Te fundit
Kërkohet ndryshimi i emrit të Zelandës së Re
15 Shtator 2021, 21:50Lifestyle
TEMA
Partia Maori në Zelandën e Re, ka bërë një peticion në të cilin kërkon ndryshimin zyrtar të emrit të shtetit, në Aotearoa. Peticioni gjithashtu i kërkon Parlamentit që të rivendosë emrat e qyteteve në gjuhën Maori.
“Gjuha Te Reo Maori duhet të ishte rivendosur me kohë në vendin që i takon, pasi është gjuha e parë e këtij vendi. Ne jemi një shtet polinezian, ne jemi Aotearoa”, shkruhet në peticion, ku kërkohet që këto ndryshime të kryhen brenda vitit 2026.
Në deklaratën e Partisë Maori thuhet se numri i personave që flisnin rrjedhshëm gjuhën vendase ra nga 90% në vitin 1910, në 26% në vitin 1950. “Në vetëm 40 vite, Kurora arriti të na heqë gjuhën dhe po e ndjejmë ende sot impaktin e këtij veprimi”, shkruhet në deklaratë. Sot, në Zelandën e re, sipas Partisë Maori, vetëm 3% e njerëzve flasin gjuhën e popullsisë indigjene. Deri tani, peticioni ka marrë mbi 12 mijë firma.
Kryeministrja e Zelandës së Re, Jacinda Ardern, nuk ka komentuar publikisht mbi peticionin, por ai është kundërshtuar nga lideri i partisë ACT, David Seymour. Në vitin 2020, Ardern pati deklaruar se përdorimi i termit Aotearoa ishte pozitive, por ndryshimi zyrtar i emrit nuk ishte marrë në konsideratë nga autoritetet.
2 komente në “Kërkohet ndryshimi i emrit të Zelandës së Re”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si në çdo gjë, koha sjell ndryshimet e saj. Ajo që dikur ishte Aoteaora, sot me plot të drejtë quhet Zelanda e Re. Jeta ecën përpara, gjithçka e mbetur pas i përket historisë.
Edhe ti Qerrim Katunari i perket historise …