“Festa Ura e Mesit”, Beci: Tradita, muzika dhe bukuritë natyrore bashkohen në Postribë (FOTOT+VIDEOT)

Në urën legjendare të Mesit, buzë lumit Kir, u zhvillua një festë që bashkoi kulturën, artin dhe natyrën. “Festa Ura e Mesit” solli atmosferë të gjallë me këngët dhe vallet e Ansamblit të Shkodrës, panairin me prodhime të tokës, punime artizanale dhe promovimin e bizneseve lokale.
Një video e veçantë prezantoi bukuritë natyrore e historike të kësaj zone, duke e kthyer në një destinacion të preferuar për vizitorë vendas dhe të huaj. 

Në zemër të Postribës, buzë lumit Kir dhe nën hijen e urës legjendare të Mesit, u zhvillua një nga ngjarjet më të bukura kulturore të zonës, “Festa Ura e Mesit”, e kthyer tashmë në një traditë, që promovon trashëgiminë kulturore, natyrore dhe turistike të Shkodrës.

Pamje nga festa u shpërndanë në rrjetet sociale nga kryetari i bashkisë Shkodër, Benet Beci, i cili theksoi rëndësinë e këtyre aktiviteteve për jetësimin e vlerave të zonës dhe për gjallërimin e komuniteteve rurale.

Ndërsa Ansambli i Shkodrës solli atmosferën festive me këngë dhe valle tradicionale, duke i dhënë jetë këtij monumenti kulture, i cili është kthyer prej kohësh në një pikë referimi për vizitorë vendas dhe të huaj.

Në kuadër të festës u organizua edhe një panair lokal, ku u ekspozuan, produkte bujqësore dhe ushqime të zonës, punime artizanale tradicionale dhe u prezantuan oferta turistike nga bizneset lokale dhe agroturistike, shkruan atsh.

Ura e Mesit, një monument kulture i shekullit XVIII, mbetet një simbol i lidhjes mes historisë dhe natyrës, dhe një prej destinacioneve më të vizituara në veri të Shqipërisë.

Zona e Postribës (Shkodër) po rritet si një destinacion turistik, ku natyra, historia dhe kultura ndërthuren në mënyrë harmonike, duke ofruar përvoja të paharrueshme për çdo vizitor.

Begzad Baliu: Në Veleshtë, te profesor Agim Vinca

19:42 Kulturë

Antony Athanas, legjenda shqiptaro-amerikane, që i dha famë Shqipërisë në mbarë botën

18:40 Kulturë

Lamtumira e fundit për Dhimitër Anagnostin, në fshatin e lindjes në Vuno

18:20 Kulturë

VIDEO/ Dorian Koçi: Banditizmi në Ballkan nuk ishte fenomen vetëm i popullsisë myslimane – shembulli i priftit të Hormovës

18:00 Kulturë 18 komente

Borges: Poezia është diçka aq intime, sa nuk mund të përkufizohet...

17:39 Kulturë

Ta mbrojmë/ Gjuha shqipe çdo ditë po kërcënohet...

16:38 Kulturë

Kur të gjitha dritat mund të jenë mbi ty, por ti zgjedh errësirën

15:35 Kulturë 1 koment

Bilall Xhaferi: Natë çame

15:26 Kulturë 1 koment

Hemingway: Shumica e njerëzve s’dinë ç’është dashuria, se s’kanë fatin ta provojnë

14:30 Kulturë

VIDEO: Për fëmijët tanë, kërkimi i të pagjeturve dinjiteti ynë - Autoriteti për Informimin mbi Dokumentet e Ish-Sigurimit të Shtetit

14:23 Kulturë 1 koment