Te fundit
Evropa përgatit çizmet: 15 mijë trupa gati për Ukrainën
1 Janar 2026, 11:09Bota
TEMA
Vendet evropiane janë të gatshme të dërgojnë 10 deri në 15 mijë trupa në Ukrainë në gjashtë muajt e parë pas një armëpushimi të mundshëm me Rusinë, si pjesë e garancive të sigurisë për Kievin.
Lajmi raportohet nga Die Welt, duke cituar burime diplomatike në Bruksel.
Sipas informacioneve nga qarqe diplomatike evropiane, plani synon monitorimin dhe garantimin e zbatimit të armëpushimit mes Rusisë dhe Ukrainës, në rast se palët arrijnë një marrëveshje për ndalimin e luftimeve.
Burimet bëjnë me dije se planet e sigurisë janë tashmë të përgatitura, kryesisht nga ekspertë ushtarakë të Forcave të Armatosura Britanike dhe Franceze, në bashkëpunim të ngushtë me institucionet në Bruksel.
Këto plane parashikojnë një prani tokësore të kufizuar, por të strukturuar, në fazën fillestare pas përfundimit të armiqësive.
Franca dhe Mbretëria e Bashkuar janë identifikuar si aktorët kryesorë të këtij misioni.
Sipas burimeve diplomatike, të dyja vendet janë të gatshme të marrin përsipër monitorimin e armëpushimit edhe pa një mandat formal nga Kombet e Bashkuara apo Bashkimi Evropian, mjaft që të ketë një ftesë zyrtare nga autoritetet ukrainase.
Ndërkohë, mbikëqyrja nga ajri dhe nga deti pritet të realizohet nga shtetet fqinje të Ukrainës, të cilat do të luajnë rol mbështetës në arkitekturën e sigurisë.
Në këtë kontekst, Turqia përmendet si një aktor kyç për monitorimin e rajonit të Detit të Zi.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Nese Britania e Franca dergojne 15,000 ushtare ne Ukraine, Rusia kollaj e ben Britanine te flase me vehte ne nje lufte hibride konvencionale. Jane keto gabime qe do sjellin ne pushtet extremin e djathte edhe ne Angli, me zgjedhje te parakoheshme ne Londer. Udheheqese me trupa ne Ukraine duhet te jete Gjermania, Polonia dhe Turqia, me 50,00 trupa.
Që Rusët të pranojnë prezencën e trupave të shteteve të NATO-s vetëm me ftesë të Ukrainës do të thotë që të lejojnë futjen e Ukrainës në NATO. Një nga arsyet e luftës është pikërisht Ukraina në NATO.
15 mije trupa gay nga BE, baraz me 10 dite pune te Putinit.