A do dalë Evi Kokalari, në protestën e sotme të Sali Berishës?

“Një mbështetëse e zjarrtë e “Ballkanit të Hapur” është anëtare e “Komisionit të Rithemelimit të PD. A do dali në protestën e thirrur nga Berisha?”

Kështu shkruan ish-drejtuesi i Vetëvendosjes në Tiranë, Boiken Abazi, duke iu referuar Evi Kokalarit, e cila sot për sot është kthyer në krahun e djathtë të Sali Berishës, në lëvizjen e tij anti-amerikane.

Shkrimi i Abazit

Prej shpalljes së pavarësisë së Kosovës, aksionet protestuese në Shqipëri kundër politikave ekspansioniste të Serbisë në rajon i nisi Lëvizja Vetëvendosje!, më 8 maj 2019, në vizitën e Vuçiçit në Tiranë.

Motivet dhe synimet tona ishin të pastra: dëshironim të rrisnim vetëdijen në Shqipëri mbi faktin se Serbia nuk kishte ndryshuar dhe se Shqipëria e Kosova duhet të kishin një politikë të jashtme të përbashkët, veçanërisht përball Serbisë e për të zbrapsur përpjekjet e saj për ekspansion në kurriz të shqiptarëve dhe popujve të tjerë të Ballkanit.

Kërkuam drejtësi për gjenocidin në Kosovë të kryer nga qeveria ku Vuçiç ka qenë ministër informacioni. Kërkuam kthimin e të pagjeturve, dëmshpërblimet e luftës, njohjen e pavarësisë së Kosovës dhe kërkimfalje nga ana e Serbisë.

E shpallëm Vuçiç “non-grata” në Shqipëri dhe kërkuam bashkim kombëtar. Aksionet protestuese me të njëjtat kërkesa i përsëritëm edhe në vizita të tjera të Vuçiçit në Tiranë.

Qendra e Lëvizjes Vetëvendosje në Shqipëri aktualisht ka mbetur pezull, dhe si duket mund të ketë nevojë të gjenden mënyra të tjera për të mbrojtur të njëjtat kauza.

Sali Berisha ka thirrur protestë kundër “Open Balkan”, që zhvillohet nesër gjatë vizitës së Vuçiçit në Tiranë.

Është e qartë se kemi të bëjmë me të njëjtin Berishë që e mbështeti “Open Balkan” në shtator të vitit të kaluar në pseudo-marrëveshjen e Ëashingtonit, kur këtë marrëveshje e çoi përpara Presidenti Trump bashkë me Richard Grenell.

Është e qartë se Berisha nuk e hedh poshtë atë pseudo-marrëveshje ku Kosovës iu imponua “Open Balkan”, sepse Richard Grenelli me Evi Kokalarin i kanë premtuar Berishës se do ia anulojnë statusin “non-grata” nëse Trump rikthehet në pushtet.

Por ata nuk kanë premtuar se do anulojnë “Open Balkan” nëse Trump rikthehet në pushtet.

Është pra e qartë se më shumë sesa kundër Serbisë e për bashkim kombëtar, Berisha këtë protestë po e zhvillon për të mbrojtur veten dhe familjen që i është shpallur “non-grata”, për të rritur legjitimitetin përballë Bashës e Ramës, e për të treguar se opozitën në Shqipëri tashmë de facto e drejton ai.

Po mos të ishte kështu, po mos ta kishte hallin te “non-grata” ndaj tij, atëherë tashmë Berisha do duhej të ishte distancuar edhe nga Grenelli dhe enturazhi i tij, si Evi Kokalari, që janë mburrur për marrëveshjen e Ëashingtonit e për “Open Balkan” – por këtë të fundit e futi madje në minutë të fundit edhe në “Komisionin e Rithemelimit” të PD-së.

Duke i patur të gjitha këto të qarta, megjithatë, Vuçiç po vjen nesër në Tiranë bashkë me politikat e tij ekspansioniste, dhe tjetër protestë ndaj tij nuk është thirrur përveç asaj që ka thirrur Sali Berisha kundër binomit “Rama-Vuçiç”.

Kështu, shqiptarët mbeten sërish në dilemën e pjesëmarrjes ose jo në një protestë të drejtë të organizuar e drejtuar nga njerëz me motivet e gabuara.

Dhe për këtë, fajin e kemi vetë!

Berisha thotë se “nuk ka prova” që ai është i korruptuar, ky investigim i 2014-s tregon si u bë milionere vajza e tij Argita

09:30 Politika

Gazmend Kapllani: Ajo që po ndodh në PD, është tragjedi për vendin

09:25 Politika

Basha-Berisha, nga përplasja vijnë në përplasje shkojnë

09:17 Politika

Saliu e urren ligjin, por urren më shumë Shqipërinë dhe shqiptarët

19:44 Politika

E vërteta e klounit plak Sali Berisha dhe faji i atyre që e mbështesin në këtë cirk të madh me shqiptarët

19:15 Politika

Kulti ultra i dhunshëm që u shndërrua në një mafia globale

21:15 Politika

Qetësia para stuhisë në Selinë Blu: Të hënën Basha ratifikon përjashtimin e Berishës dhe zëvendëson të larguarit, Berisha mban protestë

20:30 Politika

“Open Balkan”, zbardhet agjenda e takimit në Tiranë

16:00 Politika

Basha mesazh për demokratët: Duhet të vazhdojmë rrugën! Qëllimi ynë, rrëzimi i Ramës

15:41 Politika

Montazhi dhe sulmi i Berishës, Alibeaj: Metoda bolshevike dhe mentalitet enverist, kështu po manipulon demokratët prej muajsh

15:29 Politika