Te fundit
Brataj: Pacientët me Covid po qëndrojnë më pak në spital, mesatarisht 3 të shtruar çdo ditë
16 Maj 2021, 17:05Sociale
TEMA
Mesatarisht çdo ditë në spitalet Covid shtrohen 13 pacientë. Shefi i urgjencës kombëtare Skënder Brataj thotë se prej tyre, afërisht 3-4 qytetarë shtrohen në dy spitalet Covid në kryeqytet.
“Ne kemi të shtruar pothuajse çdo ditë. Janë tre në tiranë dhe të tjerët në spitalet rajonalë. Nuk ka shkuar zero numri i të shtruarve në spital. Çdo ditë zbresin numri i te shtruarve në spital në total”.
Sipas Bratajt tashmë të infektuarit me Covid që shtrohen në spital qëndrojnë më pak se dy javë, ndryshe nga kulmi i pandemisë para 2 muajsh.
“Fakti që shtrohen 14-15-10-12 dhe bie numri, është sepse këta persona nuk qëndrojnë më gjatë siç qëndronin më përpara në spital. Nëse vala e Shkurt – Marsit shkonte në tre javë tani ka zbritur poshtë dy javëve për format e rënda”.
Prej 2 ditësh në spitale nuk raportohet për persona të intubuar. Një lajm pozitiv ka edhe për frikën nga mutacionet e tjera të Covid dhe fundin e pandemisë.
“Viruset nuk kanë një pamundësi mutacionesh. Këto 18 muaj ai i ka shprehur mutacionet e mundshme dhe pandemia është drejt zhdukjes. Deri sa kemi të shtruar akoma dhe humbje jete njerëzit duhet të dinë që pandemia është akoma e rrezikshme”.
Por deri në përfundim të pandemisë, ekspertët rekomandojnë të mos neglizhohen masat si mbajtja e maskës dhe distancës në ambiente të mbyllura. Sipas tyre, barometri kryesorë i pandemisë janë shtrimet në spital dhe viktimat, të cilat ende janë prezent në Shqipëri.
1 komente në “Brataj: Pacientët me Covid po qëndrojnë më pak në spital, mesatarisht 3 të shtruar çdo ditë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
M’duket se po ju rreshket vaksinimi.Vaksinat kineze po mbarojne,konfuzion tek sheshi Skenderbej,qendra vaksinimit sot u mbyll ne ora 14 pa njoftim paraprak,ne ambulancat e lagjeve vaksina nuk ka.Te moshuarit ngelen gafil,nuk kemi- thane per dozen e 2,ato qe e kane bere te paren ne lagje-thonin-nuk ja bejme te dyten ketu,shkoni tek ambulanca lagjes,nderkohe atje ka dite qe s’ka,nje fare percjellje me nje fjale.
Problemi eshte pse nuk lajmeroni,mos te shkojn pleqt te rraskapiten kot.