Te fundit
Si po e josh Putini, Perëndimin, që të heqë dorë nga Ukraina
12 Shkurt 2022, 11:15Bota
TEMA
Nga Anna Akage “World Crunch”
Vizitat e presidentit francez Emmanuel Macron në Moskë dhe Kiev, nuk sollën asgjë thelbësore. Përkundrazi, ndërsa më shumë trupa ruse po vazhdojnë të mbërrijnë në kufi me Ukrainën, vëmendja e botës u shmang nga një batutë e vjetër e presidentit Vladimir Putin.
Ai e përmendi thënien menjëherë pas takimit të tij me Macron. Por në fakt ishte duke iu drejtuar ukrainasve:”Ju pëlqen ose jo, kjo është detyra juaj, bukuroshja ime!”. Analistët në Rusi, Ukrainë dhe kudo në botë u përqendruan tek debati se sa fyese është kjo frazë, mbi epërsinë dhe nën-tonet e saj seksuale, por edhe origjinën e saj në folklorin rus.
Ata ranë dakord se ky ishte një tjetër akt bullizues i Putin ndaj popullit fqinj. Por momenti i thënies së kësaj fraze, e demaskon stilin dredharak të lojës së tij politike, më shumë për thelbin se sa formën e saj.
Kërcënimi i tij i fshehtë ndaj presidentit ukrainas Volodymyr Zelensky nuk ishte për një pushtim të ri, por për Marrëveshjet e Minskut, të cilat lideri ukrainas i kundërshton. Teksa bota po i kushton vëmendje qoftë edhe një ironie therëse, fakt është se “Minsku” është rikthyer tani në tryezën e bisedimeve.
Një duartrokitje të gjatë për kreun e Kremlinit! Ajo është vetëm një shenjë tjetër se Putini po josh që të gjithë udhëheqësit botërorë, që të arrijnë së bashku një kompromis të madh. Mendoni pak për këtë:Gjatë gjithë kësaj kohe, ndërsa presidenti rus po grumbullon trupa në kufirin me Ukrainën, ai ka deklaruar vazhdimisht se Rusia nuk do ta sulmojë kurrë Ukrainën.
Ndërkohë gjatë gjithë kësaj kohe, mediat perëndimore kanë përhapur lajmet për një pushtim të afërt të plotë rus dhe aneksimin e Ukrainës. Gjatë gjithë kësaj kohe, SHBA-ja dhe Evropa kanë dërguar ndihmë ushtarake dhe financiare, kanë krijuar aleanca të reja ekonomike dhe të sigurisë, kanë përgatitur sanksione, si dhe kanë monitoruar lëvizjet ushtarake ruse në kufirin Rusi-Ukrainë.
E megjithatë, gjatë gjithë kësaj kohe, vetë ukrainasit janë skeptikë për atë që po thonë Moska dhe Uashingtoni! Jo, shumica e njerëzve në Kiev dyshojnë se një luftë e madhe do të ndodhë. Gjithashtu ata e dinë se asgjë nuk është e pamundur, pasi ishte po Rusia, ajo që e aneksoi Krimenë në vitin 2014.
Dhe kjo na çon sërish tek Marrëveshjet e Minskut, dhe tek “misioni” i supozuar i Zelensky për të rënë dakord me zyrtarizimin e pushtimit rus të Donbasit dhe Krimesë. Frika nga një luftë e madhe që ka dominuar 2 muajve të fundit, zbehet nga realiteti se këto territore ukrainase janë pushtuar në fakt 8 vite më parë në vazhdën e aneksimit të Krimesë, nën presionin e një operacioni ushtarak të përgjakshëm, ku vetëm në Ilovaysk ranë në grackë qindra ushtarë dhe vullnetarë ukrainas.
Më shumë se 300 prej tyre u vranë, dhe shumë të tjerë u kapën robër, dhe mbahen ende sot si të tillë, më shumë se 7 vjet më vonë). Duke u përballur me një presion të madh nga të gjitha anët në vitin 2014, presidenti ukrainas Petro Poroshenko u detyrua të nënshkruante Marrëveshjet e Minskut.
Por nëse ato zbatohen tani, do të shkaktonin protesta të mëdha, dhe kjo me siguri do të shënonte fundin e karrierës politike të Zelensky dhe rrënimin e partisë së tij. Për më tepër, Putin e di se mund të shkaktojë atë lloj destabilizimi të brendshëm që do ta bënte më të lehtë sesa mund ta ëndërronte marrjen e Kievit nga Rusia, pa pasur aspak nevojë për trupa shtesë, dhe duke u përballur vetëm një rezistencë të vogël evropiane ose amerikane.
Pranimi i Marrëveshjeve të Minskut, do të ishte në fakt një katastrofë për Ukrainën, dhe nuk do të pranohej kurrë nga populli ukrainas. Njëkohësisht, është më se e qartë se pozicioni i ukrainasve, nuk do të gjente mbështetje në botë.
Paqja në Evropë me çmimin e një marrëveshjeje lokale nuk është thjesht e pranueshme, por është rezultati më i mirë në kushtet aktuale. Strategjia elegante e Putinit, i ka lënë më në fund kundërshtarët e tij të izoluar në një qoshe në skakierën rajonale.
Mospranimi i Marrëveshjeve të Minskut, do të konsiderohet si nga Rusia ashtu edhe nga Evropa si një refuzim i paqes nga ana e Ukrainës, dhe për këtë arsye mund të çojë në ndërhyrje të reja ushtarake. Për shembull, Putin mund të pushtojë Kharkiv ose Mariupol, qytete kufitare ku qëndrimi i popullatës lokale është shumë i paqartë.
Dhe pranimi i rusëve krahëhapur, do të çonte në trazira të mëdha sociale brenda vetë Ukrainës dhe me siguri në rënien e qeverisë aktuale. Edhe sa do të jetë në gjendje “bukuroshja” të kërcejë pranë zjarrit rus pa u djegur?
Duket se kjo varet jo vetëm nga sa të sinqertë janë udhëheqësit evropianë dhe amerikanë për ta mbështetur vërtetë Ukrainën. Por nëse ata do ta kuptojnë, se duke e detyruar Ukrainën të bëjë paqe nëpërmjet Marrëveshjeve të Minskun, kostoja do të jetë vetë ekzistenca e këtij vendit.
6 komente në “Si po e josh Putini, Perëndimin, që të heqë dorë nga Ukraina”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qendrimi i perendimit per Ukrainen tregon realitetin e sotem te botes “moderne” ku te gjithe bertasin per asgje dhe shikojne viktimen se si e shqyen ujku…!!!!!! Hipokrizia nuk ka limit nqs nuk do te ishte influenca e USA asgje nuk do te ndodhte ne ate pak mbeshtetje qe Ukraina ka…
Putini nuk ka byth te pushtoje Ukrainen. Po bene bllof qe ti plotesoje kerkesat Perendimi
Marveshja e minskut eshte inisitative gjermano franceze dhe e firmosur nga ata vete, nga Ukraina dhe nga Russia. Eshte ratifikuar nga keshilli i sigurimit dhe eshte instrument paqe dhe dialog. Problemi eshte pse nuk zbatohet??? Zbatimi ul tensionet dhe i vendos palet ne dialog paqsor. Mos zbatimi mban tensionin te ngritur dhe krijon kushte per thellim konflikti. Prandaj analiza eshte thirje per refuzim marveshje dhe nxit thellimin ne konflikt . Pse e ben kete, e di ajo vete. Ndersa Krimea nuk ka lidhje me Donbasin per nga perberja e popullsise, per nga tradita dhe per nga historia. Lidhja me Ukrainen ka qene artificiale sepse kontrolli i saj eshte strategjik dhe per te cilen Rusia ka investuar qe ne kohen e careve. Sidoqofte lufte nuk do te kete, per sa kohe askush do mare inisiative te sulmoje Rusine. Per Rusine, eshte e dobishme qe Ukraina te mbetet asnjanese, sepse keshtu sherben si zone kushinete mbrojtje. Pushtimi i Ukraines eshte kokcarje per Rusine edhe sikur perendimi te qendroje indiferent. Kete e dine te gjithe liderat europiane, Usa dhe Rusia. Ndersa Nato dhe ata qe e udheheqin ate, kane nevoje per armik, per konflikt, per angazhime ushtarake, prandaj i fryjne zjarrit, nepermjet propagandes ne media.
Une mendoj qe perendimi “demokratik” po kerkon sherr me pahir. Nqs ndodh dhe fillon lufta dhe bombat arrij neper kryeqytetet evropiane jam kurioz se si do te reagojne qytetaret e ketyre vendeve, perfshi edhe ne shqiptaret me ushtrine tone te “pamposhtur” me xhipat e saj..
NATO e ka shume te qarte qe problemi i Rusise nuke eshte vetem problemi i Ukraines ,pore revanshi i RUSISEper te komanduar edhe nje pjese se Ballkanit perendimore .Nga ku me ndihmen edhe te disa shteteve te EUROPES politika do te vazhdoje te coptje si KRIMENE ,edhe KOSOVEN ,MAQEDONINE E VERIUT DHE SHQIPERINE te perkrahur nga disa pseudoshqiptare ,qe sote jane ne krye te shteteve . Eshte politika e Rusise ,qe Serbia po vazhdone lojen e kukumjackave me shtetin KOSOVAR,ku edhe Tirana zyrtare po duartroket politiken e RUSISE .Vetem ne Europe kemi 5 shtete qe nuke e njohin shtete KOSOVEN .Po per politiken me kosoven,c’fare mendon presidenti i RUSISE????NATO eshte e lodhur me politikat e RUSISE ,SI NE BALLKAN ,ashtu edhe ne nderhyrjet ne shtetet EUROPIANE .Sote po kerkone qe te vendose nje ultimtum politikes se RUSISE .Ndersa sa per marveshjen e Miniskut ,jame dakorte me GIO-n.Sote po mose te kishe patur nderhyrjet ne politikat e huaja ne ballkane ,do e ishim kohe paqe ,dhe jo lufte .
Tirana zyrtare po duartroket politiken e Rusise ????????? Shoku shikoe veten , paske shkuar per lesh …., mos ngatero politiken zyrtare me zullumqaret dhe langot e opozites Sali Berisha dhe Ilir Meta …….be diferencimin , jo per ne por per veten tende ….thua per Gio qe ka te drejte , lexon diku te komenti i Gio keto idjotlleqet qe shkruan ??????
Tirana zyrtare eshte pro amerikane deri ne graden qe cbehet me tej , ti na tregon peralla !! Per Tiranen zyrtare e kam fjalen , qe te mos keqkuptohemi , dhe jo per zagaret e Putinit ne Shqiperi e ne mbare Ballkanin…….