Te fundit
Irani në ‘blackout’, dhjetëra të vrarë dhe mijëra të arrestuar
9 Janar 2026, 09:35Bota
TEMA
Nuk është më thjesht një zhurmë, por një shpërthim që përhapet nga një lagje në tjetrën, duke sfiduar errësirën e natës dhe sirenat e represionit. Në ditën e dymbëdhjetë, protestat e iranianëve kundër regjimit të ajatollahëve kanë marrë përmasa masive: dhjetëra mijëra gra dhe burra, me grushtin e ngritur, kanë dalë në rrugët e Teheranit duke shprehur zemërimin e tyre kundër Gardës së Revolucionit.
Revolta është aq e përhapur sa ka alarmuar autoritetet. Të frikësuar, njerëzit e udhëheqësit suprem Ali Khamenei kanë ndërprerë internetin, me shpresën se bota nuk do të shohë këtë valë kryengritjeje kundër tyre. Organizata joqeveritare që monitoron sigurinë kibernetike, NetBlocks, bën të ditur se vendi ndodhet “në një blackout në shkallë kombëtare”.
Që nga nisja e protestave më 28 dhjetor, të cilat shpërthyen fillimisht në pazaret e Teheranit, demonstrata janë regjistruar në mbi 100 qytete, kryesisht në perëndim të vendit. Por ajo e mbrëmjes së sotme konsiderohet si një nga më të mëdhatë:
“Nuk na ndalojnë më, fundi i tyre ka ardhur”, shkruan Ali në rrjetet sociale. Protesta janë zhvilluar edhe në Tabriz, Mashhad dhe Lomar.
“Humbën kontrollin: e kanë goditur kushërirën time në fytyrë dhe në këmbë, nuk mund të shkojë në spital, është tepër e rrezikshme, rojet janë kudo”, tregon Mina nga Rashti. Ndërkohë, në rrjet qarkullojnë video që tregojnë një ndërtesë qeveritare në Teheran në flakë, barrikada në rrugë, përplasje mes protestuesve dhe forcave të sigurisë, si dhe rrëzimin e statujave. Sa më shumë rritet kundërshtimi qytetar, aq më brutale bëhet shtypja.
Agjencia e lajmeve Tasnim, e afërt me Korpusin e Gardës së Revolucionit Islamik, ka publikuar një video kërcënuese ku njofton “identifikimin, paralajmërimin dhe arrestimin e atyre që brohorasin slogane”. Autoritetet nuk tolerojnë thirrjet që jehonin në rrugë: “Vdekje diktatorit”, “Nuk kemi më frikë”, “Rroftë Shahu”.
Nga Shtetet e Bashkuara, Donald Trump ka reaguar sërish: “Mos i prekni protestuesit”. Ndërkohë, bëhet e ditur se princi i kurorës Reza Pahlavi, djali i shahut të rrëzuar nga Revolucioni Islamik i vitit 1979 “do të jetë në Mar-a-Lago të martën e ardhshme, në mes të protestave në rritje kundër Republikës Islamike të Iranit dhe thirrjeve për ndryshim regjimi. Ai do të marrë pjesë në Jerusalem Prayer Breakfast (JPB)”. Lajmi është publikuar në X nga Laura Loomer, politikane dhe influencuese e ekstremit të djathtë, e cila shton se “nuk dihet ende nëse” princi “do të takohet me presidentin”.
Këto ditë, emri i Pahlavit është kthyer në temë debati: disa besojnë se, në një epokë pas Khameneit, ai mund të kthehet në Iran dhe të shërbejë si figurë tranzitore drejt zgjedhjeve të lira dhe demokratike; të tjerë e shohin këtë si thjesht propagandë. Ndërkohë, në telefonat e iranianëve mbërrijnë mesazhe kërcënuese nga autoritetet: “Anëtarësimi në faqe apo grupe armiqësore që promovojnë dhe nxisin prishjen e rendit dhe sigurisë shoqërore përbën vepër penale dhe ndiqet ligjërisht. Për të ruajtur paqen dhe sigurinë e Iranit të dashur, përmbahuni nga promovimi apo pjesëmarrja në grumbullime të paligjshme”.
Bilanci i deritanishëm është i rëndë: mbi 45 protestues kanë humbur jetën, qindra janë plagosur dhe më shumë se dy mijë persona janë arrestuar.
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Irani u ka kerkuar ndihme Organizatave Aleate! Kane treguar gadishmeri per te derguar ndihme, 2 nga organizatat me te fuqishme ushtarakisht dhe politikisht ne bote, Hamas-i dhe Hezbullah-u!
e k eme humor??nëse nuk e ke??atëherë mendo një gjë të tjeshtë!!irani nuk ka mangësi në ushtri e polici,e meqënëse ka boll e nuk mund të shuajë demostratat do të thotë se si ushtria e policia nuk duan të veprojnë kundër VËLLEZËRVE të tyre!çfar mendon se do të ndodhë nëse vjen dikush nga jash e i vret ata që ti i ke vëllezër e familjarë??prandaj nëse çallmaxhijt marrin ndihma në ushtarë,vrasës,nga hamasi e hesbollau,ke haruar huti,!?çfarë kujton se dp bëjë ushtari dhe polici iranian??do rrijë të shohë se si i vrasin të huajt vëllain e komshiun??a ju punon mëndja??
Mos u bej i trashe...
jam prej natyre i trashë prandaj pyeta nëse e ke me humor??kurse ti mos u trego i hollë me ato që thua ti!!
Nuk duhet te pyesje :)
Djali i Shaut nuk mundet ta ndihmoj Iranin pse ne ate kohe Shahu e vodhi popullin edhe pasurine qe e konzumoj neper bote me nji jete lukse deri me vitin 80 kur vdiq ne Egjypte ,Iranin e shpeton vetem ndryshymi i ligjit Idiot Islamik qe nuk ka prova qe ekziston jepja popullit te drejten qe i takon dhe e shpeton Iranin nga te gjitha pengesat ose dote ju varin neper sheshe zeri i popullit eshte ma i forte se xhdokush.
Si mund te harxhohen ne "jete luxi" pasurite e nje mbreterie te vjeter 2.500 vjecare, o katunar Igjori? Thirri mendjes o pallosh!