Te fundit
STUDIMI: Bien ndjeshëm investimet kineze në Europë
16 Qershor 2021, 10:28Bota
TEMA
Sipas një studimi, investimet e Kinës në Europë ishin dukshëm më të ulëta vitin e kaluar sesa në vitet e mëparshme.
Sipas një rishikimi të përbashkët nga ”Rhodium Group” dhe instituti ”Merics” në Berlin, investimet e drejtpërdrejta të Kinës në Bashkimin Europian dhe Britaninë e Madhe ranë 45% nga viti në vit, në 6,5 miliardë euro (7,8 miliardë dollarë).
Ato thonë se këto shifra shënojnë nivelet më të ulëta në 10 vjet.
Gjermania, Franca dhe Britania e Madhe mbeten vendet më të rëndësishme të synuara në Europë për investime të drejtpërdrejta nga Kina, me Gjermaninë në krye.
Britania, në vendin e tretë, regjistroi një rënie prej 77% të investimeve direkte nga Kina.
Ndërkohë, Polonia u bë një marrës i ri i madh vitin e kaluar me një rritje blerjeve të mëdha.
”Trendi duket se do të vazhdojë këtë vit, me investimet kineze që bien më tej në tremujorin e parë”, vëren studimi.
”Europa është ende një vend tërheqës për investime, por pandemia, pengesat e larta për daljet e kapitalit nga Kina dhe pengesat kryesore rregullatore në Europë, kanë kontribuar në një zhvendosje të dukshme në nivele më të ulëta të investimeve kineze”, sipas studimit.
Lini një Përgjigje
Më të lexuarat
24 oret e fundit
Javen e fundit
Blog Tema
