Te fundit
Izraeli, sulm ajror ndaj portit sirian
28 Dhjetor 2021, 21:50Bota
TEMA
Izraeli ndërmori të martën një sulm ajror në portin kryesor të Sirisë, Latakia, i dyti i këtij lloji brenda muajit, tha ushtria siriane, duke i vënë flakën zonës së ë kontejnerëve ku dy burime të portit thanë se Irani mbante municione.
Një zëdhënës i ushtrisë izraelite nuk pranoi të komentonte duke thënë: “Ne nuk komentojmë mbi raportimet e huaja.”
Njoftimet zyrtare siriane nuk përmendnin viktima. Një burim me dijeni për operacionet e portit tha se sulmi goditi një zonë kontejnerësh ku ishin ruajtur ngarkesa të mëdha municionesh iraniane që kishin mbërritur muajin e kaluar.
Agjencia shtetërore siriane e lajmeve SANA citoi kreun e ekipit të zjarrfikësve të Latakias të thoshte se kontejnerët e vënë në shënjestër në sulm kishin vajra dhe pjesë këmbimi për makineritë dhe makinat.
Izraeli ka kryer sulme të shpeshta kundër, siç shprehet, objektivave iraniane në Siri, ku forcat e mbështetura nga Teherani të udhëhequra nga Hezbollahu i Libanit janë dislokuar gjatë dekadës së fundit në mbështetje të presidentit Bashar al-Assad në luftën civile të Sirisë.
Ministri izraelit i Mbrojtjes Benny Gantz, duke vizituar një bazë të forcave ajrore izraelite nuk foli për incidentin specifik të martën, por paralajmëroi se vendi i tij nuk do të lejonte që Irani të përdorte Sirinë për të kërcënuar Izraelin.
3 komente në “Izraeli, sulm ajror ndaj portit sirian”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hallall!
Cfare do kishte ndodhur sikur Rusia te kish bombarduar ndonje porte te huaj. !?
Nqse bota perendimore nuk do ti denonte keto sulme, nuk do beheshin gjithmone ne festa te fundvitit.