Te fundit
“Diego Armando Broja, harrojeni Haaland”, te Chelsea të dashuruar me 19-vjeçarin
28 Korrik 2021, 12:51Sport
TEMA
Armando Broja realizoi një tjetër gol me Chelsea mbrëmjen e kaluar. Sulmuesi shqiptar u fut në fushë në pjesën e dytë në miqësoren e fituar 2-1 nga Bournemouth, dhe zhvilloi 45 minuta shumë pozitive.
Në minutën e 72-të barazoi momental rezultatin me golin e tij. 19-vjeçari stopoi bukur një top të ardhur nga krahu i majtë dhe e dërgoi atë në rrjetën e ekipit kundërshtar.
E dyta sfidë miqësore me Chelsea, dhe i dyti gol për Brojën, i cili ka fituar menjëherë dashurinë e tifozëve të kampionëve në fuqi të Champions League.
Komentet për djaloshin e talentuar nga Malësia e Madhe, kanë qenë shumë pozitive. Elozhe pafund në rrjetet sociale për Brojën, i cili shpreson të qëndrojë me ekipin e parë sezonin e ardhshëm.
“Fantastik dhe e ardhmja e klubit tonë” e cilësojnë lojtarin shqiptar tifozët e Chelsea. Një tjetër e quan si Giroud i ri, teksa të gjithë bien dakord që Broja është më i mirë se Abraham.
“Është vetëm 19 vjeç, por ka fizikun e Diego Costa“, ndërsa një tjetër shkruan: “Kujt po i plas për Haaland, ne kemi Brojën“. “Harrojeni blerjen e Haaland, jepini një shans djaloshit shqiptar“, shkruan një tjetër.
“Është një bishë brenda zonës kundërshtarë“, vijojnë tifozët e Chelsea, ndërsa ka edhe komente të tilla si: “Çfarë talenti, Broja është Drogba i ri“, por edhe “Diego Armando Broja“…
3 komente në ““Diego Armando Broja, harrojeni Haaland”, te Chelsea të dashuruar me 19-vjeçarin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zoti e ndihmofte Armandon,ne Britani ka dhe Shqiptar te mire e fisnik qe per ta ka nevoje kombi ,dhe jo per Shqiptaret e shtepi e te barit qe ja nxin emrin kombit.
Kiko-jane gazetat qe i nxijne shqiptaret, pasi shumica e tyre jetojne me djersen e ballit. Kriminele e maskarenj ka nga cdo komb, por ata nuk e perfaqesojne kombin te cilit i perkasin. Kriminelet nuk kane kombesi. Jane krimba qe rriten ne llum dhe vdesin po ne llum.
I uroj Armandos dhe te gjithe djemve e vajzave tona jete te gjate dhe sa me shume suksese.
Ju lutem zoterinj gazetare,
Desheroj te kuptoj se kush e ka fituar kete ndeshje.
Ne kete artikull ju shkruani se, “…ne miqesoren efituar 2-1 nga Bournemouth..”.
Kurse ne artikullin tjeter pak me poshte “Tuhel flet per Armando Brojen…” eshte shkruar: “Keshtu nisi permbysja e rezultatit per londinezet, me Ugbo qe vendosi shifrat 2-1.” (?!)