Te fundit
Horror në Fier, dhunohen varret e dy të rinjve, familjarët: S’e dimë nëse janë brenda apo jo!
9 Shkurt 2024, 09:15Kronika
TEMA
Emisioni Fiks Fare denoncoi mbrëmjen e së enjtes një skandal në varrezat e fshatit Grecali në Fier.
Në redaksinë e emisionit investigativ u ankua z. Asqeri Ristani. Ai tha se në këto varreza ka të varrosur vajzën e tij që ndërroi jetë në gusht 2023 si pasojë e një sëmundje të rëndë. Ishte 29 vjeçe dhe ka lënë një fëmijë të mitur pas. “Para 10 ditësh më lajmëruan se varri ishte hapur. Erdha në varreza dhe kam parë që dheu kishte lëvizur. Ishte lëvizur gjysma e dheut nga pjesa e kokës. Afër ishte edhe një çarçaf që të mos linin gjurmë me dhe’. Nuk e di kush mund ta ketë bërë këtë, për ta vjedhur apo për diçka tjetër. Nuk e di nëse është brenda vajza apo jo. Ku nuk na shkon mendja” thotë Asqeriu.
Më tej pohon se në të njëjta varreza është hapur edhe varri i një të riu. Atë e kishin lënë hapur. Kishte plastmas dhe çarçaf afër varrit. “Nuk e di nëse ajo familje e ka denoncuar apo mbyllur, por di të them se unë kam lajmëruar policinë. Erdhi inspektori zonës dhe më dha një letër të bardhë që të firmosja. Nuk pranova se do ma mbyllnin çështjen, jo kanë ardhur kafshë të egra. Ku ka kafshë këtu në fushë? Me çarçafë dhe të hapnin varret” pohon Asqeriu. Ai shton se punonjësit e varrezave e kanë parë këtë dhe kanë lajmëruar policinë dhe familjarët. “Unë dua të di nëse është apo jo vajza ime atje brenda” përfundon ai.
Pas ankesës, gazetarët e Fiks Fare shkuan në Njësinë Administrative Qendër në Fier. Administratori thotë se janë hapur dy varre. “Njërin e kishin zhvarrosur komplet. Besoj për të vjedhur kufomat. Një familje nuk donte ta vijonte denoncimin, pasi janë të vjetër. Pretendim ka edhe familja Ristani, por po merret policia” thotë Administratori, teksa shton se konstatimi është bërë nga punonjës të pastrimit, në varësi të Bashkisë së Fierit.
Gazetarët shkojnë edhe te Drejtoria e Shërbimeve Funerale të Bashkisë Fier, ku punonjësit treguan se ata merren me qytetin. Përgjegjësi telefonon brigadierin e varrezave të fshatrave, i cili i thotë se atje s’kanë roje. “Janë një grup punëtorësh që shkojnë 1 herë në javë për pastrim. Ata kishin parë varret e hapura dhe kishin lajmëruar policinë. Ata kishin parë dy varre të hapura” thotë brigadieri.
Fiksi telefonon edhe inspektorin e policisë së zonës Petrit Mema. Tha se është lajmëruar nga banorët e zonës. Fiksi e pyet se për çfarë ishte letra e bardhë, teksa përgjigjet se “për procedurë”. Gazetarët e pyesin për çarçafët dhe plastmasi, pasi atje ishte djegur. “Atje duhet të ishin” thotë ai me habi. Pyetjes se përse nuk u sekuestruan, përgjigjet se është marrë Shefi Krimeve. Më tej pohon se njëra nga familjet nuk ka dashur ta ndjekë me çështje hetimore, ndërkohë që ankesa e familjes Ristani është dërguar në prokurori.
Fiks Fare kontaktoi me Drejtorinë e Policisë së Fierit, duke e pyetur për të gjitha pretendimet e denoncuesit. Sipas tyre, z. Ristani ka njoftuar sallën operative në datë 28 janar, pasi ka konstatuar lëvizje të dherave të varrit të vajzës së tij, në varrezat e fshatit Grecalli. Në përgjigje thuhet se: “Menjëherë pas njoftimit, është ngritur një grup i posaçëm hetimor për të zbardhur rrethanat e rastit. Janë kryer të gjitha veprimet hetimore dhe procedurale. Më datë 31 janar 2024, materialet janë referuar në Prokurori, ku është regjistruar procedimi penal nr.209, i vitit 2024, për veprën penale ‘Dhunimi i varreve’”.
Sipas tyre, në drejtimin e Prokurorisë, vijon puna për identifikimin dhe kapjen e autorëve, si dhe për zbardhjen e rrethanave të saj. “Po punohet nën drejtimin e prokurorit për kryerjen e veprimeve të mëtejshme sipas kërkesave/pretendimeve të z.Ristani, i cili do të njoftohet për ecurinë e zbardhjes së kësaj ngjarjeje” përfundon njoftimi i policisë.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ku.jemi.katandisur.edhe.varet.po.hapen
Mizori sunitesh.....nuk keni pare gje akoma.... allah uakbar!!
Vjedha eshte kryer per te kryer rite Satanike e magjira , te gapen kamerat e fshatit e rrruges e te shihet nese no nje femer e huaj ka hyr ne fahat dhe do kuptoet kush e ka ber
Vendosni kamera dreqi ta haje.... se te gjithe te vdekurit duhet respektuar , panvaresisht se shpirti ju tretet nen dhe ...Mirembatja e varrezave kudo nuk mirembahen si duhet.... por rrogat te gjithe i marin nga Taksat e Qytetareve qe dergjen tere diten duke punuar..
Jan marr dhera per magji autoritet te hapin kamerat dhe te lerkojn nje cift femra e huaj burri shqiptar ka shum munds automjeti taxi
Kafshëri vetëm shqiptare.
As armikut si preket varri! Çfare beni o monstra. Çfare djajsh keni pjellur o far e felliqur qe po beni namin gjithandej. Aty varrezat edhe pa i demtuar jane ne gjendje te mjeruar nga kultura e mykyr arabe.
KJo eshte demokracia qe na prune kriminelat qe hedhin valle sot ne ballkone, bulevarde e parlament ! Doni me? Vajzat u a kthyen ne kurva, grate i zene me dashje apo pa dashje pronaret qe vodhen Shqiperine, burrat i lidhin pas hunjeve dhe u zene grate ne syte e tyre, droga dhe krimi nuk permbahen, pronat i moren ata qe ishin dje me partine e punes e sot me partine e krimit, doni me ? Edhe te dekurit nuk i lene te prehen ne token e tyre! Doni me ? Merni malet se fushat jane zene. Doni me? Shkoni prane ballkonit te Saliut dhe faluni jo ne kishen e Laçit! Doni me? Mbani fjalime rrugeve tani dhe flisni me vete ju qe shkoni pas partive . Nje sygjerim: Mire eshte tani, meqense s'ka me siguri, mos i varrosni me te dekurit, por i digjni dhe pluhurin mbajeni ne shishe poshte jastekut, megjithese dhe aty ka rrezik tu a marrin, se do vijne per ndonje femer apo para ne shtepi dhe do tu nxjerrin. Doni me? Kembet dhe gishtat perpjete , Saliu me shoke ne balle !