Te fundit
Donald Trump "shpërthen" ndaj Elon Musk: Më zhgënjeu...
5 Qershor 2025, 19:17Bota
TEMA
Presidenti amerikan, Donald Trump shprehu hapur pakënaqësinë e tij për qëndrimin e Elon Musk, pas kritikave publike që kreu i Tesla-s bëri ndaj “Ligjit të Madh dhe të Bukur”, i cili mbështetet nga Shtëpia e Bardhë.
Musk ka shprehur herë pas here kundërshtime, duke argumentuar për një rritje të deficitit.
“Ne kishim një marrëdhënie të shkëlqyer me Elon. Nuk di nëse e kemi më,” tha Trump në deklarata nga Zyra Ovale, pak më pak se një javë pas fjalëve të ngrohta që shkëmbyen të dy në ditën e fundit të Musk në Shtëpinë e Bardhë.
“Jam shumë i zhgënjyer nga Elon,” theksoi presidenti amerikan për gazetarët, duke shtuar:
“E kam ndihmuar shumë.” Ai theksoi se Musk njihte mirë përmbajtjen e ligjit: “E njihte çdo aspekt të këtij ligji. E njihte më mirë se pothuajse kushdo tjetër dhe nuk pati kurrë kundërshti, derisa u largua,” tha Trump.
Trump tha se kundërshtia e Musk ka të bëjë me faktin se “reagoi vetëm pasi kuptoi se do të duhet të ulet kuota e detyrueshme për automjetet elektrike,” duke nënkuptuar se interesat biznesore të Musk ndikojnë në qëndrimin e tij.
Njëkohësisht, Trump vijoi me akuza ndaj miliarderit, duke lënë të kuptohet se ndryshimi i qëndrimit të Musk lidhet me largimin e tij nga administrata. Sipas Trump, shumë nga ish-bashkëpunëtorët e tij sulmojnë qeverinë vetëm sepse u mungon pushteti dhe vëmendja.
“Do të jem i sinqertë: mendoj se i mungon ai ambient,” tha për Musk, i cili ka dalë nga roli këshillues. “Njerëz largohen nga administrata ime dhe na duan. Por me kalimin e kohës, disa e përballojnë mirë, të tjerë bëhen armiqësorë.”
Trump tha se ky është një model i njohur: “E kemi parë edhe me të tjerë. Largohen, zgjohen një mëngjes dhe kuptojnë që shkëlqimi është zhdukur. Gjithçka duket ndryshe dhe bëhen armiqësorë. Nuk di pse ndodh.”
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mis mor trap ja fute dhe këtij që të dha 300 mln dhe të pruri në pushtet? Megjithëse e the që ditën e inaugurimit "amerikanët nuk do jenë të detyruar të blejnë makinat elektrike të mutit".
Te ":zhgenjeu" dhe ti i dhe nje grushte, saqe ja nxive syrin ! Bravo ja ky eshte bashkbisedimi yte frytdhenes me partneret !
Ceshtje biznesi / interesash. Ku eshte problemi ketu? Dashurite politike nuk zgjasin pergjithmone. Prishen balancat interesat, dhe hopa nga miq ne armiq. Edi me Liken u puthen e u nduken 10 vjet me pare. Edi i hapi rrugen Likes per te vjedhur si te donte. Pastaj e beri president dhe nashti po e fut ne burg. Politika i njeh keto...
Plak psikopat
Autiku Musk u perdor ne menyre shembullore nga plaku Trump. Qe nga koha e realty show qe plaku Trump bente 20 vjet perpara ky I fundit nuk ka ndryshuar fare. Deliri i plakut dhe ankthi pasuror qe eshte teper i zakonshem tek milliarderet e ben Trump te mos besoje as lekuren e vet. Autiku Musk eshte viktima e rradhes per plakun e pameshirshem lol It’s all bussiness and nothing more