Rruga e vështirë e afganëve drejt SHBA-ve

Që nga muaji Gusht, mijëra refugjatë afganë janë zhvendosur në SHBA. Kalifornia mban përqendrimin më të madh të refugjatëve dhe emigrantëve afganë dhe është ndër pesë shtetet që ka pritur 80% të refugjatëve afganë. Shtete të tjera përfshijnë Teksas, Virxhinia, Uashingtoni dhe Maryland. Nga ana tjetër, zyrtarët federalë të emigracionit kanë refuzuar kërkesat e qindra afganëve për hyrje të përkohshme në Shtetet e Bashkuara për arsye humanitare.

Aktivistët e emigracionit thonë se administrata e Presidentit Biden nuk e ka mbajtur premtimin për të ndihmuar afganët e lënë mbrapa pas tërheqjes së trupave amerikane dhe rënies së vendit në duart e talebanëve. Që nga tërheqja e trupave amerikane, zyrtarët e emigracionit thonë se kanë pranuar mbi 35 mijë aplikacione bazuar në rregullin e pranimit të emigrantëve për arsye humanitare. Prej tyre, rreth 470 aplikime janë refuzuar dhe më pak se 150 janë miratuar. Ky rregull pak i njohur është rezervuar për emergjenca ekstreme, kur shqyrtimi i aplikimeve për viza të rregullta nuk është një alternativë dhe kur të huajt kanë nevojë të hyjnë shpejtë në vend.

Programi pak i njohur, i cili nuk ofron një rrugë drejt qëndrimit të përhershëm në vend, zakonisht merr më pak se 2,000 kërkesa çdo vit nga të gjitha kombësitë, nga të cilat AgjenciAamerikane e Emigracionit miraton mesatarisht rreth 500. Pranimi i njerëzve bazuar në dispozitën humanitare është përgjithësisht i rezervuar për emergjencat ekstreme dhe nuk synon të zëvendësojë procesin e pranimit të refugjatëve, “që është rruga tipike për individët jashtë Shteteve të Bashkuara që kanë ikur nga vendi i tyre i origjinës dhe kërkojnë mbrojtje”.

Ndërkohë, qeveria amerikane vazhdon të ndihmojë afganët e pambrojtur, duke evakuuar më shumë se 900 shtetas amerikanë dhe 2200 afganë të tjerë që nga tërheqja e trupave amerikane nga Afganistani. Departamenti i Shtetit tha se pret të ndihmojë në sistemimin e rreth 95,000 njerëzve nga Afganistani këtë vit fiskal, një proces që përfshin kontrolle rigoroze të biografisë dhe gjendjes shëndetësore.

Rritet numri i fëmijëve të shtruar në spitale për shkak të COVID-19 në SHBA

13:41 Bota

Fakti që nuk besoni tek teoritë konspirative nuk do të thotë se keni gjithmonë të drejtë

13:28 Bota

Ish-presidenti afgan rrëfen tmerrin e para disa muajve: Si më rrethuan talebanët

12:51 Bota

VIDEO: Viti i Ri 2022 mbërrin në Zelandën e Re

12:36 Bota

Izraeli miraton dozën e katërt të vaksinës

11:40 Bota

Kancelari gjerman: Duhet të jemi më të shpejtë se virusi

10:59 Bota

VIDEO: Protestuesit australianë i venë flakën parlamentit të vjetër

10:45 Bota

2022 “nën hijen” e Omicron, si feston planeti në pandemi

10:49 Bota

Studimi në SHBA: Vaksina Pfizer shkaktoi efekte anësore te fëmijët 5-11 vjeç

10:33 Bota

“Financial Times”: Kështu frenohet uria e Vladimir Putinit

10:32 Bota