Te fundit
100 miliardë dollarë armatime, Donald Trump bind sauditët të largohen nga Kina
25 Prill 2025, 10:49Bota
TEMA
Shtetet e Bashkuara janë gati t'i ofrojnë Arabisë Saudite një paketë armësh me vlerë mbi 100 miliardë dollarë. Lajmi bëhet i ditur nga agjencia e lajmeve ndërkombëtare Reuters.
Propozimi i SHBA do të bëhet publik gjatë vizitës së Donald Trump në muajin maj në Arabinë Saudite.
Paketa e ofruar vjen pasi administrata e ish-Presidentit Joe Biden u përpoq pa sukses të finalizonte një pakt mbrojtës me Riadin, si pjesë e një marrëveshjeje të gjerë që parashikonte Arabinë Saudite të normalizonte lidhjet me Izraelin.
Propozimi i Biden ofronte akses në armatim më të avancuar të SHBA-së në këmbim të ndalimit të blerjeve të armëve kineze dhe kufizimit të investimeve të Pekinit në vend. Reuters nuk mund të përcaktojë nëse propozimi i administratës Trump përfshin kërkesa të ngjashme.
Një zyrtar i mbrojtjes i SHBA tha për Reuters se: "Marrëdhënia jonë e mbrojtjes me Mbretërinë e Arabisë Saudite është më e fortë se kurrë nën udhëheqjen e Presidentit Trump. Ruajtja e bashkëpunimit tonë të sigurisë mbetet një komponent i rëndësishëm i këtij partneriteti dhe ne do të vazhdojmë të punojmë me Arabinë Saudite për të adresuar nevojat e tyre të mbrojtjes."
Shumë prej marrëveshjeve të SHBA-së me Arabinë Saudite kanë qenë në punë prej disa kohësh, thanë dy nga burimet. Për shembull, mbretëria kërkoi për herë të parë informacion në lidhje me dronët e General Atomics në vitin 2018, thanë ata. Gjatë 12 muajve të fundit, një marrëveshje për 20 miliardë dollarë të dronëve të stilit MQ-9B Sea Guardian të General Atomics dhe avionëve të tjerë erdhi në fokus, sipas një prej burimeve.
Disa drejtues nga kompanitë e mbrojtjes po konsiderojnë të udhëtojnë në rajon si pjesë e delegacionit. Shtetet e Bashkuara kanë furnizuar prej kohësh Arabinë Saudite me armë. Në vitin 2017, Trump propozoi afërsisht 110 miliardë dollarë shitje për mbretërinë.
Që nga viti 2018, vetëm 14,5 miliardë dollarë shitje ishin iniciuar dhe Kongresi filloi të vinte në dyshim marrëveshjet në dritën e vrasjes së gazetarit saudit Jamal Khashoggi.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nuk e ha Arabia Saudite te prishet me Kinen. Jo vetem se Kina blen shumicen e naftes Saudite, por edhe sepse nese shkeputet nga Kina do te mbetet perballe aleances se boshtit ruso-kinez. Tregtia Kine-Saudi do te reduktohet ndjeshem. Nese kjo ndodh, Arabia Saudite duhet edhe te bashkohet strategjikisht edhe me Izraelin, vec Amerikes. Llogari te veshtira ka perpara Trump-Netanjahu, dhe Bin Salman.
Kur Injoranca e medias arrin ne kete pike cfare mund te presin popujt. Ne 2017en Trampi propozoi 110 Miliarde shitje per Mbreterine. Titulli i artikullit thote ne Prill te 2025 Trampi bind per 100 Miliarde! Perse do i duhen popujve Miliarda Dollare te vrasin njeri tjetrin per interes te Sh,B,A-se apo per te jetuar si Njerez ne Paqe!
MAGA me afer se kurre, keshtu eshte kur ke president yllin e njerezimit, tu befte dita 1000 o yll!!!!
Jepi edhe nga ditet e tua Trumpit o Muc diplomati. Po e mori vesht Trump qe i ke thene ".... dita 1000" e hengre Muc prozatori, sepse edhe .... 10,000 eshte pak per gjeniun tone Trump. Mos harro se doktori i Trump ka thene se ai do jetoje 200 vite, hallall ti kete edhe 120 vite, o Muc, kupton apo jo?!