Te fundit
ANALIZA: Nën drejtimin Biden, SHBA-ja do të inkurajojë krijimin e një “EUgoslavie” 2
26 Nëntor 2020, 19:57Rajoni
TEMA
Biden duhet të punojë brenda parametrave të këtij realiteti të ri – jo të atij që ekzistonte në vitet 1990 kur Biden krijoi pikëpamjet e tij rreth Ballkanit. Por a ka ndryshuar logjika strategjike?
Nga Alma Koçi
Ajo që ka rëndësi në politikën ndërkombëtare nuk është ajo që një lider dëshiron të bëjë, por ajo që ai lider duhet të bëjë për të mbështetur interesat thelbësore kombëtare të vendit të tij. Kuptimi i kësaj është thelbësor për të kuptuar ndikimin e fitores së Joe Biden në zgjedhjet presidenciale të SHBA-së në politikën amerikane kundrejt Ballkanit.
Nuk ka asnjë dyshim që administrata Biden do të donte të anulonte katër vitet e fundit të politikës amerikane, të karakterizuara nga një afrim me Serbinë dhe ngacmim i shqiptarëve të Kosovës, një qëndrim fleksibël ndaj kufijve dhe një shpërfillje e dukshme për reputacionin e diplomatëve amerikanë që hartuan zgjidhjen aktuale në rajon. Pohimi i fundit i Biden se Serbia duhet ta njohë Kosovën brenda kufijve të saj ekzistues, fakti që ai iu drejtua votuesve shqiptarë dhe boshnjakë në SHBA dhe kujtimi i masakrës se boshnjakëve në vitin 1995 në Srebrenicë – si dhe pëlqimi i tij për qeverinë multilaterale dhe dëshira për të rikthyer vlerat e politikës së jashtme amerikane – të gjitha këto tregojnë për një ringjallje të qasjes para-Donald Trump.
Ndërsa rajoni vazhdon të jetë në një gjendje amullie, disa nostalgjikë po parashikojnë tashmë një politikë amerikane më të fortë, duke përfshirë një tërheqje nga serbët dhe ëndrrat e tyre për një zgjidhje të re territoriale, një përpjekje për të forcuar demokracinë dhe shtetin e së drejtës dhe një përpjekje të ripërtërirë për integrim Euro-Atlantik. Megjithatë, një mendim i tillë shpërfill realitetin e ri strategjik në rajon. Për arsye të ndryshme, procesi i integrimit europian është prishur: Mbretëria e Bashkuar, ish-propozuesi kryesor i zgjerimit i BE-së, është larguar nga BE-ja; Franca dhe vendet e tjera të Evropës Perëndimore ngurrojnë ta zgjerojnë BE-në në Ballkan; dhe vetë rajoni është munduar shumë për të përmbushur kushtet e vështira të BE-së për anëtarësim, ndërsa njëkohësisht përpiqet të zgjidhë çështje kryesore që kanë lidhje me shtetësinë, identitetin dhe territorin.
Ndërkohë, Serbia ka rivendosur pozicionin e saj si shteti kryesor në Ballkan pas shfaqjes së një lideri të fortë që i dha fund kaosit të viteve 2000 dhe një periudhe reforme strukturore e cila ka shfrytëzuar përparësitë e qenësishme të Serbisë si ekonomia më e madhe e rajonit dhe qendra natyrore e graviteti. Serbia gjithashtu është angazhuar në një manovër të zgjuar diplomatike që e ka lejuar atë të përdorë mbështetjen e fuqive të ndryshme jo-perëndimore të cilat dëshirojnë një prani në Ballkan – Rusia për të penguar ekspansionin perëndimor, Kina për arsye ekonomike dhe Turqia si pjesë e përpjekjes së saj për të përftuar statusin e fuqisë së madhe.
Kjo ka forcuar pozicionin e Serbisë në lidhje me SHBA-në, pasi Beogradi mund të përcaktojë se sa ndikim kanë këto fuqi në Ballkan dhe të mbështetet në ndikimin e tyre për të nxitur një zgjidhje me avantazh në çështjen e Kosovës. Nëse presidenti Biden dëshiron t’i qëndrojë besnik qëllimit të kahershëm amerikan për krijimin e një lloj zgjidhjeje të qëndrueshme në Ballkan që lejon zhvillimin e tij të brendshëm dhe integrimin e jashtëm me Perëndimin – dhe kështu pushon së qeni një problem që SHBA-ja duhet ta zgjidhë – ai duhet të punojë brenda parametrave të këtij realiteti të ri – jo të atij që ekzistonte katër vjet më parë dhe aq më pak të një realiteti që ekzistonte në vitet 1990 kur Biden krijoi pikëpamjet e tij rreth Ballkanit.
Dy opsionet e mundshme
Kjo ka implikime të ndryshme. Njëri është që, pasi administrata Biden të ketë bërë analizën e saj të situatës, ajo do të vijë në të njëjtin përfundim të përgjithshëm si paraardhësi i saj: që Uashingtoni duhet të angazhohet në Ballkan në mënyrë që të mbështesë zgjidhjen e tij dhe se mosbërja e kësaj në mënyrë efektive ia delegon fatin e rajonit rivalëve të saj të mëdhenj për pushtet.
Një implikim tjetër është se, nëse administrata Biden i kthehet politikës para-Trump, ajo do të dështojë. Një presion i madh mbi serbët do të forcojë pozicionin e Rusisë dhe Kinës, si dhe përjashton një zgjidhje për çështjen e Kosovës dhe rrezikon një përpjekje të shpejtë për pavarësi nga ana e entitetit serb të Bosnjës, Republika Srpska. Një shtysë për anëtarësimin në BE do të përballet me rezistencën e Francës dhe të tjerëve. Dhe një shtysë për një demokraci më të madhe do të tjetërsojë politikanët vendas te të cilët varet SHBA-ja.
Prandaj, siç zbuloi administrata Trump, nëse SHBA-ja do të arrijë qëllimet e saj gjeopolitike në Bosnjë, ajo duhet të gjejë ndonjë alternativë ndaj politikës së dështuar për anëtarësim në BE, të lërë mënjanë çështjen e demokratizimit dhe të bashkëpunojë me Serbinë, e cila, në një farë mase, mund të citojë kushtet e saj.
Pra, a nënkupton ky realitet i ri strategjik një vazhdim të politikës së epokës Trump në Ballkan, me tolerancën e saj ndaj shkëmbimeve territoriale dhe indiferencën e dukshme ndaj idealeve liberale, siç janë multietniciteti dhe shteti civil? Jo tamam. Nëse ndryshimi në lidershipin e SHBA-së bën një ndryshim në politikën amerikane kundrejt Ballkanit, ai do të jetë një këmbëngulje e ripërtërirë në integritetin territorial të rajonit. Biden, i cili i ka parë vetë me sytë e tij tmerret e luftës në Bosnjë në vitet 1990, do të kundërshtojë parimisht çdo shpërbërje të Bosnjës dhe do të përjashtojë çdo rezultat në Kosovë që e bën këtë më të mundur.
Megjithatë, kjo gjithashtu nuk nënkupton një mohim të qasjes së epokës Trump, pasi Biden do të përballet me të njëjtin realitet strategjik si paraardhësi i tij, ndërsa ndjek të njëjtin qëllim strategjik: të zhbllokojë zhvillimin dhe integrimin drejt perëndimit të rajonit të Ballkanit. Kjo nënkupton një vazhdim të dy elementëve kryesorë të qasjes së administratës Trump. Një është përpjekja për të zgjidhur mosmarrëveshjet politike që e pengojnë në rrugën e këtij qëllimi.
Kjo filloi me neutralizimin e Rusisë në Malin e Zi dhe integrimin e tij në NATO dhe rrëzimin e qeverisë së Nikola Gruevskit dhe zgjidhjen pasuese të mosmarrëveshjes së “emrit” midis Shkupit dhe Athinës, duke e lejuar Maqedoninë e Veriut të ndjekë Malin e Zi në NATO. Shtetet e Bashkuara pastaj e kthyen vëmendjen ndaj statusit të Kosovës. Në fund të procesit qëndron Bosnja dhe çështja shqetësuese e reformës kushtetuese. Kjo përpjekje nuk do të përfundojë pasi imperativat strategjikë të Uashingtonit nënkuptojnë se Biden duhet të vazhdojë atje ku e la administrata Trump.
Elementi tjetër i qasjes së epokës Trump që Biden do të duhet të ruajë është shtysa për të krijuar një lloj zone ekonomike rajonale në Ballkanin Perëndimor, e manifestuar në mbështetjen amerikane për të ashtuquajturin mini-Shengen që përfshin Shqipërinë, Maqedoninë e Veriut dhe Serbinë. Kjo ka atraksione të ndryshme për SHBA-në. Promovimi i tregtisë ndërkufitare dhe tregtisë mund të stimulojë potencialisht ekonominë rajonale, duke zbutur tensionet etnike dhe duke ndalur daljen e shtresave të mesme nga të cilat varet çdo tranzicion drejt demokracisë dhe prosperitetit.
Në të njëjtën kohë, zbutja e diskutimeve të kufijve ndërkombëtar që aktualisht ndajnë kombe si serbët dhe shqiptarët mund të lejojë një formë ribashkimi kombëtar në një mënyrë që pajtohet me kundërshtimin e administratës Biden për ndryshimin e kufijve ekzistues. E thënë ndryshe, një zonë ekonomike rajonale ofron disa nga përfitimet strategjike të anëtarësimit në BE në mungesë të ndonjë shansi realist që më shumë shtete t’i bashkohen unionit.
Aleatë në bord
Ç’është më e rëndësishmja, administrata Biden do të shohë që BE-ja, së cilës i ka deleguar përgjegjësinë për të mbështetur zgjidhjen amerikane në Ballkan në vitet 2000, po promovon gjithashtu idenë e një zone ekonomike rajonale, duke përjashtuar të gjitha alternativat.
Në një fazë të hershme, evropianët e hodhën poshtë opsionin e ndryshimit të kufijve dhe të krijimit të shteteve kombëtare që kishin virtytin e zgjidhjes së burimit themelor të konfliktit në Ballkan, por rrezikuan të gjeneronin vetë konfliktet që ata donin të shmangnin.
Evropianët gjithashtu nuk kishin interes për ta ruajtur Ballkanin si një protektorat ndërkombëtar, situatë që ata e trashëguan pas ndërhyrjeve të ndryshme ushtarake amerikane. Kjo ishte e kushtueshme për t’u mirëmbajtur dhe binte në kundërshtim me bindjen e tyre të deklaruar për vetëqeverisje demokratike.
Evropianët gjithashtu hodhën poshtë opsionin e integrimit të menjëhershëm të Ballkanit në BE, në gjendjen e tij të papërpunuar, të pa reformuar, i cili mund të kishte kapërcyer problemin e kufijve, por që rrezikonte të destabilizonte vetë BE-në.
Kjo bëri që evropianët të fillonin një proces integrimit të bazuar në kushte që në dukje ofronin mundësinë e transformimit të rajonit në një grup demokracish liberale të prosperuara para përfshirjes së tyre eventuale në BE. Megjithatë, pas pesëmbëdhjetë vjet përpjekjesh, kjo politikë është vërtetuar se nuk funksionon.
Si pasojë, BE-ja ka filluar të ndjekë opsionin e vetëm të mbetur, krijimin e një lloj entiteti rajonal, të lidhur me BE-në dhe aktualisht nën kujdesin e Procesit të Berlinit. Kjo bëri një hap të rëndësishëm përpara javën e kaluar me një marrëveshje nga shtetet e Ballkanit për të krijuar një treg të përbashkët dhe zbulimin e Komisionit Evropian të një Plani Ekonomik dhe Investimesh prej nëntë miliardë eurosh që synon të promovojë “lidhshmërinë” e rajonit.
Një zonë ekonomike rajonale ishte gjithmonë pozicioni i preferuar i Francës dhe ndonjëherë edhe i Gjermanisë, e cila e pa atë si një mundësi që BE-ja të të luante rolin udhëheqës në Ballkan pa rrezikun e futjes së rajonit në shtëpinë e vetë evropianëve.
Në vitet 2000, Franca iu nënshtrua presionit nga Britania për zgjerim në një kohë kur BE-ja ishte e fortë dhe e sigurt, dhe Serbia ishte shumë e dobët, shambolike dhe e pabesueshme për të luajtur rolin udhëheqës që implikonte një zonë ekonomike rajonale. Megjithatë, me Mbretërinë e Bashkuar që doli nga BE-ja dhe Serbinë të rehabilituar, Franca tani mund ta nxisë këtë pozicion duke shmangur një debat me ata anëtarë të BE-së që ende mbështesin zgjerimin dhe do të donin të shihnin krijimin e një zone ekonomike si një gur përpara drejt këtij qëllimi përfundimtar. Kjo siguron një mundësi për SHBA-në, jo vetëm sepse BE-ja është e gatshme të sponsorizojë integrimin ekonomik të rajonit, duke e lehtësuar SHBA-në nga ai detyrim, por sepse një zonë ekonomike rajonale lidh Ballkanin me BE-në, duke mbajtur kështu larg Rusinë dhe të tjerët.
Administrata Biden do të shohë gjithashtu që Serbia mbështet një bashkim ekonomik, pasi kjo mund të konsolidojë pozicionin e saj udhëheqës në Ballkan dhe të tërheqë shtetet e tjera të rajonit, duke përfshirë Kosovën, Bosnjën dhe Malin e Zi, të gjitha me pakica të mëdha serbe, përsëri në orbitën e Serbisë. Kjo iniciativë gjithashtu bëri një hap përpara javën e kaluar me nënshkrimin e një marrëveshje udhëtimi midis tre anëtarëve të saj dhe një ftesë për Kosovën për t’iu bashkuar zonës mini-Shengen.
Mbështetja e shtetit kryesor të rajonit nuk plotëson vetëm kushtin minimal për qëndrueshmërinë e çdo zone ekonomike. Një projekt që i jep Serbisë një pozicion drejtues në Ballkan mund të jetë i mjaftueshëm për ta bindur Beogradin të njohë pavarësinë e Kosovës pa këmbëngulur në ndarjen e saj – dhe të minimizojë marrëdhëniet e saj me Rusinë, Turqinë dhe Kinën.
Administrata Biden do të shpresojë gjithashtu që rrethanat e ndryshuara, duke përfshirë një kufi më të hapur midis Serbisë dhe Republikës Srpska, e bëjnë problemin e Bosnjës më të lehtë për t’u zgjidhur. Disa në administratën Biden do të ndjekin idenë e shpërblimit të Serbisë në këtë mënyrë, por realitetet politike në terren do ta lënë atë me pak mundësi të tjera.
Në mënyrë thelbësore, ekipi i Biden do të shohë gjithashtu se shumica e shteteve të tjera të rajonit gjithashtu e mbështesin iniciativën, duke rritur qëndrueshmërinë e saj. Shqipëria e sheh një zonë ekonomike si një mjet për të zgjeruar potencialin e saj të tregut dhe për t’u afruar me diasporën shqiptare në rajon. Një zonë ekonomike i ofron Maqedonisë së Veriut një strehë të sigurt nga kërcënimet për ekzistencën e saj nga Greqia dhe Bullgaria. Ndërkohë, qeveria e re në Mal të Zi mund të përdorë zonën ekonomike për të rivendosur lidhjet tradicionale të vendit me Serbinë.
Pengesë do të jenë ato grupe që zhvilluan një luftë për të qenë të lirë nga ndikimi i Beogradit, veçanërisht boshnjakët që i kanë rezistuar përfshirjes së Bosnjës në mini-Shengen dhe do të ankohen se një zonë ekonomike rajonale rrezikon pavarësinë e Bosnjës.
Kjo do të përbëjë një pengesë për administratën Biden: por ajo që duhet të marrë në konsideratë presidenti i ri do të jetë interesi amerikan në krijimin e një lloj rendi rajonal që është i arsyeshëm dhe i zbatueshëm, në vend se kush fiton ose humbet në këtë rregullim, dhe do të kërkojë një mënyrë për të kapërcyer këto kundërshtime, siç bëri Administrata Trump kundrejt Kosovës, të cilën ajo e e urdhëroi t’i bashkohet mini-Shengenit në këmbim të mbështetjes për të siguruar njohjen e Kosovës nga Serbia.
Një kthim në histori
Nëpërmjet kësaj politike, administrata e Biden jo vetëm që do të vazhdojë atje u e la Trump, por do të ringjallë strategjinë e fuqive të mëdha në shekullin e njëzetë ndërsa ata shqyrtonin se çfarë të bënin me grupin e ndryshëm të kombeve që dolën nga shpërbërja e Perandorisë Osmane dhe që më pas luftuan vazhdimisht me njëri-tjetrin për të krijuar shtetet kombe.
Vendosmëria e bërë pas Luftës së Parë Botërore, dhe përsëri në fund të Luftës së Dytë Botërore, ishte se stabiliteti i rajonit varej nga mbledhja e popujve të ndryshëm në një entitet më të madh, pa kufij të brendshëm nën administrimin e përgjithshëm të Beogradit, kryeqyteti i kombit më i madh të rajonit dhe qendra e tij natyrore politike. Njëqind vjet më vonë, kjo logjikë strategjike nuk ka ndryshuar.
Një zonë ekonomike rajonale që njeh prishjen e politikës së zgjerimit të BE-së dhe konsolidon pozicionin udhëheqës të Serbisë nuk do të jetë rezultati i preferuar i Biden në Ballkan. Kjo nuk është as e garantuar që do të funksionojë.
Por realitetet e pushtetit në terren, interesi amerikan për zhvillimin ekonomik të Ballkanit, dëshira e tij për të ruajtur zgjidhjen ekzistuese territoriale, nevoja e tij për të mbajtur larg rivalët e mëdhenj duke ankoruar Ballkanin në BE – dhe dëshira e tij për të arritur të gjitha këto në mënyrën më të lehtë të mundshme – do të detyrojnë SHBA-në të veprojë.
Unë besoj se administrata Biden do të kërkojë një njësi të re multietnike, të lidhur ngushtë me BE-në, e cila përfshin gjashtë shtetet e Ballkanit Perëndimor dhe ka selinë e saj në Beograd.
Kjo nuk do të jetë saktësisht një Jugosllavi e re, e cila ishte një produkt i kohës së saj, por faktet në terren do ta detyrojnë Biden t’i rikthehet logjikës të së kaluarës së afërt dhe të inkurajojë krijimin e mishërimit të saj të shekullit XXI – një “EUgoslavi” e re.
28 komente në “ANALIZA: Nën drejtimin Biden, SHBA-ja do të inkurajojë krijimin e një “EUgoslavie” 2”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kjo do të jetë, një Federatë e re Jugosllave.
E hajde e merre vesh pastaj, të të ikë më sërbi.
Kështu, do të zhduket Shqipëria dhe kombi Shqiptar.
Zoti na ruajt.
Alma, analizen tende vertete nuk ke nga ta zesh me pare por disa gjera kryesore:
1) Forcimi (nese eshte i tille) dhe reabilitimi i pozicionit te Serbise eshte rrjedhoje e drejtperdrejte e politikes indiferente te administrates Tramp ndaj rrolit nderkombetar te Rusise dhe perqendrimi ne praktikat proteksioniste te ekonomise dhe rrjedhimisht identifikimi i Kines si rreziku kryesor. Jo si pasoje e zhdervjelltesise se z Vucic.
2) Interesi primar i Shba ne Kosove nuk ka qene dhe nuk do te jene shqiptaret. Kosova eshte, e theksoj, nje investim kolosal ushtarak i cili perben piken me strategjike Amerikane ne Evrope. Si e tille ajo nuk i takon shqiptareve dhe aq me pak serbve. Amerikanet e moren Kosoven, jo ngaqe ishin te sjellshem me Rusine dhe Serbine. Dhe te jesh realist eshte me e veshtire te besosh qe serbet duan te jetojne nen ‘parajsen” ruse se sa te jene pjese e KE. Amerikanet kete e dine me mire se une e ti.
3) Nese e ke ndjekur me vemendje Xho Bajden eshte kunder vendosjes se doganave midis dy Irlandave nuk eshte aspak perkrahes i kryeministrit britanik Xhonson. Keto mund te ndryshojne rrjedhen e Breksitit britanik dhe balncen ne Evrope. Gjithashtu mos harrojme qe ftohja ndaj zgjerimit te KE ka ardhur ne nje perqindje te larte, nga perkrahja e administrates ‘Tramp’ ndaj forcave ekstreme te djathta dhe disa udheheqesve autukrate, kunder zgjerimit. Makron eshte nje nga ata.
Une mendoj qe integrimi i Ballkanit Perendimor ne KE eshte zgjidhja a vetme pozitive dhe e shendetshme edhe per vet KE. KE ne nje fare menyre eshte nje ‘shtet’ i ri dhe i brishte. Evropa nuk eshte ne gjendje te mare vendime te pavarura dhe u vertetua qe reflekton, ne politiken e saj te gjitha problemet dhe sukseset e politikes Amerikane. Ne rastin konkret, presidenti Tramp beri nje ndalese te panevojshme per askend.
Anal ist leshi, forcimi i serbise ne rajon eshte forcimi i rusis prandaj SHBA neqoftese do nje Balkan pro perendimor duhet ta dobesoj shtetin serb dhe ifluencen e tij ne rajon.
PO Kosova perseri do jete me sllavet?.Nuk ka ardhur koha qe sllavet pamvaresisht se ka shume shqiptare ne Serbi,MAL TE ZI dhe MAQEDOINE E VERIUT le te bashkohen mes vedi.
Çfare flet moj bibë ? Kush eshte kjo Alma , qe po na flet si ” ILUMINATI”, duke bere Projekte internationale ? Kush jane keto 6 shtete ne ballkanin perendimor qe do krijojne kete EUgosllavi te re ? Ketu na fut edhe ne, Shqiperine bashke me Kosoven ? Ej….. Alma , mos je gje ne menopauzë ?!
6 jane edhe pa Kosoven, apo Shqiperine : Sllovenia, Serbia, Kroacia, Bosnja-Hercegovina, Mali i Zi, Maqedonia e Veriut (siç kane qene republika te Jugosllavise).
Zemer, paske botuar teme diplome dhe i ke dhene shfrim fantazise per qejfin tat
WTF!!!!
Cfar qenka kjo ore….
Ku dreqin i shkoka mendja ksaj perkthyeses, qe dikush i paska mesuar fjalen Strategji..
******
Biden, duke mos pasur asnje Opsion tjater, do na benka EuroGlasen e Re!!!!
Dhe meqense BE nuk do zgjerohet me, Minishengeni i prodhuar ne Gjirizin Ruso Serb dhe i vendosur ne gojen e Skenderbe Pirdhupalasit, qenka zgjidhja me e mire e mundeshme.
******
Po i kujtoj Tyryfyckes Koci qendrimin e President Elect Biden pas takimit Poshterues ne Shtepine e Bardh midis Trump, Hotit dhe Vupicit:
SHBA e njeh Kosoven si shtet te pararur dhe sdo te negocjoj per asgje me pak(Ose me shkurt ; Pavarsia e Kosoves eshte e PAKTHYESHME)
Te mjeret ne, me kete tyryfycken perkthyese, e punsuar ne Birn!
*******
Pavarsisht deshires Ruso-Serbe, dhe zagarve te tyre ne Tirhane dhe Prishtine, Minishengeni apo qinishengeni nuk do te funksionoje.
Shqiptaret, edhe sikur Serbia ta njoh sot Kosoven si shtet te Pavarur, nuk kan asnje interes te perfshihet ne nje zone ekonomike ku Serbia do luaj rolin e Kaposhit….As na duan dhe as qe kemi per ti dashur ndonjehere..
Por me e rendesishmja ne si shqiptar nuk kemi asnje interes ndaj nje vendi te till.
Per ne Serbia eshte nje “Vrim e Zeze” qe duhet ti shmangemi….e jo me ti afrohemi..
E per fatin ton te mire, asnje Rruge e jona si Shqiptar, si individ dhe Shoqeri, nuk kalon nga beogradi……pervec atyre dobicave te ven ne sherbim te Serbis
*******
Po i kujtoi Tyryfyckes perkthyese, qe ka shum te ngjashem ne qiverriun Pirdhupalase, se USA mezi e shperberi ate krijes monstuoze te quajtur Jugosllavi, ku Etja per Dominim e Serbeve coi ne genocidin me te madh ne Europe pas LIIB..
E si ka mundesi qe USA, dhe aq me teper Biden, nje njohes i mire i Krimeve Serbe, do mbeshtes Euroglasglosavine ku dominon Serpia…..
A nuk eshte kjo Euroglasglosavi nje “Deja Vu”, oj Tyryry!!!
Ooooooooooooooooooooo Alma! Edhe vet emri që ke vënë është acarues, pale përmbajtja e tij. Një “….slavi” si mbaresë e emrit është aq grricës nervash saqë do të nxitë armatosjen e ballkanasve kundër Serbisë dhe atyre që e përkëdhelin.
Urdher i presidentit Biden:”-urgjentisht ket gocen,ma bini ketu me avion te posacem .e pres ne shtepine time te bardhe.I punoje shume truri per ti zgjidhur problemet me force Demokracia deshtoi. Rrofte forca.”
Ore dini te benI analiza apo shkrime ju ne Shqiperi? I gjithe shkrimi kishte vetem idete e kesaj zonje po mbeshtetur ne research apo quotations. Te te kisha ne klasen e English Composition do te kisha vene nje F te madhe. Mesoni nje cike se si shkrimet. Speech eshte ndryshe nga Composition. Ne Composition duhet te mbeshtetesh idene ne fakte.
Kete artikull kjo gagazetaruqes se leshit duket se ja ka sponsorizuar Serbia. Insituatat se do ndodhe kjo apo ajo sipas ketij artikulli qesin(gjithemone sipas kesaj analisteje ) fituese vetem Serbine. Kjo merr te drejten tibeje edhe politikat e jashtme te Amerikes,mund ta paramendoni !!!!!! Amerika me veprimet be saj favorizon satelitin e Rusise ,Serbine. Kaq te peshtira jane keto tentativa sa qe te ben forcerisht njeri banal dhe per te derdhur nje lume sharjesh e fyerjesh kunder saj.
Mos i bini ne qafe kot Plakut te urte Doksboru, ai pshesh do haje dhe ka ngrene gjate 50 viteve ne senta. U entuziazmuan diplomatet shqiptare aq sa i ngriten kenge deshtakut Obama.Amerika e obames ja la Kosoven, Europes dhe ajo ja la sllovakise…..ta beje prape pjese te Serbise.
Une jam i mendimit qe kete carcafin qe ka zhgaravitur kjo
me emrin Alma, duhet ta perdorim per leter higjenike,
ne gjuhen popullore i thone edhe leter bythe.
Nje shkrim i pergatitur diku ne skutat e erreta te sherbimit te fshehte serb.
Kujt i sherben ky shkrim dhe kush eshte qellimi i tije ?
Nje akt i paster diversioni,pikerisht atehere kur per Shqiperine ,
jo vetem si shtet,poooor si komb po i hapen perspektiva te reja,
per realizimin e endres shekullore per bashkimin e te gjitha trojeve
shqiptare ne Ballkan.
Une jam ne princip kunder censures,
poooor ky shkrim e meriton te censurohet.
Ekziston vertet nje person me emrin e autores,apo e ka shkruajtur supermbesa ???
NEVER SAY EVER
Shkencat politike jane shkence ne vete jo fall.
Ato kane ligjet e veta !
E ne diplomaci, si dege e tyre ka vetem nje ligj te pashkruar:
Never say ever !
Pra : Asnjehere mos thuaj kurre.
Diplomacia eshte shkenca qe te pamunduren te mundur.
Diplomacia eshte shkenca qe ne vend te raketave, bombave, predhave, plumbave…leshon pellumba paqeje nga shilarset, grykat e folete e tyre.
Cudi se si kjo Alma e di se cfare politike do te ndjeke Biden ne Ballkan kur ai akoma nuk ka deklaruar asgje per kete ceshtje dhe vetem dy dite me pare i eshte hapur dritarja e informacioneve teper sekrete te agjencive ligjzbatuese amerikane qe jane syri dhe veshi i SHBA-se ne Bote.
Nje gje eshte krejt e sigurte: Joe Biden eshte nge mik i sprovuar dhe aleat i palekundur i Kosoves e Shqiperise si shtete dhe i shqiptareve si popull e komb kudo qe ndodhemi tash e te pakten 35 prej 50 vjeteve te fundit.
Si i tille fitorja e tij ne zgjedhjet e 3 Nentorit eshte nje fitore e mbare shqiptareve kudo ne Bote pa dallim feje, krahine, ideje, bindjeje shoqerore apo perkatesie politike.
NEVER SAY EVER !
Dhe nese shqiptaret dhe Bosnja nuk pranojne kete “eusllavi” atehere c’duhet bere?! Ti bejme Bllokade Ekonomike Shqiperise, Kosoves, dhe Bosnjes dhe te Investojme ne Serbi. Ekzakt e njejta llogjike qe deshmoi DESHTIM i plote i Europianeve ne Ballkan.
E vetmja zgjidhje eshte Pamvaresia e Plote e Bosnjes dhe Kosoves dhe anetarisimi i shteteve te Ballkanit Perendimor ne EU si shtete te pamvarur. Cdo grupim artificial me presion ekonomik eshte i paqendrueshem dhe burim konfliktesh te reja etnike.
E ardhmja, sipas meje, eshte se Serbia do ta afrohet gjithmnone e me shume me Rusine dhe Kinen per te rritur hegjemonine e vete ne Ballkanin Perendimor. Ky eshte synimi serb. Interesat e EU dhe ShBA jane per te kunderten prandaj une shikoj ne perspektive afatgjate nje izolim gradual te Serbise ne Rrethin e NATOS.
Vetem nje Rrethim i Eger, si ai qe ju be Shqiperise se Enver Hoxes, do ta detyroje Serbine te reflektoje. Te gjitha vendet e Ballkanit Perendimor duhet te marrin investime te medha qe te tejkalojne zhvillimin ekonomik te Beorgradit duke i bere nje presion te paberballueshem qeverise serbe nga vete populli serb i cili do te shikoje se standarti i jeteses i popujve te tjere eshte superior.
Pra e vetjma zgjidhje eshte Bllokada, sanksionet sic quhet sot, Ekonomike ndaj Serbise dhe paralelisht pranimi i cdo shteti tjeter ne EU. Ne fund do te bjere edhe dominoja e fundit, Serbia.
Paska perkthyer enderrat e serbise .turp qe ja servirni opinionit .Amerika kurr nuk do ta tradhetoje shqiptaret se ka bere kurr dhe nuk do ta bej megjithse disa shqipfoles do ta donin si kjo qe perkthen enderrat e serbise ketu dhe ju i botoni.
llafe filxhani kuturu… i bie te jete serbia me e rende se SHBA… bishti me i rende se sqepari! Ballkani do hapet dhe do kthehet ne origjine ne gadishullin ilirik dhe kur te bien kufijte bashkimi i vetem do jete bashkimi iliro-pellazg dhe serbilja e greqira do jene kontorno pastaj.
Versioni me rreal I te ardhmes se serbise gjenocidiale eshte disintegrimi I plote I saje ne tre mini shtete te cilat do te funksjonojne nen nje federate.
Keto shtete do te jene Sanxhaku,Vojvodina dhe Beogradi .
Deri ne diten e sotme por edhe ne 50 vjetet e ardhshme ajo cfare sot quhet “serbi” ka qene dhe mbetet shteti me I urryer dhe papelqyer I rajonit . Keto prrallat e nje komunisti britanik per krijimin nje
jugosllavije te re jane vetem propogande e paguar ruso-serbe .
Biden ne vitin 1998 tekstualisht I ka quajtur serbe ” kafshe gjenocidiale qe smund te ndalen ndryshe vecse me gjuhen e armeve”. Shtetet anetare te nismes ” ADRIATIC 5″ do te ishin me se te lumtura qe ta shqyenin kete krijese ruse ne rastin me te pare te mundshem . Ky eshte
shekulli I shqipetareve te cilet tani I kane 3 shtete ne ballkan .
Vucici ta ka shkruajtur kete artikull moj e cmendur?!…Turp per gazeten TemA qe boton artikuj te tille.
E megjitheate o miq komentues, kjo zonja a zonjusha disa gjera i ka thene mire, duam a s’duam ne.
Biden, po edhe Zoti vete, nuk e ndryshon dot perberjen e Ballkanit. Dmth duam a s’duam ne, Serp-ia është dhe aty do të jete. Zoti na vuri midis dy fqinjeve më të keqij ne glob, serp-ve dhe grekeve,I provoi shqiptaret, I vrau e I mpaku, por nuk I zhduku. Tani Zoti na ka dhene shansin te bashkohemi, jemi dy shtete, duhet të behemi nje. Megjithese jane politikanet shqiptare që po e sabotojne bashkimin, – pa perjashtuar ndikimin e sherbimeve serbe, ruse e greke mbi ta- me grindje idiote e bllokime ekonomike e tregetare, pasi ne, populli, u bashkuam më1999, në Ditet e Eksodit të Madh.
Po ku ka të drejte Alma?
Lexoni me vemendje pjesen e fundit te analizes se saj.
Aty ajo perqendrohet vetem ne aspektin ekonomik të problemit. Biden, sado idealist e zemermire, sado i dashur me shqiptaret, ka nje thenie qe cdo President e ndjek si hije 24/24: Interesat Amerikane ne Bote. Tregu shqiptar, ja ti shtojme edhe ate te MV e MZ, nuk I kalon 10 milion banore,
Cdo korporate, shoqeri a kompani, prodhimi a tregetare, do nje treg mbi 20 milione. Keshtu, Ballkanit i duhet edhe tregu serp e ai boshnjak. Na pelqen, s’na pelqen ne. Jef Bezos, Zukenberg, Benzi a Deutche Bank, Louis Vuitton, Barclays… nuk duan te dine për kalvarin ku kemi kaluar ne, shqiptaret. Ajo eshte historia jone, te cilen edhe ate vete ne po e katranosim, por qe ata as e vrasin mendjen një sekonde. Ata duan treg, duan bleres, duan prodhues. Kete thote Alma.
Nuk ka të beje me patriotizmin tone.
E sa për termin EUgosllavia as une nuk jam dakord pasi nuk është treg europian sllavesh. Duhet dicka tjeter.
Analiz koti ….hulu vajze 4 …hajde vitin tjeter ??
Pse i jepni kaq shume hapesire nje kareje si kjo Alma?
Ja dhe nje politikane e re serbofile me “endren ne diell”
te rikrijimit te Jugosllavise nderkohe qe kunder Jugosllavise luftuan
vete popujt e saj (sllovene, kroate, boshnjake, maqedonas e shqiptare) .
Pse nuk e dergon ta botoje te “Politika” e Beogradit apo
e ka perkthyer nga serbishtja.
Kjo nuk eshte as gazetari as analize por PROPAGANDE naive serbe.
JA NJE FILOSERBE, QE ME FANTAZINE E SAJ, NA KTHEN SHUME MBRAPA, NJESOJ SI MBAS LUFTES SE PARE BOTERORE, KU U KRIJUA JUGOSLLAVIA. NJE IDIOTE E PAPARE, QE PARASHIKON ME FILAXHANIN E SAJ, SE CFARE DO TE BEJE ADMINISTRATA BIDEN. ???♀️
Do t’ju litesha njerezvevtecredsksise te mos botojne shkrime pa vlere, ose “kopipejste” te vjedhura diku e te perzjiera jeqas, ne njr shkrim si ky.
Brenda tij ka nje fjali qe tregon se autorja ende nuk e di qe Maqedonia eshte anetare e Nato-s … e me te guxone te jape mendime mbi politiken amerikane
Bajden duhet te ket nje gje parasysh : qe Serbia esht forca kryesore dhe shteti me solid ne ballkan , e dyta Serbia ka kollonen e 5t ne ballkan politikanet shqiptar, saliu luli Rama jan bashkepuntor dhe agjent tr Serbis, Serbia qe kur u nderrua sistemi ka drejtuar si marjonet shtetin Shqiptar , se agjent te sain ka patur ish presidentin sali berishen ministrin e mbrojties zhulalin shefin e sherbimit “sekret” gazideden ish ministrin e mbrojties mul noken ishministrin e gjithanshem lulzim bashen dhe njeriun qe pret te mari pushtetin prap qe esht agjent i mirfillt Serb , pra Bajdenin me politiken Amerikane e pret nje pun e veshtir tek ne , Bajdeni vet do jet i tradhtuar ne saj te ktyre antishqiptarve qe punojn ne interes te serbis sot , dhe politika amerikane sa te jen kta ne skenen politike esht e tallur dhe e tradhtuar , se politikanet tan bejn pun te dyfisht mbi tok me Bajdenin nen tok me Serbin , pra duhet te dij Bajdeni qe pun e madhe e pret tek ne ne Ballkan , po nuk pastroj nga politika Shqiptare agjentet e serbis te veshtir do ta ket rrugen tek ne me shum gropa e pengesa .
Ky lani i xhabijave qenka adhurues i shpellak vicidolit por jo nga xhabijat,ai mini shegeni favorizon Shqiperine e jo te dashurit e vicidolit e dyta bashkon tere shqiptare bashke perjashtua ata si komb kane fene e treta Turqia nuk behet kurr superfuqi se ka kapacitete shume te vogla matriale e shkencore