Te fundit
Gjykata Kushtetuese: Me emërimin e dy anëtarëve të rinj rinis veprimtaria vendimmarrëse që pas ndërprerjes në mars të vitit 2018
24 Dhjetor 2020, 16:51Sociale
TEMA
Përmes një njoftimi në faqen e saj zyrtare Gjykata Kushtetuese bën me dije se me emërimin e dy anëtarëve të rinj të saj është krijuar kuorumi i nevojshëm ligjor për rinisjen e funksionalitetit dhe veprimtarisë vendimmarrëse që pas ndërprerjes në mars të vitit 2018.
“Sot është një ditë e shënuar për Gjykatën Kushtetuese të Shqipërisë. Me emërimin e dy anëtarëve të rinj të saj krijohet kuorumi i nevojshëm ligjor për rinisjen e funksionalitetit dhe veprimtarisë vendimmarrëse që pas ndërprerjes në mars të vitit 2018.
Ringritja e Gjykatës Kushtetuese ka qenë një kërkesë jetike për vendin, për shkak të rolit dhe kompetencave që ajo ka si garante e Kushtetutës dhe shtetit të së drejtës, në mbrojtje të demokracisë, lirive dhe të drejtave themelore të individit.
Ky proces ka qenë i gjatë e kompleks dhe ka kërkuar bashkëpunimin e shumë institucioneve shtetërore dhe më gjerë.
Gjithashtu një mirënjohje e veçantë shkon edhe për mbështetjen e pakursyer të dhënë nga partnerët ndërkombëtarë për përmbylljen me sukses të këtij procesi.
Gjykata Kushtetuese është e angazhuar të ushtrojë funksionet me integritet dhe qëndrueshmëri për përmbushjen e misionit të saj kushtetues, duke pasur besimin e plotë të kapërcimit të sfidave që janë përpara saj, në respektim të vlerave dhe standardeve me të rëndësishme kushtetuese.”- thuhet në njoftimin e Kushtetueses. (TemA)
1 komente në “Gjykata Kushtetuese: Me emërimin e dy anëtarëve të rinj rinis veprimtaria vendimmarrëse që pas ndërprerjes në mars të vitit 2018”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pas shume perpjekjeve me ne fund Meta-Berisha kane shumicen ne gjykaten kushtetuese,drejtesia per shqiptaret do vendoset nga e pavetinguara ,dashnorja e Enkeled Alibeut, Xhaferrllari.Luftuam po “fituam”!