Rregulla të reja për tregun, qeveria bën të detyrueshëm etiketimin e energjisë për 17 kategori produktesh

Këshilli i Ministrave ka miratuar një paketë të gjerë rregulloresh që bëjnë të detyrueshëm etiketimin e performancës energjetike për një gamë të gjerë produktesh elektroshtëpiake, elektronike dhe industriale. Kjo lëvizje, e cila vjen në zbatim të ligjit të vitit 2024 “Për etiketimin e produkteve me ndikim në energji”, synon të rrisë transparencën në treg, duke i orientuar konsumatorët drejt pajisjeve që kursejnë energji elektrike dhe mbrojnë mjedisin.

Përmes 17 aneks-rregulloreve të miratuara, çdo produkt që importohet ose tregtohet në Republikën e Shqipërisë në këto kategori, duhet të ketë të afishuar qartë etiketën e klasit të energjisë (nga pajisjet me konsumin më të ulët deri tek ato me konsumin më të lartë).

Kategoritë e produkteve që preken nga vendimi

Për të lehtësuar zbatimin e këtij vendimi, produktet për të cilat kërkohet rreptësisht etiketimi energjetik ndahen në katër grupe kryesore.

Pajisjet elektroshtëpiake bazë

Në këtë kategori përfshihen pajisjet që përdoren masivisht në çdo familje, të tilla si:

Makinat larëse dhe makinat larëse-tharëse.

Enëlarëset për përdorim shtëpiak.

Pajisjet frigoriferike për përdorim shtëpiak.

Sistemet e ngrohjes, ftohjes dhe ajrimit

Pajisjet me ndikimin më të lartë në faturën e energjisë do të monitorohen rreptësisht. Rregullorja përfshin kondicionerët dhe njësitë e ventilimit të banesave; pajisjet e ngrohjes lokale dhe ngrohësit e hapësirës (përfshirë sistemet e integruara dhe termostatët); kaldajat me lëndë djegëse të ngurtë; ngrohësit e ujit (bojerët), rezervuarët e ujit të ngrohtë dhe sistemet diellore.

Elektronika dhe pajisjet tregtare

Përtej pajisjeve tradicionale, qeveria ka përfshirë në rregulloren e re edhe teknologjinë e informacionit dhe pajisjet e biznesit si ekranet elektronike (televizorë, monitorë); telefonat inteligjentë (smartphones) dhe tabletat; të gjitha llojet e ndriçuesve; frigoriferët magazinues profesionalë dhe pajisjet frigoriferike me funksion të shitjes direkte (për marketet dhe njësitë tregtare).

Një risi në këtë paketë është edhe përfshirja e gomave të automjeteve. Ato duhet të etiketohen në lidhje me eficiencën e karburantit dhe parametra të tjerë të sigurisë, duke i lejuar drejtuesve të mjeteve të zgjedhin goma që ulin konsumin e naftës apo benzinës.

Për zbatimin e këtij vendimi dhe garantimin që asnjë produkt pa etiketë energjetike nuk do të depërtojë në treg, Këshilli i Ministrave ka ngarkuar tre institucione kyçe: Ministrinë e Ekonomisë dhe Inovacionit, Drejtorinë e Përgjithshme të Doganave (për kontrollin në pikën e hyrjes) dhe Inspektoratin Shtetëror për Mbikëqyrjen e Tregut (ISHMT), i cili do të verifikojë respektimin e rregullave në dyqane dhe qendra tregtare.

Hekurudhat, projekte mbi 1.7 mld euro - Prioritetet 2027-2029, kosto për Durrës-Prishtinë 750 mln euro

22:00 Ekonomia

Hyjnë në fuqi çmimet e reja të karburantit të vendosura nga Bordi i Transparencës, pas uljes së akcizës me 20%

21:15 Ekonomia

Rritja e çmimeve - Themeli: Nuk kemi tkurrje të konsumit. Forcimi i lekut ndihmon në frenimin e inflacionit

21:10 Ekonomia 1 koment

Bordi i Transparencës rrit çmimin e karburantit, nafta shkon 224 lekë për litër: Kemi aplikuar uljen e akcizës

17:35 Ekonomia 3 komente

Shoqëri shtetërore, formula e re e qeverisë për menaxhimin e pyjeve

16:38 Ekonomia

Sot mblidhet Bordi i Transparencës, ja sa pritet të shkojë çmimi i naftës

11:00 Ekonomia

Gati projektligji për kontabilitetin, nga raportimi për qëndrueshmërinë tek transparenca fiskale

09:24 Ekonomia

Shkeljet dhe evazioni në pikat e këmbimit valutor, BSH heq licenca dhe vendos gjoba

19:43 Ekonomia

Pas fushatës kundër informalitetit rriten edhe detyrimet e papaguara! Të ardhurat nga kontributet 170 mln euro më shumë

18:15 Ekonomia

"Jemi përballë një realiteti të ri" Banka e Shqipërisë paralajmëron krizë të fortë në horizont

16:30 Ekonomia 1 koment