Te fundit
Myrto Uzuni rrëfehet për mediet në Spanjë: Laja pjatat në Greqi, në Shqipëri s'paguaja dot as 12 euro në muaj
1 Dhjetor 2020, 21:58Sport
TEMA
Performanca e Myrto Uzunit në Champions League nuk kaloi e pa vërejtur në mediat ndërkombëtare. Goli i tij i bukur ndaj Juventusit të “mitit” të tij Cristiano Ronaldo, dhe sfida që e pret tashmë me Barcën e Leo Messit, e kanë shndërruar në protagonistin e një interviste të gjatë me gazetën prestigjioze spanjolle “AS”.
Sulmuesi i krahut i Kombëtares dhe i Ferencvaros cilësohet si “ djaloshi që lante enët dhe donte të ishte si Kristiano”. Një titull aspak tallës, por që pasqyron vështirësitë në jetë të 25-vjeçarit nga Berati.
Në intervistë, Uzuni tregon për femërinë e vështirë në emigracion, ku në Greqi krahas prindërve edhe ai mundohej të ndihmonte duke punuar.
“Shkuam për të pasur një jetë më të mirë në Greqi. Babai im punoi me rrugët ndërsa nëna ishte pjatalarëse në një restorant.
Unë gjithashtu duhej të punoja, i ndihmoja. Punoja 12 orë dhe luaja futboll, edhe pse më duhej të ngrihesha në 6 të mëngjesit.
Kurrë nuk e ndala ëndrrën time”, janë disa nga kujtimet e tij për atë kohë, ku tentoi edhe një provim me Olimpiakos, që nuk u realizua nga mungesa e dokumenteve të rregullta.
Rikthimi në Shqipëri ishte po aq i vështirë për Uzunin adoleshent, në fillimet e karrierës.
“Në Shqipëri nuk ka akademi të mirëfillta, më duhej të paguaja rreth 12 euro në muaj për të shkuar në stërvitje dhe pesë për furgonin që të më dërgonte në ndeshje.
Qaja përditë në shtëpi se nuk i kisha ato para, pagova vetëm 2 muaj me ndihmën e miqve”, tregon ai.
Kristiano Ronaldon, Uzuni e quan pikë referimi edhe për historinë përbashkët. “Kur e takova në Torino ishte si një ëndërr, si momenti kur Morata më përgëzoi për ndeshjen”, rrëfen ai.
Për të ardhmen, Uzuni tregohet me këmbe ne tokë, “ Nuk dua të bëj gabime. Dua vetëm të shënoj dhe të jap asiste. Ëndrrat i kam të mëdha por nuk dua t‘i zbuloj”, tregon shqiptari për “AS”, duke zbuluar edhe se në mars pati kontakte me Espanyol dhe Mallorca, por me pandeminë nuk u konkretizuan. Me siguri dy ekipet spanjolle, janë tashmë penduar.
6 komente në “Myrto Uzuni rrëfehet për mediet në Spanjë: Laja pjatat në Greqi, në Shqipëri s’paguaja dot as 12 euro në muaj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te Urojme Suksese Uzuni, dhe Respekt akoma edhe ne se ke Lare Pjata..puna nuk eshte Turpe…lol
E drejte, puna nuk eshte turp. Uroj qe ne Shqiperi, vecanerisht te rinjte te edukohen me kete moto. Bravo Uzuni, suksese!
Bravo Myrto. Nje gje eshte e vertete se puna dhe vetem puna e palodhur te ben te arrish cdo objektiv.
Tifozet kuq e zi i ke gjithmone si perkrahesit tuaj me te medhenj.
Ne Shqiperi ke klubet e futobollit Partizani, Skenderbeu, Teuta etj.
Ose paguan para ose nese je i mire behesh pjese e ekipit.
Prandaj ja ke fut kot.
Suksese ne karier puno fort qe te arrish aty ku do , kur shoket e ekipit argetohen ti puno , do ja shikosh hajrin djalosh rrespekte na behet qefi per arritjet e tua se te kemi ne ekip komtar te uroj suksese ne karier nje brravo e madhe per ty per veç qe je nje lojtar shum i mir me perspektiv je dhe djal i edukuar dhe serioz rrespekte.
Bravo djale,,,je me kembe ne toke ,fukaralleku nuk eshte turp….lojtaret e medhenj te kuptojne se si ti kane filluar…