Ulja e normës së interesit do të lehtësojë shqiptarët që marrin hua në banka

Kreditë do të bëhen më të lira në vijim. Pas uljes në 2.75 për qind nga 3 për qind që ishte normën bazë të interesit për lekun, Banka e Shqipërisë vlerëson se shqiptarët do të paguajnë më pak për huatë që do të marrin apo për ato që kanë për të shlyer.

“Ekonomia shqiptare do të ketë në dispozicion një ofertë të kredisë bankare që i shërben plotësimit të nevojave të saj për konsum dhe investime dhe ajo që duhet theksuar është me kosto të ulëta financimi”, tha drejtori i Politikës Monetare Erald Themeli.

Drejtori i Politikës Monetare në Bankën e Shqipërisë Erald Themeli sqaron se ulja e normës bazë u bë për të shkak të rënies së shpejtë të inflacionit, i cili nëse vazhdon të ulet cenon edhe rritjen ekonomike.

“Analiza dhe parashikimet konkluduan që balancat rreziqeve në afatin e shkurtër qëndrojnë në kahun e poshtëm që do të thotë që goditjet e ofertës që kanë sjell rënien e inflacionit gjatë vitit 2024 do të vazhdojnë të jenë të pranishme gjatë tremujorit të 4 madje rrezikojnë ta zhvendosin këtë tregues edhe poshtë projeksionit tonë qendror prej 1.për qind. monetare”, deklaroi Themeli.

Nga ana tjetër ulja e shpejtë e inflacionit ka dhënë ndikim pozitiv tek qytetarët dhe bizneset.

“Të ardhurat e disponueshme të familjeve të siguruara nga punësimi pagat, rritja e remitancave janë në zgjerim dhe garantojnë rritje të konsumit dhe të mirëqenies së tyre. Edhe bilancet e bizneseve janë pozitive”, theksoi Themeli.

Banka e Shqipërisë vlerëson se mbajtja nën kontroll e inflacionit, rënia e borxhit publik dhe njëkohësisht rritja e pagave dhe e punësimit, garantojnë një rritje të qëndrueshme të ekonomisë së vendit. (Marjo Brakaj)

Sa para dërgojnë emigrantët në fundvit?

21:40 Ekonomia

Interesat e ulëta “çmendin” kërkesën për hua

21:10 Ekonomia

Gazifikimi i Korçës, kryeministri Rama takohet me presidentin e Azerbajxhanit

17:59 Ekonomia 10 komente

Cilat janë ndryshimet në taksa që kërkon biznesi?

22:10 Ekonomia

Në banka janë rreth 37.2 miliardë lekë hua me probleme

21:20 Ekonomia

Vendimi i Bankës Qendrore, kur do të rillogariten interesat e kredive?

21:03 Ekonomia

Buxheti i vitit 2025, eksperti: Kompleton 3-vjeçarin e rritjes së pagave

20:21 Ekonomia

Kompania e biznesmenit shqiptar mban të sigurta kullat e Abu Dhabit

18:53 Ekonomia 2 komente

Tirana, qyteti i pestë më i shtrenjtë në Europë për blerjen e një banese

13:50 Ekonomia 2 komente

Tuneli i errët i modelit ekonomik, digjitalja shihet si e ardhmja e Shqipërisë në rrugën drejt BE

21:00 Ekonomia 1 koment