Tensionet Ukrainë-Rusi, kancelari gjerman Scholz shkon në Kiev dhe Moskë

Kancelari gjerman Olaf Scholz shkon në Ukrainë dhe Rusi këtë javë në një përpjekje për të ndihmuar në zbutjen e tensioneve të përshkallëzuara pasi zyrtarët e zbulimit perëndimor paralajmëruan se Rusia mund të ndërmarrë një sulm rus ndaj Ukrainës brenda disa ditësh. Gjermania është një nga vendet që u ka bërë thirrje qytetarëve të saj të largohen nga Ukraina sa më shpejt të jetë e mundur.

Përpara vizitave të tij të para si kancelar në Kiev të hënën dhe Moskë të martën për takime me presidentët ukrainas dhe rus, zoti Scholz përsëriti paralajmërimin e tij ndaj Rusisë, si bëri thirrje që të vazhdojnë përpjekjet diplomatike.

“Është detyra jonë që të parandalojmë një luftë në Evropë, duke i dërguar një mesazh të qartë Rusisë se çdo agresion ushtarak do të kishte pasoja të rënda për Rusinë dhe perspektivën e saj, dhe se ne jemi të bashkuar me aleatët tanë”, tha kancelari Scholz në parlamentin gjerman të premten.

Por ai shtoi se duhen bërë të gjitha përpjekjet për vazhdimin e bisedimeve.

Megjithatë një burim nga qeveria gjermane i tha agjencisë së lajmeve Reuters se Berlini nuk pret “rezultate konkrete” nga bisedimet me Presidentin rus, Vladimir Putin.

Ndërkohë zëvendës kancelari dhe ministri i ekonomisë i Gjermanisë, Robert Habeck, tha të dielën në një intervistë se Evropa mund të jetë në prag të luftës.

Zoti Habeck nuk dha detaje por iu referua grumbullimit masiv të forcave të armatosura të dy vendeve përballë njëra-tjetrës.

Zoti Scholz ka thënë vazhdimisht se Moska do të paguante një “çmim të lartë” në rast të një sulmi, por refuzimi i qeverisë së tij për të furnizuar Ukrainën me armë vdekjeprurëse ose për të përcaktuar se cilat sanksione do të mbështeste kundër Rusisë, janë kritikuar brenda dhe jashtë vendit dhe kanë ngjallur pikëpyetje në lidhje me vendosmërinë e Berlinit për t’i bërë ballë Rusisë. /VOA

40% e ushqimit që prodhohet në botë hidhet poshtë

13:50 Bota

Blinken, telefonatë me Lavrovin për Ukrainën

13:42 Bota

Rusi-Ukrainë në prag lufte, videoja e ushtarit ukrainas duke kërcyer bëhet virale

13:19 Bota

Frika nga pushtimi rus, mbi 10 shtete thirrje qytetarëve të tyre që të largohen nga Ukraina

13:00 Bota

Në prag lufte, ambasadori rus: Rusia nuk brengoset për sanksione

11:54 Bota

Çfarë po ndodh në Ukrainë? Australia dhe Kanadaja evakuojnë ambasadat në Kiev

11:22 Bota

Ambasada e SHBA në Tiranë publikon deklaratën e Blinken: Të bashkuar në thirrjet tona ndaj Rusisë, të ndalohet përshkallëzimi

11:06 Bota

"Rusia e ka rrethuar Ukrainën nga tre anë, 100 mijë trupa ruse në kufi! Ja nga ku mund të nisë pushtimi"

10:54 Bota

Blinken: Ekziston një rrezik i lartë i pushtimit rus

10:38 Bota

FOTOT: Pallate, jahte dhe vila, jeta misterioze e aleatëve të diktatorit në Korenë e Veriut, fotot satelitore zbulojnë ku jeton Kim Jong-un

10:20 Bota