Te fundit
Lindita Nikolla zgjidhet kryetare e Kuvendit, merr vota edhe nga opozita. PD braktis sallën
10 Shtator 2021, 18:35Politika
TEMA
Me 79 vota pro dhe 4 kundër Lindita Nikolla është zgjedhur kryetare e Kuvendit të Republikës së Shqipërisë. Deputetët e rinj kanë miratuar kandidaturën e propozuar nga kreu i Partisë Socialiste Edi Rama për postin e kryetares së Kuvendit.
Në votim kanë marrë pjesë 137 deputetë, nuk morën pjesë 3 deputetë.
Në seancën parlamentare të orës 17:00 të drejtuar nga deputetja më e vjetër në moshë Luljeta Bozdo, u betuan 140 deputetët e rinj, pas miratimit të emrave të tyre nga Komisioni i Verifikimit të Mandateve.
Në momentin kur po votohej për Lindita Nikollën në postin e kryetares së parlamentit, opozita ka grisur fletët e votimit në shenjë proteste dhe për të evituar rrjedhjen e votave, ndërsa Sali Berisha i përjashtuar tashmë nga grupi i PD-së u largua nga salla dhe nuk mori pjesë në votim.
Por ndryshe kanë vepruar aleatët e tjerë të demokratëve. Kreu i PBDNJ Vangjel Dule ka zgjedhur të ushtrojë të drejtën e votës, ndërkohë që diçka e tillë u vu re edhe nga Monika Kryemadhi, Flamur Çela dhe Erisa Xhixho të LSI-së.
Ndërkohë LSI ka sqaruar se 4 votat e deputetëve të saj kanë qenë kundër zgjedhjes së Lindita Nikollës Kryetare Kuvendi.
1 komente në “Lindita Nikolla zgjidhet kryetare e Kuvendit, merr vota edhe nga opozita. PD braktis sallën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
4 votat e LSI -se kundra zgjedhjes se kryetares se re te Parlamentit ???? Na plasi kari , e kush i llogarit ata bajgarace …..