Te fundit
Zheji: Rama po përdor karremin, Shqipëria po shkon për lesh e pambuk. Ja ç'na pret në mandatin e tretë
10 Mars 2021, 19:30Politika
TEMA
Duke komentuar ironitë që kryeministri Edi Rama ka bërë ndaj disa prej figurave të opozitës, analisti i njohur Artur Zheji, e konsideron një strategjike taktike të kreut të qeverisë.
Sipas tij, Rama kërkon të përdorë të gjitha mjetet për të arritur qëllimin e tij. Zheji thotë në “Abc” se slogani i PS-së, “Shqipëria e ardhmja jonë” në të vërtetë është Shqipëria e ardhmja e Ramës.
Artur Zheji: Rama gjithmonë ka thënë se di të ndajë politikën nga thashëthemi dhe skenën nga prapaskena. Kur ai futet me kokë në prapaskenë dhe hap çdo lloj prapaskene, merret me Dash Shehin që pi raki, merret me Metën që nxjerr duke pirë një gotë verë. Nuk është i keq Rama në këtë që bën, është teknik.
Kush e merr dhe nuk bie në pasionin për të reaguar në mënyrë imediate ka rënë në rolin e tij, pra është karrem. Ndoshta është shtuar pesha e njerëzve që shikojnë punën e tyre. Më përpara, njerëzit shikonin punën e tyre dhe Shqipëria shkonte për lesh, ndërsa tani Shqipëria shkon edhe për lesh edhe për pambuk.
Ai bën antiopozitarizmin, atë që ka bërë. Ai është kundra vetes. Na goditi tërmeti, na goditi pandemia. Në 4 vitet e para thotë mbusha gropat e Saliut. Sapo fillova të ngre pallatin nga gropa (pallate ka ngritur shumë), por pallatin e qeverisë, fap goditi tërmeti, fap pandemia. Si do të më lini mua thotë të bllokuar?
Nuk e dini çfarë ju pret nga mandati i tretë! Pse nuk bëheni kuriozë thotë të më shikonin edhe për mandatin e tretë. Pra, ai përdor të tëra mjetet dhe kërkon të fusë kundërshtarët në këtë lojë politike. Por, tani kundërshtarët janë zgjuar. Rruga për të shmangur varfërinë është rruga që ai propozon për vepra të mëdha. Paranoja në vetvete është një gjë e bukur.
Të bën ta shtysh jetën me sikur. Pra t’i mendon se tjetri ka vendosur në lëvizje gjithë ato gurë shahu. Pra ti i vesh të tjerëve supozimin tënd se ata po merren me ty për të të shkatërruar, kjo është paranoja. Në pjesën artistike, paranoja është e bukur. Unë mendoj se edhe Rama e përdor këtë pjesë.
Njerëzit duan të shohin komedi të heqin stresin dhe Rama thotë po më keni mua. Është si një bukëpjekës që jep ëmbëlsira, doni lugë të zbrazura. Një aeroport këtu, një aeroport atje, një port gjigant 2 miliardë atje. Shqiptarët ikin, do vijnë nga njerëz nga Bangladeshi, Mozambiku.
Slogani “Shqipëria e ardhmja jonë”, është e ardhmja e tij. Çështja është që ky llastim që ai bën vetes, çfarë na bën ne shqiptarëve. Ai është shkëputur kaq shumë nga realiteti, ndonëse e prek realitetin, saqë është i përqendruar vetëm tek vetja e tij.
Ai trajton veten në mënyrë spektakolare si ato gratë që kur kalojnë menopauzën shkojnë vazhdimisht në permanent, ndryshojnë flokët, tërheqin lëkurën, qafën sepse duan të mbeten të reja me çdo kusht dhe ky do të mbetet i ri dhe joshës me çdo kusht.
3 komente në “Zheji: Rama po përdor karremin, Shqipëria po shkon për lesh e pambuk. Ja ç’na pret në mandatin e tretë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Artur Zheji. Ik ore bajge.
Ky është një zorrë mbushur me urrejtje….
Dhe “çeshtja që ky llastim që ai i bën vetes, çfarë na bën ne shqiptarëve”, nuk shkon Zheji. Dhe e di pse? Se ti s’je shqiptar si unë dhe unë s’jam shqiptar si ti. Prandaj mos merr përsipër dhe mua se s’më gré dot, Zheji. Ti përfaqëson gazetarët si Andin, Shkullakun, Bejtjen, Sonilën , Lubonjën dhe shumica pa rruar sikur jeni në zi që kur keni lindur, Lelën po deshe dhe shumë të tjerë; ata janë shqiptarët e tu dhe ti je i atyre. Ju e ndatë vetë veten nga ne (ata që janë si unë) sepse u pëlqente dhe vazhdon tu pëlqejë me sy hapët krimi, vjedhja, kurvëria, thashethemet pa vend e me vënd, pra juve ju pëlqen anarshia dhe jo liria. Edi Rama ju ka bërë zap duke ju lënë kaq të lirë sa nuk u avar fare dhe ju jeni bërë si një grykë gjyrizi që qelbët dhe infektuat më shumë se corona shumë tjerë. Tani lerini të qetë njerëzit të shprehen më 25 prill se në këtë pushtetin e katërt nuk u kanë vendos ata me votë, por u a keni rrëmbyer ju si “hajdutë” që jeni. Dhe mos na përgjithëso se unë s’pranoj të jemë si ti.