Te fundit
Disney nënshkruan marrëveshje 1 miliard dollarëshe me OpenAI, mes shqetësimeve për ndikimin e AI në krijimtari
12 Dhjetor 2025, 11:36Lifestyle
TEMA
Disney ka firmosur një marrëveshje prej 1 miliard dollarësh me OpenAI për të përdorur teknologjinë e inteligjencës artificiale në krijimin e përmbajtjes. Përdoruesit e platformës Sora do të mund të realizojnë video të shkurtra me mbi 200 personazhe të njohur nga Disney, Pixar, Marvel dhe Star Wars.
Marrëveshja trevjeçare u jep gjithashtu mundësi studiove të Disney-t të përdorin ChatGPT dhe mjete të tjera të OpenAI në prodhime të ndryshme, një hap që shumë e shohin si përshpejtim të futjes së AI në industrinë e filmit.
Megjithatë, ky vendim ka ngritur shqetësime mbi ndikimin që mund të ketë inteligjenca artificiale mbi krijimtarinë njerëzore, vendet e punës dhe autenticitetin e përmbajtjes. Ka frikë se videot e krijuara nga fansat me teknologjinë e AI – të cilat mund të shfaqen në Disney+ vitin e ardhshëm – mund të zëvendësojnë punën e artistëve dhe animatorëve.
Lëvizja shihet si pjesë e një tendence të gjerë në Hollywood, por edhe si një hap që rrezikon të hapë debat të fortë mbi kufijtë e teknologjisë në art dhe argëtim.
Më të lexuarat
24 oret e fundit
Javen e fundit
Blog Tema
Lini një Përgjigje