Te fundit
Basha premton mbylljen e legalizimeve, ish-pronarët i rrëzojnë 'ligjin'. Vorpsi: Është i dështuar, "gropos" financat e shtetit. Rishikojeni
28 Shkurt 2021, 13:12Politika
TEMA
Partia Demokratike prezantoi sot programin për pronat ku të pranishëm ishin edhe përfaqësuesit e shoqatave të ndryshmeve të ish-pronarëve.
Kreu i shoqatës “Pronësi me Drejtësi”, Myrshit Vorpsi është ndaluar gjatë fjalës së tij në çështjen e legalizimeve, ku sipas tij, uzurpuesit e pronave bëhen pronarë.
“Pika e fundit fare që ndoshta duhet të them është edhe ndjeshmëria në raport me ligjin e legalizimeve.
Dua ta shmang pjesën politike të trajtimit të këtij problem sepse është e kotë që ta diskutojmë, por them që në pikëpamje ekonomike, ai ligj është i dështuar, është i dështuar, sepse është e pamundur që shteti shqiptare, të trajtojë me çmime preferenciale, personat që kanë përftuar tokat, në kuadër të ligjit të legalizimeve, dhe nga ana tjetër të marri përsipër, me ligj si detyrim, që të dëmshpërblejë pronarët shqiptarë me faturën e plotë.
Fatura financiare që do të prodhojë ligji i legalizimeve me këtë skemë që kemi, do të jetë e tillë që do të groposi financat e shtetit shqiptarë. Është emergjente, ndoshta mendojë unë dhe e domosdoshme që ju si forcë politike ta rishikoni këtë pjesë”, tha Vorpsi.
Kryedemokrati Lulzim Basha gjatë prezantimit të programit të PD-së premtoi mbylljen e procesit të legalizimeve.
“Ne angazhohemi që në përfundimin e procesit të legalizimit të filluar prej vitesh duke i garantuar pronarëve kompensimin e plotë dhe të drejtë të pronës, të bëjmë të mundur plotësimin e një prej objektivave të këtij ligji.
Fondi i kompensimit të legalizimit do të jetë më vete, në zbatim të ligjit të pronës. Sot shqiptarët zotërojnë prona që nuk janë të sigurta”, theksoi Basha.
Ligji i Legalizimeve u miratua fillimisht në vitin 2004, gjatë qeverisjes së PS-së dhe më pas gjatë qeverisjes së PD-së, në vitin 2006, iu hap rrugë legalizimit masive, dhe zgjeruar skemën e përfituesve.
Ende e kësaj dite vijon procesi i legalizimit, pasi qeveria socialiste ka shtuar afatet për ato ndërtime pa leje që futen në skemën e legalizimit dhe në bregdet apo në fshatrat turistike.
1 komente në “Basha premton mbylljen e legalizimeve, ish-pronarët i rrëzojnë ‘ligjin’. Vorpsi: Është i dështuar, “gropos” financat e shtetit. Rishikojeni”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Gjithmone para zghedhjeve Berishistet e PD premtojne duke pranuar gabimin me ligjin akoma ne fuqi 7501 qe do te rishikojne problemin e pronave me pronaret e vertete.Premtime qe prej 30te vitesh perseritet me te njejtin refren nuk eshte e veshtire te kuptosh urrejtjen qe keta politikane kane ndaj ish pronareve duke pervetesuar vjedhur me nje kusari te pa pare pronat shembullin e kusarise e kane dhene te paret kryetaret e Qeverive duke undjekur nga te paskrupullit Deputete me pa piken emorali kryeministri ne fuqi ngriti A K K P.Keto zyra u krijuan per ti lodhur pronaret per mos te ja njohur te drejten qe i takon kryeministri ne fuqi i drejtohet Europes qe qeveria ne pushtet i ka plotesuar pikat qe i kerkohen ky nuk ben gje tjeter vetem se i prezantohet Botes qe ky vend ka nje kryeminister te pandergjegjeshem te pa pergjegjeshem genjeshtar dhe Dallkauk. Por populli jone nje popull i vecante Bujar duhet qe ne keto votime ti japi shqelmin kesaj klase politike qe i ka marre frymen per 30 vite duke larguar rinine e shkolluar dhe duke i drejtuar ne rrugen me te pa pranueshme te rrezikeshme te droges trafikimit te njerezve dhe ky eshte realiteti Vendit tone sot