës popullore më 2017, por siguroi 74 mandate në Kuvend).

Me pak fjalë, 20 milionë eurot e shpenzuara për identifikimin biometrik, me gjasa të mëdha, do të kenë vetëm efekt rajonal. Nga rezultatet e zgjedhjeve të 2017-ës dhe zhvillimet e derisotme, duket se në qarqet nga Elbasani e poshtë, identifikimi biometrik do të ketë fare pak ndikim në mandatet e partisë në pushtet (PS-së).

Vetëm në qarkun jugor Gjirokastër duket se do ketë një zhvillim demografik, jo biometrik. Këtij qarku do t’i pakësohet një mandat (si rezultat i pakësimit të shtetasve në regjistrat e gjendjes civile të qarkut). Dhe këtë mandat duket se do ta humbasë PS-ja, pavarsisht se mbetet partia e parë në atë qark.

Pikpyetjet fillojnë në qarqet mbi Elbasan.

Disa qindra vota fiktive emigrantësh në malsinë e Tiranës (që identifikimi biometrik do t’i eliminojë) mund t’i heqin PS-së një mandat në këtë qark.

Disa qindra vota fiktive emigrantësh në malësinë e Krujës (që identifikimi biometrik do t’i eliminojë) mund t’i heqin PS-së një mandat në qarkun Durrës.

Disa qindra vota fiktive në malësinë e Pukës (që identifikimi biometrik do t’i eliminojë) mund t’i heqin PS-së një mandat në qarkun Shkodër.

Disa qindra vota fiktive në malësinë e Mirditës (që identifikimi biometrik do t’i eliminojë) mund t’i heqin PS-së një mandat në qarkun Lezhë.

E njëjta gjë mund të ndodhë në qarkun Dibër, por jo prej identifikimit biometrik, por prej tkurrjes demografike (qarku Dibër do të ketë gjithsej 5 mandate, jo 6 si më parë). Ndërsa në qarkun Kukës, nuk mund të priten ndryshime, sepse gjithsej 3 mandate ka….

Duke përmbledhur sa më sipër, tabela më poshtë pasqyron PARAPRAKISHT efektin që mund të kenë 20 milionë eurot e identifikimit biometrik në mandatet e PS-së.

Tabela 1. Ndryshimet e mundshme të numrit të mandateve të PS-së prej identifikimit biometrik

*SHËNIM: Për shkak të ndryshimeve demografike, Dibra do të ketë 5 nga 6 mandate që kishte, Gjirokastra 4 nga 5 që kishte dhe Tirana 36 nga 34 që kishte.

2 komente në “Sa mund të vlejnë 20 milionët e identifikimit biometrik?”

Juri says:

19 Nëntor, 2020 16:37 te 4:37 pm

Cfare idioti po sic mund ti hiqen PS ashtu do ti hiqen dhe PD dhe te tjereve dhe rezultati nuk ndryshon.

Përgjigjjuni
Ppsh says:

19 Nëntor, 2020 17:58 te 5:58 pm

Vjedhja e votes nuk vjen me votimin e dhendureve,nuseve,bijave etjer sepse cdo person qe paraqitet ne kutite e votimit i jepet vetem nje flete votimi, jo 14 flete
Vjedhja vjen se kutia e votimit nuk numerohet aty ku votohet por niset me furgon drejt tiranes nderrohet rruges dhe numrohet ne tirane
Per njohjen biometrike te votuesve mjafton karta e identitetit e pa skaduar apo nuk i besoni sepse keni shitur mijra karta fallco per njerez te kerkuar
Nqs vertet doni zgjedhje pa hile (si ne rastin ku tramp donte ti afrohej kutive dhe i thane pirdhu)
1) duhet nje ligj per nenpunsin civil qe mos te behet pre e fushates elektorale dhe ata qe jane pa pune te mos joshen kot per nje vend pune qe nuk ekziston
2) partite larg numerimit te votes kqz e depolitizuar dhe kush numeruesit te jene pa te drejte vote
Sa per ata 20 milion € ju i dhate nje kamarieri per punimet ne astir dhe su skuqet fare tani na beni moral

Përgjigjjuni