Te fundit
A do të jetë ky kryeqyteti i parë europian që do të ndalojë makinat?
15 Korrik 2022, 19:39Lifestyle
TEMA
Ky kryeqytet i famshëm europian është ndërtuar dhe formuar në bazë të pandemive të shumta që ka kaluar në të shkuarën, ndaj plani që ai të ndalojë shumë shpejt makinat s’është aspak çudi.
Parisi po planifikon të ndalojë makinat brenda vitit 2024, me qëllim pastrimin tërësor të qytetit dhe reduktimin e trafikut.
Pasi e rikrijojë veten sërish, shekuj të tërë pas kohëve të tij të lavdishme, kryeqyteti francez i Parisit, mund të bëhet shumë shpejt qyteti i parë europian që të kufizojë përdorimin e makinave.
Kryeqyteti francez nuk po haset për herë të parë me këto lloj projektesh urbane kaq radikale.
Në fakt, paraqitja dhe ndjesia që të jep ky qytet janë gjerësisht rezultat i programeve urbane që janë modeluar nga pandemi të mëparshme që kanë rënë në Paris, ndër shekuj.
Historiania, Fabienne Chevallier thotë se “që prej pandemisë së Kolerës në vitin 1832, njerëzit kuptuan që kishte një lidhje direkte mes dendësisë urbane, getove dhe shëndetit publik.”
Kështu që nuk është çudi që restorantet parisiene e përdorin shumë pak kondicionerin dhe ndërtesat në përgjithësi kanë shumë dritare.
Plani është lajmëruar nga kryebashkiakja pariziene Anne Hidalgo, sipas të cilës më shumë se 100,000 makina do të zhduken nga pjesa historike e Parisit e cila përbën pjesën më të madhe të qytetit.
Projekti sipas saj ka kohë që është menduar dhe do të vijë 2 vite me vonesë si pasojë e pandemisë.
Përjashtime do të ketë vetëm për mjetet e transportit urban.
Sipas arkitektit francez, Alain Sarfati, ‘Në 10 vitet e ardhshme, Champs Elysees do t’i dedikohet tërësisht këmbësorëve.’
Tani që Qyteti i Dritës, po ndërmerr hapa të ngadalta për të dalë nga kufizimet dhe masat e ashpra, disa politikanë po konsiderojnë të mbyllin shumë prej rrugëve të qytetit për makina, në mënyrë që të përmirësojnë ajrin e ndotur si dhe mbingarkesën e trafikut.
Ideja e njohur si “Qyteti 15-minutësh”, ka për qëllim t’i sjelli njerëzit më pranë vendeve të cilat ata i kanë afër zemrës, duke i transformuar zonat urbane në hapësira multi-funksionale dhe duke reduktuar kështu kohën që duhet për të shkuar nga një vend në tjetrin.
Duke i dhënë prioritet këmbësorëve, çiklistëve dhe transportit publik mbi makinat, Parisi mund ta gjej vetën sërish në pararojë të dizajnit urban global.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Duket e pabesueshme, por po te shohesh lidhjen midis grimcave qe emetohen nga makinat dhe numrit te vdekjeve, apo lidhjen e ajrit te ndotur me frekuencen e covid-19, nr e rasteve dhe te vdekjeve nga ky virus, rezulton si domozdoshmeri kufizimi i makinave. Bie fjala, qyteti i Tiranes edhe ne oren 03 te mengjesit, ne pikat kryesore, ka nje nivel te PM2.5, grimcat qe qendrojne pezull ne ajer me permasa 2.5 mikrometer, 2 deri 8 here me te larte se niveli maksimal i rekomanduar nga organizata boterore e shendetesise. Per fat te keq ne Tirane jane stimuluar lokalet prane rrugeve ku fluksi i makinave eshte sh i madh dhe ku ndotja eshte shume e rrezikshme per shendetin e njeriut. Ndaj ka rendesi informimi i publikut dhe monitorimi profesional i cilesise se ajrit.