Te fundit
“Si mund të mësohet pa praktikë?", studentë e pedagogë apelojnë për vaksinim para fillimit të vitit të ri akademik
17 Shtator 2021, 17:16Sociale
TEMA
Studentë e pedagogë të universiteteve në vend apelojnë për vaksinimin e kolegëve të tyre.
Në një video mesazh, ku e pranishme është dhe ministrja e Arsimit dhe Sportit, Evis Kushi, ata theksojnë rëndësinë e imunizimit ndaj Covid 19, në mënyrë që viti i ri akademik të zhvillohet në auditore, me prani fizike.
Kushi foli për “sakrificën e madhe të vitit të kaluar me mësimin ‘online’ ” dhe falenderoi studentët e pedagogët “për durimin dhe mirëkuptimin e treguar nga ana e tyre në të gjitha universitetet për bashkëpunimin dhe përshtatjen në një kohë rekord me kushtet e reja”.
“E ndërkohë sot, fatmirësisht kemi një situatë krejt tjetër. Edhe pse lufta me pandeminë vazhdon, procesi i vaksinimit masiv po na ndihmon të shkojmë drejt normalitetit në shumë fusha të jetës, përfshirë edhe arsimin, ku tashmë shumica e mësuesve, pedagogëve e studentëve në të gjithë vendin i janë bashkuar çdo ditë e më shumë kësaj fushate. Nëse dje, mbyllja e auditorëve ishte një emergjencë shëndetësore, sot hapja e tyre është po aq e rëndësishme dhe e domosdoshme”, shprehet ministrja.
Më tej, sqaroi se “testi periodik PCR mund të jetë një opsion i pranueshëm, por unë rekomandoj me shumë këmbëngulje vaksinimin si zgjidhjen më të mirë për të gjithë ne“.
1 komente në ““Si mund të mësohet pa praktikë?”, studentë e pedagogë apelojnë për vaksinim para fillimit të vitit të ri akademik”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pedagoget a i keni te vaksinuar? Atehere pse duhet te rinjte? Pandemia e provoi se virusin e tipit virus i hedhur te rinjte mund ta perballojne ate. Dhe jo vetem ata por te gjitha moshat. Puna eshte se virusi i hedhur prek ne menyre te heshtur mushkerite. Atehere ngrini pika te radigrafive te mushkerive , pa humbur kohe ilacet dhe ia hedh. Mos i mbysni njerezit me vaksina.