Te fundit

2 komandatë rusë në listën e zezë të BE-së

4 Qershor 2022, 09:41Bota TEMA

2 komandatë rusë në listën e zezë të BE-së

Bashkimi Evropian ka emëruar dhe futur në listën e zezë dy komandantë ushtarakë rusë, për të cilët tha se udhëhoqën trupat e përfshirë në mizoritë në Ukrainë.

BE i përshkroi ata si “kasapët” e qytetit të Buchas dhe qytetit të Mariupolit.

Lista e zezë e fundit e BE-së, e publikuar të premten, shënjestron 65 persona të tjerë për sanksione lidhur me pushtimin e Ukrainës nga Rusia.

Sanksionet përfshinin gjithashtu ndalimin e shumicës së importeve të naftës ruse në BE dhe hoqën huadhënësin kryesor rus Sberbank nga sistemi ndërkombëtar i pagesave SWIFT.

Midis individëve të përmendur në listë është Azatbek Omurbekov, për të cilin BE tha se udhëhoqi trupat ruse ndërsa ata “vranë, përdhunuan dhe torturuan civilët në Bucha”, duke i dhënë atij pseudonimin “Kasapi i Buçës”.

I quajtur gjithashtu Mikhail Mizintsev, një gjeneral rus, për të cilin BE tha se mbikëqyri rrethimin dhe bombardimin e qytetit Mariupol që vrau mijëra civilë.

“Sulmet me raketa dhe artileri ruse në qytetin port goditën një maternitet dhe një teatër, duke vrarë qindra fëmijë”, tha BE, e cila e quajti Mizintsev “Kasapi i Mariupolit”.

Rusia ka mohuar vrasjen e civilëve në Bucha dhe Mariupol, duke pretenduar se provat e vrasjeve të civilëve dhe bombardimeve në teatër dhe sulmit në maternitet janë inskenuar për të inkriminuar Moskën.

Lini një Përgjigje

Më të lexuarat

Blog Tema

Powered by Tomorrow.io