Te fundit
Google, algoritëm i ri kundër faqeve të pasakta dhe “clickbait”-it
23 Gusht 2022, 10:56Hi-Tech
TEMA
Një përditësim i rëndësishëm për algoritmin e kërkimit të Google po vjen, përmes së cilit synohet penalizimi i faqeve dhe përmbajtjeve që përhapin lajme të pasakta, të paverifikuara dhe mashtruese.
Fokusi i kompanisë është mbi të gjitha te clickbait, ose praktika e krijimit të përmbajtjes posaçërisht për të fituar pozicione dhe klikime, shpesh duke përdorur tituj që nuk pasqyrojnë lajmet e raportuara.
Duke filluar nga e hëna, 22 gusht, përditësimi i Helpful Content do të publikohet globalisht për përdoruesit anglishtfolës, ndërsa një i dytë është planifikuar për javët e ardhshme në gjuhë të tjera.
Në një postim, kompania Mountain View shpjegon se përmbajtja e besueshme do të shpërblehet.
“Shumë prej nesh kanë përjetuar zhgënjimin e vizitës së një faqeje interneti që duket se ka atë që ne po kërkojmë, por nuk i përmbush pritshmëritë tona”, shkruan Google.
“Ne punojmë shumë për t'u siguruar që faqet që shfaqim në ‘search’ janë sa më të dobishme dhe të rëndësishme që të jetë e mundur. Për ta bërë këtë, ne po i përpunojmë vazhdimisht sistemet tona. Me këtë risi, do të shpërblehen përmbajtjet edukative, përmbajtjet argëtuese, faqet e besueshme të internetit për blerje dhe faqet që lidhen me teknologjinë, duke avantazhuar sajtet origjinale, që përmbajnë komente dhe njohuri”.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ta kishe vënë titullin "ja çfarë pritet ti ndodhë gazetës tema"
Hahaha kto hongren të paret m'duket, se jan nona për kto gjona