Te fundit
Avioni u përplas me godinat e konviktit të mjekësisë në Indi, 60-të studentë të plagosur
12 Qershor 2025, 16:26Bota
TEMA
Rreth 60 studentë kanë mbetur të plagosur pasi një avion pasagjerësh i “Air India” u rrëzua në godinat e konviktit të mjekësisë në Ahmedabad.
Sipas Federatës së Shoqatës Mjekësore Gjithë-Indiane (FAIMA) e Indisë, dy prej tyre ndodhen në njësinë e kujdesit intensiv, ndërsa pesë të tjerë rezultojnë të zhdukur.
Avioni po shkonte drejt Aeroportit Gatwick, në jug të kryeqytetit britanik, tha Air India, ndërsa oficerët e policisë thanë se u rrëzua në një zonë banimi pranë aeroportit.
"Ndërtesa në të cilën është rrëzuar është një konvikt mjekësh... ne kemi pastruar pothuajse 70% deri në 80% të zonës dhe do të pastrojmë pjesën tjetër së shpejti", u tha gazetarëve një oficer i lartë policie.
Një burim i tha Reuters se pasagjerët përfshinin 217 të rritur, 11 fëmijë dhe dy foshnje. Prej tyre, 169 ishin shtetas indianë, 53 ishin britanikë, shtatë portugezë dhe një kanadez. Avioni ishte një Boeing 787-8, një nga avionët më modernë të pasagjerëve në shërbim.
Ky është rrëzimi i parë për Dreamliner, i cili filloi të fluturonte komercialisht në vitin 2011, sipas bazës së të dhënave të Rrjetit të Sigurisë së Aviacionit.
Më të lexuarat
24 oret e fundit
Javen e fundit
Blog Tema
Lini një Përgjigje