Te fundit
Kalaja e Gjirokastrës, thesar i historisë shqiptare
19 Qershor 2025, 11:28Kulturë
TEMA
Kalaja e Gjirokastrës vijon të mbetet siti më i kërkuar nga turistët e huaj që vizitojnë Shqipërinë dhe që e përfshijnë qytetin e gurtë në itinerarin e tyre.
Kështu, Kalaja e Gjirokastrës ka mirëpritur 53,455 vizitorë vetëm në 5 muajt e parë të vitit.
Shifra u bë publike nga ministri i Ekonomisë, Kulturës dhe Inovacionit Blendi Gonxhja i cili e cilësoi kalanë si një thesar të historisë shqiptare që vazhdon të tërheqë gjithnjë e më shumë vizitorë nga e gjithë bota.
Kjo kala i ka fillimet e saj në vitin 1336 megjithatë shumë historianë mendojnë se këto mure janë akoma më të hershme.
Në gjithë historinë e saj vlen për t’u theksuar shkëlqimi që pati nën udhëheqjen e Ali Pashë Tepelenës. Në vitin 1812 filloi rikonstruktimi nga Ali Pashë Tepelena. Gjatë kësaj periudhe kalaja u fortifikua dhe u pajis me armatime të përparuara.
Gjithashtu u ndërtua edhe kulla e sahatit, e cila edhe sot rrëmben vëmendjen e turistëve vendas e të huaj.
Në Luftën e Parë dhe të Dytë Botërore, kjo kala u kthye në strehën e shumë banorëve që mbroheshin nga bombardimet ajrore.
Prej vitit 1968 ajo do të bëhej qendra e trashëgimisë folklorike duke u bërë me krenari djepi i Festivalit Folklorik Kombëtar, një festival që mban në këmbë traditën unike të këngës folklorike shqiptare.
Kjo kala është kthyer në një nga pikat kulturore më të frekuentuara nga turistët dhe i lejon qytetit të ketë një sezon turistik përgjatë gjithë vitit, transmeton ora.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Or ju dhjevsha mu ne shtet mu ne media; nga heneme-vezire kumbaro deri tek media muti, ngri dhe lesho vec Gjirokastren, kur kjo e fundit, mbet e gjitha ne hije, kur krahasohet me qytetin e madherishem muzeal te kultures europiane dhe natyrore, perlen e vertete te Uneskos ,BERATIN.Kjo thjesht se berati, nuk eshte i gjithe muslluman, sic eshte gjirokastra.