Te fundit
Britania akuza Rusisë: Përpjekje për qeveri 'kukull’ të Moskës në Ukrainë
23 Janar 2022, 20:30Bota
TEMA
Britania ka akuzuar Kremlinin se po kërkon që të vendosë një udhëheqës pro-rus në Ukrainë. Ministria e Jashtme e Britanisë së Madhe nëpërmjet një deklarate theksonte se kishte informacione se qeveria ruse po ndihmonte ish-deputetin ukrainas Yevhen Murayev të vendosej në krye të një qeverie pro-ruse.
Londra nuk dha asnjë provë lidhur me këtë çështje, por një burim i agjencisë së lajmeve ‘Reuters’ në Ministrinë e Jashtme e Mbretërisë së Bashkuar tha se “nuk ishte praktikë e zakonshme të ndaheshin informacionet e zbulimit dhe se detajet nuk do të ishin më sekrete, vetëm pas shqyrtimit të kujdesshëm, në mënyrë që të pengohej një agresion rus”.
Mbretëria e Bashkuar tha gjithashtu se kishte informacion se shërbimet ruse të zbulimit po mbanin lidhje me disa ish-politikanë ukrainas, përfshirë figura të larta të lidhura me ish-Presidentin Viktor Janukoviç, i cili u largua për në Rusi në 2014, pas tre muajsh protestash.
Ish-deputeti ukrainas Yevheniy Murayev, i cili sipas zbulimit britanik konsiderohet si njeriu i zgjedhur nga Moska për të udhëhequr qeverinë pro ruse në Ukrainë, reagoi duke thënë se “koha e politikanëve pro-perëndimorë dhe pro-rusë në Ukrainë ka përfunduar përgjithmonë”.
Ministria e Jashtme e Rusisë reagoi gjithashtu duke i hedhur poshtë pretentimet e autoriteteve britanike.
“Dezinformimi i përhapur nga Ministria e Jashtme britanike është më shumë dëshmi se janë vendet e NATO-s, të udhëhequr nga anglo-saksonët, ato që po përshkallëzojnë tensionet rreth Ukrainës”, tha zëdhënësja e Ministrisë së Jashtme ruse, Maria Zakharova.
Komentet e zyrtarëve britanik vijnë në një kohë kur diplomatët e lartë amerikanë dhe rusë nuk kanë arritur një marrëveshje mbi krizën. Rusia ka grumbulluar më shumë se 100 mijë trupa në kufirin e saj me Ukrainën, por këmbëngul se nuk ka plane për ta sulmuar atë.
Rusia ka parashtruar disa kërkesa ndaj SHBA-së, përfshirë ndalimin e zgjerimit të NATO-s drejt lindjes dhe një zotim se Ukraina nuk do të lejohet kurrë të bashkohet me aleancën ushtarake perëndimore, gjë që Uashingtoni e ka cilësuar të papranueshme.
Presidenti Joe Biden e kaloi ditën e shtunë në vendpushimin presidencial, “Camp David”, me ekipin e tij të lartë të sigurisë kombëtare për të diskutuar mbi situatën në Ukrainë.
Një zyrtar i Shtëpisë së Bardhë tha se diskutimet përfshinin përpjekje për të ulur tensionet përmes diplomacisë si dhe për të ndërmarrë masa parandaluese të koordinuara ngushtë me aleatët dhe partnerët, përfshirë ndihmë për Ukrainën lidhur me çështje të sigurisë.
2 komente në “Britania akuza Rusisë: Përpjekje për qeveri ‘kukull’ të Moskës në Ukrainë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po edhe mundet ,po kjo qe eshte tani, qeveri “dordolec” e kujt eshte ???? Kukllen po e marrim vesh qe eshte babushka .
Plani i krimineleve te Kremlinit eshte pasi te sulmoje Ukrainen nga Bjellorusia, rruga me e shkurter drejt Kievit te detyroje qeverine legjitime te kaloj ne ekzil dhe te vendos nje grup ku perfaqesohen njerezit e rregjimit te permbysur me revolucionin e Majdanit dhe nje pjese e kolones se peste qe jane Partia e Rajoneve.Eshte zgjedhur qeveria kolaboracioniste qe do ti dorezoj Putinit gjysmen e Ukraines duke filluar nga Harkiv deri ne Odesa.Njejte si bashibozuket shqiptare qe nxituan kush u kush me pare ti dorezonin kuroren e Skenderbeut, mbretit te Italise VEmanuelit.Ka vetem nje force qe e ndal cmendurine e Hitlerit te Kremlinit, SHBA dhe armet e patrioteve ukrainas..Gjermania dhe Franca si gjthmone interesat e tyre , Italia ne mes te luftes do te behet me fituesin.Barra si gjithmone,kampioneve te lirise SHBA.Ka nje ngjashmeri te cuditshme mes perpjekjve per percarje te politikes ukrainase dhe luftes se ndezur politike ne Shqiperi, si dhe perpjekje per dasi qe vjen nga kosovaristet.Rrofte Paqja ne te kundert Hitleri i Rusise paste fatin e Adolfit